روآيه مشآعل من آروع روآيآت النت ..

الهنوف:حبيبي صدقني والله ماهمني لا مهر ولا شهر عسل ولا همني شي ,,,سعود انت كم معاك الحين؟؟؟
سعود: الهنوف انتي عارفه وضعنا المادي الحين ,, هنوف اسف لازم ناجل موضوع الخطبه,, وبعدين ايش تبيني اقول لامي ,, تعال اخطبي لي وابوي ماله شهر متوفي؟؟
الهنوف: ياقلبي والله انا مقدره بس اهلي مو راضين يحسون فيني ,, طيب اسمع انا عندي مبلغ حلو بالبنك,, راح احوله ع حسابك,, وقدمه لي مهر,, وانشالله اذا تحسنت ضروفك راح تعوضني
سعود عصب: تبيني اخذ مهرك منك ,, جد يالهنوف طحتي من عيني ,, على بالك انا مو رجال
وقفل الخط بوجهها من الزعل
طفش من الظروف الي يعيشو فيها ,, احوال ماديه زفت,,, وديون من كل مكان,, وهنوف الي مو راضيه تستنى,, ومشاعل التعبانه والي تتمنى تسوي عمليه
كان وده يقفل عيونه ويفتحها وتنحل كل مشاكلهم
00000000000000000000000000000000000000000000000000 00000
فهده وعبدالمجيد كانوا في الطريق للعياده
طبعا فهده راكبه ورى ماتبي تشم ريحه زوجها
عبدالمجيد وهم بالاشاره رجع يده لورا عند فهده: شمي ريحتي شمي
فهده: وووووووع ,, عبدالمجيد والله برجع ياشين حركاتك
عبدالمجيد: تدري يافهده سببتي لي عقده,, والله صرت اشك بنفسي,, تدري لو ماتطلعي حامل بطلقك بالعشر
فهده: احسن فكه منك
عبدالمجيد: العيال بالدوام يقولون ايش فيها فتحات خشمك كبرت ,, قلت لهم والله من كثر الشم ههههههههههههههه
فهده : ياسخفك,, اسكت ترى ماحب اسمع صوتك
وصلوا العياده ,, وبعد التحاليل
الدكتوره : الف مبروك يامدام انتي حامل
فهده مو قادره تصدق من الفرحه : الله يبارك فيك
عبدالمجيد ضم زوجته قدام الممرضه والدكتوره ماقدر يستحمل
فهده: وووووووع بعد عني ريحتك مقرفه
عبدالمجيد: اقول دكتوره زوجتي حامل بطفل والا عطر؟؟؟
الدكتوره: هههههههههههه ,, طبعا ولد ,,, بس ايه السؤال الغريب ده؟؟؟
عبدالمجيد: لانها من تشوفني تقول تعطر ريحتك خايسه
الدكتوره: ده الوحم شي طبيعي ,, ,معليش استحملها شويه,, وهي حتبأ ام عيالك
عبدالمجيد: طيب دكتوره لو اجلس 3 ايام ماتحمم تتوقعين تروح العقده الي عند زوجتي من الريحه,, لما تشم ريحه الخياس جد
الدكتوره: هههههههههههههههه ,, لا حرام عليك انتا عاوز تأتل العيل
00000000000000000000000000000000000000000000000000 00000
كانت مشاعل عند ساره ودقت لها ع حسين
مشاعل: هلا حسين
حسين : هلا والله وغلا بميشو,, اكرهك يادبا وينك وحشتيني
مشاعل: معليش حسين كنت تعبانه شوي, عموما انت كيفك؟؟؟؟
حسين: انا الحمدلله ,, انتي الي كيفك
مشاعل: انا تمام,, حسين بغيت اقول لك شي ,, لاتدق ع ساره لان ظروفها بالبيت صعبه
حسين : ميشو انا كنت ادق عليها علشان ودي اكلمك واتطمن عليك
مشاعل: شكرا ياحسين والله فيك الخير
حسين: وربي ياميشو من اخر مره كلمتني ساره وقالت لي ع الي صار لك وانا ما اذوق طعم النوم زين
مشاعل: احسن لاتذوقه اصلا هو الايام هذي صاير بدون ملح هههههههههههه
حسين: ههههههههههههه ميشو للحين ثقيله دم؟؟
مشاعل: لا خففته شوي
حسين: وكيفك بعد هالحقير طلالوه ,, الله لايوفقه ع الي سواه فيك
مشاعل: حسين لو سمحت لاتفتح لي مواضيع انتيهنا منها وسكرناها
حسين: انا انتقمت لك منه الحقير
مشاعل خافت :ايش سويت ياحسين؟؟؟
حسين: صدمته بسيارتي
مشاعل صرخت: مجنوووووووووون,, وايش صار له ,, حسين ايش سويت له ؟؟ تكلم؟؟؟
حسين انصدم من رده فعالها: ميشو هذا جزاي المفروض تقولي انت ايش صار لك,, مو تخافي ع هالحقير,, عموما لاتخافي هو قطوه له 7 ارواح وانا بس لعبت مع روح من ارواحه
مشاعل ارتاحت: يعني ماصار له شي؟؟؟
حسين بزعل: لا
مشاعل:حسين لاتزعل ,, بس هو ماله ذنب بالي صار لي,, هو ماحبني بيوم ,, كل الي سواه انه مثل علي وانا المغفله الي صدقته,, بس مو معنى هذا اني اتمنى له الموت
حست بشوق يقتلها لطلال,, نفسها تسال حسين عنه ,, بس استحت
حسين: عموما انا حبيت اسلم عليك,, ميشو هذا موبايلك؟؟؟
مشاعل: ايه
حسين: ترى بدق عليك اذا اشتقت لك اوكي
مشاعل: حسين انا مادوي ارجع مثل قبل اكلم ,, حسين انا كلمتك لاني اعتبرك اكثر من اخ ,, مو هاين علي اتركك كذا بدون ماودعك
بس حسين لازم ننهي الي بينا
حسين: مشاعل مستحيل انساك او اتركك,, انتي مثل اختي الكبيره ومااستغنى عن نصايحك لي , والا تبيني انحرف؟؟؟
مشاعل: ههههههههههههه تنحرف عاد,, طيب حسين اذا فيها انحراف اوكي ,, بس بليز حسين لاتكلمني في مواضيع الشباب او الطلعات لاني عاهدت نفسي اني اترك هالاشياء
حسين:احسن لاني اغار عليك
مشاعل: ههههههههههههه تغار علي ياغبي ,, انا لو متزوجه كان عندي ولد كبرك ههههههههههه
حسين: ايش عندها العجوز ام 100 سنه
مشاعل: ههههههههههههههههههه
00000000000000000000000000000000000000000000000000 00000
طلعت ساره من عندها وكانت تستنى بندر تبي تقول له ع ردها بخصوص موضوع العمليه
دق موبايلها وكان رقم بندر لانها قالت لساره تخزن رقم بندر بصوتها بس باسم بدريه لووووووووول
علشان لو كان احد جنبها مايسمع الموبايل يقول بندر
دق موبايلها وكان صوت مشاعل يقول بدريه ,,معنى هالكلام ان بندر هو الي يدق
حست بسعاده نوعا ما , ع الاقل ترتاح لما تكلم بندر,, فرحت لهالاحساس يمكن بندر يقدر ينسيها طلال
بندر: هلا والله وغلا بتسلم
مشاعل : هههههههههههه تسلم
بندر: كيفك ؟؟؟
مشاعل بمرح : تمام,, انت كيفك؟؟؟؟
بندر: تسلمي انا بخير ههههههههههههه
مشاعل: خلاص بندر كرهتني بهالكلمه
بندر: وراح اكرهك فيها لحد ماتردي علي ايش صار بموضوعي؟؟؟
مشاعل: اتذكر انه موضوعي والا؟؟؟
بندر بحنيه: اظن ان موضوعك هو موضوعي,, وكل شي يهمك يهمني
وسكت يبي يشوف رده فعلها
استغربت مشاعل من الي حست فيه ,, ,كانت تحس بفرحه لكلامه,, كانت محتاجه لحنان مو من صاحبه ولا اخو ولا اخت,, تبي شخص يحكي معاها ويهتم لها
مشاعل :........................
بندر بحماس: هاه ميشو ايش سويتي ,, قررتي والا نتصل بصديق؟؟؟
مشاعل تضحك: لا قررت
بندر بدا مهتم : بشريني
مشاعل: بندر انا موافقه
بندر كان راح ينجن من الفرحه
مشاعل: بس بندر انا منحرجه اقول لاخواني,, اخاف يقولو عني انانيه وافكر بنفسي
بندر: ولا يهمك اتركي موضوع اخوانك علي
مشاعل: شلون؟؟
بندر: انتي اهم شي سوي نفسك ماتدري عن شي ,, واخوانك هم الي راح يقترحوا عليك اتفقنا
مشاعل اعجبها طريقه بندر في حل كل مشاكلها ,, حست انه له قدره ع اسعادها
لما دق عليها كانت الساعه 1 بالليل ,, وماقفلوا الا 5 الفجر ,, كان 4 ساعات حلوه تكلموا فيها عن كل شي ,,, حست انها مبسوطه معاه,, وكلها فرح,, كان يتكلم عن نفسه ,, وعن مشاريعه ,, وكان يتكلم بصيغه الجمع وكانها راح تشاركه بحياته
حست مشاعل انها تعني الكثير بالنسبه لبندر ,,, واعجبها هالاحساس مع انها في البدايه كانت تنفر منه,, حست ان بندر ينتظر نتيجه العمليه ع شان يخطبها,, حست هالشي بكلامه,, وبسكوته
كان سكوته معبر ,,, وكلامه بلسم ع جروح مشاعل
ومع كل هالاحاسيس الحلوه حست انها قربت كثير من نسيان طلال,, حتى انها نادر ماتفكر فيه,, وحتى لو فكرت كان بندر ينتصر ع طلال في النهايه
مر اسبوع ع موضوع بندر ,, وكان كل يوم يكلمها ,, وكانت سعيده بمكالمته
وجاء اليوم الي ع قولت بندر راح يكلم اخوانها بموضوع العمليه
كانت خايفه من رده فعل اخوانها وهل بيوافقوا او يرفضوا

مشاعل كانت في غرفتها ميته خوف ,, خافت اخوانها يشكوا فيها
دق موبايلها وكانت نغمه بندر
مشاعل: الو
بندر: هلا ميشو
مشاعل: طلعت؟؟؟
بندر: ايه الحين طلعت ,, بس اسمعي مثل ماوصيتك ,, كانك ماتعرفي شي اوكي
مشاعل: اوكي بس بندر انا مره خايفه ,, اخاف يشكوا فيني واخاف مايوافقوا
بندر: مستحيل مايوافقوا لاني حسيت انهم فرحوا بهالخبر
مشاعل : انشالله
سكتت لما سمعت صوت ع الباب
مشاعل بهمس: بندر بعدين اكلمك اخواني عندي
وقفلت
مشاعل: ادخل
مشعل وسعود: السلام عليكم
مشاعل: عليكم السلام
سعود: ممكن ياقمر ننشب لك شوي؟؟
مشاعل: ههههههه تنشبوا لي
سعود: ايه نبي نسولف معاك شوي
مشاعل: اكيد بدون ماتستاذنوا
مشعل: ميشو ايش رايك بسفره حلوه لالمانيا؟؟؟
مشاعل كانت ودها تنفجر من الضحك ع اخوانها الي يحسبوها ماتدري عن شي
مشاعل: لا مابي
وطبعا كان سعود ومشعل يحاولوا يقنعوها تسافر ,, وبعد ساعه من الاقناع اقتنعت مشاعل,,, وقرروا انهم يبلغوا بندر عن رايهم,,, وقرروا بعد ان سعود هو الي راح يروح مع مشاعل,, لان مشعل اول شي صعبه يروح ويترك زوجته ,, وثانيا الشركه ومشاكلها سعود مايقدر يتحملها
00000000000000000000000000000000000000000000000000 00000
فهده تكلم امها: هلا ماما كيفك وكيف صالح؟؟؟
ام فهده: بخير جعلتس بخير,,, وصالح يسلم عليتس سلام كثير
فهده استغربت حنيه صالح : الله يسلمه
ام فهده: ماتقولين اجي ازور امي ,, ولا اسير عليها
فهده: لا يمه انا كنت راح اجيكم انشالله اليوم ,, خاصه وان عندي خبر حلو
ام فهده: وش هالخبر الزين رجلتس شرى لتس بيت,, والى كتب لتس شين باسمتس؟؟؟
فهده: لا يمه شي احلى واكبر
ام فهده شهقت: شرى لتس قصر؟؟؟؟؟
فهده: يمه اكبر معنويا مو ماديا
ام فهده: وش تقولين انتي ,,, انتي من يوم خذتي هالرجل وانا ماعرف حتسيتس
فهده: يمه خليها مفاجاءه لما اجيكم اليوم انشالله
ام فهده بطفش: ايه طيب بس لاتبطين ,, تراني ابيتس بموضوع
فهده خافت: يمه ايش فيه؟؟؟
ام فهده: ابد يابنيتي ,,, اخوتس يبي يخطب
فهده فرحت: من جد ماما الف مبروك
ام فهده: انا قلت بيخطب ماقلت تزوج
فهده بنفسها الله يعين الي بتاخذه: طيب ماما انشالله ماراح اطول
00000000000000000000000000000000000000000000000000 00000
ام مشعل : انشالله ترجعي من السفر بالسلامه , وانشالله ترجعي تشوفي احسن من اول
مشاعل فرحانه: انشالله ماما
الكل انصدم مشعل وسعود وام مشعل حتى مشاعل نفسها انصدمت ,,اول مره تتجرء وتقول لاحد ماما بعد ما امها ماتت
يمكن الفرحه لخبطتها,, انحرجت وطلعت غرفتها,, وهي بنص الدرج سمعت ام مشعل تبكي,, ونزلت لها مره ثانيه
مشاعل: خالتي ايش فيك تبكي؟؟
ام مشعل تبكي: اول مره اسمع منك هالكلمه ,,, جعلك سعيده بالدنيا والاخره يابنيتي,, كنت اتمنى هالكلمه من زمان تطلع منك,, وانا استحيت اطلبك تقوليها ,,, لاني حسيت ان مافيه احد يحل مكان امك,, مع اني والله احبك ,, ولو عندي بنت ماحبيتها كثر ماحبك
مشاعل بكت من كلام ام مشعل: يشرفني ياخالتي انك تكوني ماما
سعود كان فرحان بتطور الامور ,, حس ع الاقل ان الامور بدت تتحسن
اما مشعل كانت دمعه من عينه تاخذ طريقها لخده ,, تاثر بالموقف ,,, وتاثر بالحب الي بين امه ومشاعل,, اول مره يشوفهم متاثرين لهدرجه
ام مشعل: الله عوضني بفقده ابو مشعل ,, بهالكلمه يامشاعل, لاتحرميني منها الله لايحرمك الجنه
مشاعل بكت من قلبها,, ماكانت تتوقع اثر هالكلمه كبير لهدرجه
مشاعل: صدقيني محد يهون علي موت بابا ويخفف علي احزاني الى انتي يا .. ماما
ام مشعل ضمت مشاعل بقوه وبكو الثنتين
هنا دخلت ام سلطان
ام سلطان: ياحرميه ,,, رجعوا لي فلوس عيالي
مشعل: اي فلوس ؟؟؟ايش تتكلمي عنه
مشاعل: مشعل لا تكلم هالاشكال,, وبعدين انا قلت لك روحي للمحاكم لان مالك شي عندنا
سعود: اي محاكم واي فلوس ايش القصه
ام سلطان: ماتدري ايش فيه ,,, سارقين فلوسي وتقولوا ايش صاير,,, ابي ورثي وورث عيالي الحين
مشعل عصب منها: ام سلطان تدلي الباب والى ادلعك,, وياليت اخواني يجوا عندنا لاننا راح نقدر ناكلهم ونشربهم,, اما انتي اطلعي برا وتدبري شؤنك برا بيتنا
ام مشعل: مشعل عيب عليك
مشعل: ماتسمعي ايش تقول؟؟؟؟
ام مشعل: عيب عليك ياام سلطان انتي حرمه كبيره والمفروض تكبري عقلك ,,, انتي عارفه ان ابو مشعل خسر كل فلوسه من وين نجيب لك الورث,, وبعدين المحامي راح يبين لكل واحد الي له والي عليه,, ومو معقوله احنا بس المسؤلين عن دفع ديون الشركه ,,, المفروض انتي بعد تدفعي معانا
ام سلطان : طيب انا اوريكم
وطلعت معصبه ودخلت بيتها وسكرت الباب
سلطان: ماما ايش فيك معصبه؟؟؟؟
ام سلطان: انقلع عن وجهي
فهد: ماما ابي اروح صاله التزلج مع اصحابي
ام سلطان: روح وانا ايش دخلني
فهد: ماما ابي فلوس ما معاي
ام سلطان: روح قول لاخوانك يعطوك انا ماعندي شي
قفلت ع نفسها غرفتها وطالعت نفسها بالمرايه
ام سلطان: ااااااااه يالقهر ,,, هالشايب مالقى يموت الا الحين,, كنت ناويه اسافر اسوي لي كم عمليه تجميل,, لازم اسوي شد لوجهي احسه بدا يترهل,, ولازم اسوي شفط دهون لبطني ,, من بعد ماجبت هالفيصلوه كبر بطني
يا الله قهر ,, ليته صبر شهر,, انا لازم ارفع عليهم قضيه,, بس من وين اجيب حق المحامي,, واهلي مافيه امل يعطوني ولا ريال حتى
00000000000000000000000000000000000000000000000000 00000
ام ساره : حبيبتي ساره
ساره: هلا ماما
ام ساره: اتصلت علي ام مازن تعرفيها ؟؟؟ جارت خالتك هيا
ساره: ايه ماما اتذكر شفتها ببيت خالتي
ام ساره: ايه حبيبتي متصله تخطبك لولد اختها
ساره: الله يمه,,, ولد اختها يابوي حك ظهري
ام ساره: ههههههههههههه ,,, ولد اختها ايش الي يابوي حك ضهري
ساره: طيب ماما ايش قلتي لهم
ام ساره: قلت لهم بسال البنت وبسال ابوها وارد لكم
ساره: ايه ماما خلي بابا وبندر يسالوا عنه ترى انا مابي لحط
ام ساره: وايش لحط هذي؟؟؟
ساره: يعني قراوى ,,, انا ابي ناس اول شي كاش واهلهم لبيسين ,, مابيهم يفشلوني عند الي اعرفهم اذا قالوا هذولا اهل زوجك
ام ساره: اما انك غريبه ايش دخلك باهله ,, اهم شي الولد
ساره: اووووووه يمه ,, انا ماراح تزوج ع كيفكم انا راح اتزوج الي انا ابيه
ام ساره: يعني ايش اقول لهم يجوا او لا
ساره: يجوا وين
ام ساره: امه واخته يبوا يجوا يشوفوك ,, تدرين ماعمرهم شافوك ,, يسمعون بك من خالتهم ,, وودهم يجوا يشوفوك
ساره تفكر: تدرين ماما خليهم يجوا ,, خليني اشوفهم بعيني واذا اهله قراوى ومايعرفو يلبسوا وحسيت ان حالتهم الماديه مو ذاك الزود ,,, اطردهم قبل لايخطبني
ام ساره: ايش هالثقه ,, يمكن هم الي مايبوك
ساره: بدري عليهم,, المهم ماما اتصلي عليهم وقولي لهم
ام ساره: مو قبل مانسال ابوك
00000000000000000000000000000000000000000000000000 00000
بندر: هاه ميشو كيف الاوضاع ببيتكم ,,, كل شي تمام ,, اخوانك وافقوا
مشاعل : الحين اي سؤال تبيني اجاوب عليه؟؟؟
بندر: كلهم ههههههههههههههههههههه
مشاعل وهي تضحك : انشالله السؤال الاول الاوضاع ببيتنا تمام ,,, واذا على اخواني تخيل جلسوا ساعه يترجوا فيني اوافق اسافر
بندر وكانه يترجاها : ههههههههههههههههه,, بليز وافقي ميشو
مشاعل تسوي نفسها تتغلي : اممممم لا ههههههههههههههههه
بندر : ميشو ترى خلاص موعد سفرتك انشالله بعد اسبوعين ,,, اتفقنا حبيبتي
حبيبتي؟؟؟؟؟؟؟؟؟؟ تفاجات مشاعل من هالكلمه الي قالها بندر ,, صح انها هالايام تكلمه بشكل يومي ,, وصح اهتمامه فيها باين ,, بس اول مره تسمعه يقول حبيبتي
وفي الطرف الثاني بندر ماكان اقل صدمه من مشاعل ,, والي حاول يمسك هالكلمه اكثر من مره ,, بس اظن شفايفه خانته وماقدر يكتم مشاعره,, حبه لمشاعل كل يوم يكبر ,, وكان حريص مايبين لها كبر حبها بقلبه ,, خاف ترفضه وهو مايقدر يستحمل فراقها او زعلها عليه,,, بس اظاهر مشاعره اكبر من انه يكتمها بقلبه الي صار هاجس مشاعل مايفارقه ,,,كان يحلم فيها ,,, واحلامه ماكانت بالنوم بس,, بندر صار مهووس بمشاعل,, حتى وهو صاحي يحلم فيها
بندر انحرج: مشاعل اكلمك بعدين
مشاعل: اوكي باي
بندر: باي
مشاعل حست بالاحراج الي حس فيه بندر,,, كانت تخاف من هالكلمه من بعد طلال,, لكن مع بندر ع الاقل تحس بامان ,, كان صادق معاها وكان حبه واضح حتى وهو يخفيه,, معاه ماتخاف لامن مشاعرها ولا من المستقبل,,, استسلمت لمشاعرها ,,, وقررت انها تعطي نفسها فرصه تفرح,, تعيش تجربه ثانيه مع بندر,, الي انشالله تكون افضل من تجربتها مع طلال
اعجبت بقدره بندر الكبيره على سيطرته على افكارها ,, حتى ان طلال نست موضوعه ,, ونست ان مر عليها واحد اسمه طلال
00000000000000000000000000000000000000000000000000 000000

00000000000000000000000000000000000000000000000000 000000
بندر من بعد ماقفل من مشاعل راح ع طول لغرفه ساره
بندر: سارونه نايمه؟؟؟
ساره:لا تعال جالسه اقراء
بندر: حركات يالمثقفه ايش تقرين؟؟؟
ساره: اقرا كتاب كيف تقول لا
بندر: لا الله يخليك الا هالكتاب
ساره: ليش؟؟
بندر: لاني ودي اقول لك شي واخاف تكونين استفدتي من هالكتاب وتقولي لي لا
ساره:هههههههههههه,, لا مكتوب بالكتاب اني اطبق كل شي اقراه الا على بندر
بندر: هههههههههههههههه,, طيب يادبا ابيك بكلمه راس
ساره تلتفت تدور احد
ساره: من متى انت تحظر جن؟؟؟؟
بندر: جن؟؟؟
ساره: ايه لاني ماشوف الا انا وانت كيف تقول كلمه راس,, الا كانك تشوف ناس انا ماشوفهم
بندر: هههههههههه ,, ايه الحين قدامي شايب منجن عليك
ساره خافت: لاااااا بندر ترى ماحب هالكلام لاتخوفني
بندر: طيب المهم ابيك بوضوع جدي
ساره: امر
بندر: شرايك فيني؟؟؟
ساره تضحك: بسم الله عليك انت ابد مو طبيعي اليوم
بندر: اسمعي انا عارف انك تحبي مشاعل مره وادري انها اغلى صاحبه عندك,,, وانا ياسارونه ودي .....
ساره تضحك: ودي بايش؟؟؟ تخطبها مثلا
بندر يبتسم: ايه اذا هالشي مايضايقك طال عمرك
ساره : والله احلى يوم بحياتي الي اشوفك مع ميشو ,, والله انكم لايقين ع بعض,, الا تعال ماقلت لها؟؟؟
بندر ارتبك: وانا متى كلمتها علشان اقول لها
ساره تغمز له: علينا ,, المهم ماعليك انا بكره اكلمها
بندر: بس سارونه ابيك ماتضغطي عليها,, ابيها تاخذ راحتها بالتفكير ,, وحتى لو كان جوابها الرفض ابيها تتاكد ان مافيه شي راح يتغير لا بينكم ,, ولا بيني وبين اخوانها ,, وموضوع العمليه منفصل تماما عن موضوع الخطبه
ساره: طيب ياتماما انت,,,طيب ليش ماتاجل الموضوع لحد ماترجع انشالله من العمليه
بندر: مااقدر لسببين
ساره: ايش هم؟؟؟
بندر: ماودي تظن اني مافكرت اخطبها الا بعد ما يرجع نظرها انا ياسارونه ابيها بكل عيوبها وحسناتها,,, والسبب الثاني مابي اتركها لوحدها هناك ولاابي اكون معاها بصفتي اخو صاحبتها , ابي اكون خطيبها
ساره : ااااااااااااه يابندر
بندر: ايش فيك؟؟؟؟
ساره حطت يدها ع خدها وطالعت بندر وابتسمت: ياحلو الحب
بندر ظربها بالمخده وطلع
00000000000000000000000000000000000000000000000000 00000
مشاعل كانت تنتظر بندر يدق ,, ,استغربت انه اول مره من بعد ماتوفى ابوها يخليها يوم بدون ماتسمع صوته,,, حست بشوق له ,,, كانت ترتاح معاه,, وترتاح لصوته وكلامه الحنون,, وخوفه عليها ,,, في بعض الاوقات كان يذكرها بطلال وبحنيه طلال المزيفه لها ,,, كان طلال طول الوقت يخدعها , اما بندر كان صادق
حاولت تستجمع كل ذكرياتها وكل حاظرها وترتب حياتها لمستقبل جديد غامض
فكرت بعرض بندر الزواج منها ,, بدايه خافت من الفكره وحست انه شعور طبيعي لكل بنت قبل الزواج
سالت نفسها سؤال ايش معنى انها تكون خطيبه بندر, معنى هذا انها في المستقبل راح يكون زوجها وهذا معناه انها راح تشاركه حياتها بكل تفاصيلها ,, حست برعب يقتلها,, اكيد هي ترتاح لبندر وتحس بصدقه وحبه لها ,, لكن مستحيل تقدر تشاركه حياتها ,,, حست بحنين يقتلها وحست بالم في قلبها لما تذكرت طلال ,, كانت دايما تحلم انه يكون زوجها ,, ماتخيلت نفسها تكون لواحد غيره ,,, مستحيل تشارك حياتها مع غير طلال
حست انها انخلقت له وهو انخلق لها ,,, بس بالمقابل ايش قدم لها طلال ,,, ماقدم لها الا ذكريات او ان جاز التعبير ذكريات مؤلمه,, كل ماتملك يذكرها بطلال هو عماها ,, وقلبها المجروح,, وخوفها من المستقبل,,
خافت ماتقدر تستمر مع بندر لان هاجس طلال يقتلها ,, وخافت يضيع منها بندر وتكتشف بعدين انه هو الشخص المناسب لها
ايش تنتظر من طلال ,, يقتلها علشان ترتاح ,,, طلال تركها ولافكر يسال عنها,,وهو كان عارف الحب الي تحمله بقلبها له ,, مع كذا تركها بدون مايودعها,,, لكن بندر طول الوقت كان معاها ,, ويقدم لها دعمه باي وقت,,, يسمع هموما وشكواها ,, قريب منها ,,, يخاف عليها
تذكرت خوف طلال المزيف لها ,, الفرق كبير وواضح بين صدق بندر وكذب طلال ,,, كل شي واضح قدامها ومايبي له خبير ,, اما انها تعيش ع ذكرى طلال والا تعيش مع بندر الي متاكده انها يحبها
حست بقهر لانها للحين مانست طلال ,, والي من فتره قريبه كانت متاكده انه صار هامش بحياتها ,, بس بمجرد ماانفتح معاها موضوع الزواج ,, رجعت تحن له
تعبت من التفكير وقررت انها تستخير الله ,, والي الله كاتبه لها راح يصير
00000000000000000000000000000000000000000000000000
في اليوم الثاني,,, فهده كانت عند امها
ام فهده : وع مالت عليك حامل ,, كان يالخبله صبرتي ,, يمكن يطلقتس وتجرجرين وراتس هالعيال
فهده: يمه ايش هذا فال الله ولافالك,, حرام عليك المفروض تفرحين لي
ام فهده : ايه بس المهم ابي رقم ام ساره صديقتس
فهده مستغربه: ليش ياماما
ام فهده: ودي اخطبها لصالح
فهده انصعقت: يمه صاير لعقولكم شي,, ايش جاب ساره لولدك
ام فهده :تف عليها حامضه وهي تطول ولدي
فهده: لا ماتطوله, ترى يمه ساره مخطوبه
ام فهده: هوو,, ومتى انخطبت
فهده تكذب ع امها ع شان تصرف نظر عن هالموضوع: من شهر
ام فهده: مالت عليها, هي الخسرانه
فهده تجاري امها: صادقه هي الخسرانه
ام فهده: اجل نبيك تدوري لنا بنت زوينه نخطبها لاخوتس
فهده: انا مالي شغل فيكم ,, اخطبي له انتي
ام فهده: وهو مو اخوتس ياوسيعه الوجه
00000000000000000000000000000000000000000000000000 0000
ساره كانت عند مشاعل
مشاعل: اخلصي قولي ايش عندك جيتك وراها شي
ساره: ,, ميشو اوكي بتكلم,, بس شوفي الموضوع الي راح اقول لك عنه ,, ماله شغل بعلاقتنا انا وانتي,, يعني سواء رفضتي او وافقتي صداقتنا برا الموضوع
مشاعل: سويره تكلمي طيحتي قلبي
ساره: الا قلبك ترى يزعل علي بندر
مشاعل صار وجهها احمر : اقول بلا بياخه تكلمي
ساره: اوكي باختصار وبدون لف ودوران ,, اخوي بندر يبي يخطبك
مشاعل استحت مره ,, مع انها تمون ع ساره مره ,, وبس اول مره تحسها غريبه عنها ,, وتستحي منها ,, يمكن ع شان الموضوع يتعلق باخوها
مشاعل: ساره انتي عارفه وضعي الحين وبعديـــ..
قاطعتها ساره: ميشو لاتصيري مريضه ,, ايش فيه وضعك ,, قصدك انك ماتشوفي هذا مو عيب ولا حرام ,, يعني الي ماتشوف ماتحس وماعندها قلب؟؟؟
مشاعل: لا سارونه مو قصدي بس انا مقدر اقدم لاخوك اي شي ,,,, بعدين ايش الي جذبه فيني وانا بوضعي هذا
ساره: ميشو الحب مايعرف شكل ولا لون او حتى مرض,, بندر يحبك وانا متاكده من هالشي
مشاعل: بصراحه مدري ايش اقول لك ياساره بصراحه فاجئتيني
ساره: المهم لك مهله تفكري ,,, بس اسبوع قبل تسافروا وصدقيني اي قرار راح تاخذيه ماراح ياثر ع علاقتنا انا وياك او علاقه بندر باخوانك ,,, احنا اكثر من عائله ومافيه شي راح ياثر علينا,, ميشو خذي قرارك بدون خوف من الي راح يصير ,,, وفكري كويس هذا زواج,, وفكري ببندر كزوج مو كاخو صديقتك وانك تستحي ترفضيه علشاني او علشان بندر والي سواه معاك ,, تدري ميشو ان بندر لما قال لي كلميها تردد مليون مره
مشاعل: تردد؟؟؟
ساره: ايه يقول اخاف تقبل تتزوجني علشان ترد لي الجميل,, وهذا اكثر شي راح ياذي بندر,,, بندر يبيك ,, واذا ماحصل نصيب صدقيني قرارك بندر راح يحترمه
مشاعل : بس الموضوع هذا يبي له تفكير
ساره: خذي وقتك ,,, بس بندر وده تردي له قبل تسافروا
مشاعل: ليش؟؟؟
ساره: لانه يبي يسافر معك بصفه رسميه عند اخوانك ع الاقل يكون خطيبك رسميا
مشاعل ابتسمت : يعني هو مصمم انه يروح معانا
ساره انصدمت: مجنونه يخليك تروحي لوحدك كان ينجن علينا
مشاعل استحت: سويره بلا سخافه
ساره: تلاحظي انك اخذتي وجه ترى مو اسمي سويره
مشاعل: طيب يا مدام ساره
ساره: لا انا انسه
مشاعل :هههههههه طيب ياانسه
ساره: بس شكلي قريب بصير مدام
مشاعل: ياحقيره انخطبتي وماقلتي لي
ساره: اعصابك تو الناس داقين ع امي امس,, بس شكلي راح ارفضهم
مشاعل: ليش؟؟؟
ساره: مدري احسهم فقراء وقراوى
مشاعل: وشلون حسيتي
ساره : لان خالتهم فقيره, وهي الي خاطبتني
مشاعل: هههههههههههه,, طيب يمكن اختها متزوجه تاجر
ساره: ماتوقع عموما انا قلت لامي خلهم يجون نضحك عليهم شوي
مشاعل: هههههههههههههههههه,, اقول ايش اسم الولد
ساره : مدري
مشاعل انصدمت : ماتعرفي اسم الولد؟؟؟؟
ساره: لا ايش عرفني اعرف عايلته
مشاعل: تدرين جيبي لي اسمه واسم ابوه واجيب لك تاريخ اجداده ههههههه
ساره تحمست: جد ميشو كيف؟؟؟
مشاعل: نسيتي خالتي ام مشعل ,, مشالله عليها ماخلت احد الا تعرفت عليه
ساره: والله اجل تعالي نسالها
مشاعل: وكيف نسالها وانتي ماتعرفي الولد؟؟؟
ساره: تدري راح ادق ع ماما واسالها
ساره من الحماس ماقدرت تستحمل ودقت ع امها
ساره: هاي ماما
ام ساهر: هلا حبيبتي
ساره: ماما ايش اسم الولد الي امس خطبني؟؟؟
ام ساره: هشام
ساره: ماما ابي اسمه كامل وابوه وين يشتغل وكل شي؟؟؟
ام ساره: ليش ايش تبي فيه؟؟؟
ساره: يوه ماما بعدين اقول لك
ام ساره: طيب طيب,, اسمه هشام عبدالعزيز عبدالله الــ.. وهو يشتغل في مكاتب ابوه
ساره: وابوه
ام ساره: ابوه لواء
ساره: طيب ماما باي
نزلت مشاعل وساره عند ام مشعل
مشاعل: اقول ماما
ساره انصدمت من مشاعل اول مره تسمعها تنادي ام مشعل ماما,, بس كانت مو رايقه تحقق تبي الحين تعرف معلومات عن زوج المستقبل
ام مشعل: سمي ياحبيبتي
مشاعل: ماما تعرفي عايله الـــ
ام مشعل: ايه اعرف اخت مره اخوي ماخذه منهم
مشاعل: اها يعني ماتعرفيهم كويس
ام مشعل: لا ,, بس ايش تبو منهم
مشعل: خاطبين سارونه ودنا نسال عنهم
ام مشعل: ولا يهمك سارونه تستاهل الحين ادق ع اخت مره اخوي واسالها ,, هم اهل رجلها اكيد تعرفهم
ساره: شكرا ياخالتي
ام مشعل دقت على اخت مره اخوه
ام مشعل: هلا والله بام محمد
ام محمد :هو,,, ام مشعل هلا والله وغلا ايش اخبارك
ام مشعل: تمام الحمدلله,, انتي شلونك وشلون العيال
ام محمد: والله الحمدلله
ام مشعل: اقول ام محمد,, ودي اسالك
ام محمد: سمي
ام مشعل: ماتعرفين احد من اهل رجلك ابوهم لواء
ام محمد تتذكر: والله ماعرف ايش شغلت الرجال ,, بس قولي لي ,, ايش اسم الابو يمكن اعرفه
ام مشعل: اسمه عبدالعزيز عبدالله
ام محمد: هو ,, ايه ذكرت الي ابوهم ضابط كبير
ام مشعل: ايه ,, هم عندهم ولد توه ماتزوج؟؟؟؟
ام محمد: ايه عندها هشام ولدها الوحيد
هنا تاكدت ام مشعل انها عرفتهم
ام مشعل: ايه هذا هو,, الا عساهم طيبين,, ,وكيف ولدهم رجال؟؟؟؟
ام محمد: خاطبين مشاعل؟؟
ام مشعل: لا والله خاطبين صديقتها ,, وقلت بسالك اكيد انك تعرفينهم
ام محمد: والله ياام مشعل انهم حقن وماعليهم انسه,,, وماينبغون
ام مشعل: هو ياكافي وراه
ام محمد: فيهم غرور ,,, وكبر ,, وامه كريهه ومغروره
طبعا ام مشعل كانت حاطه التلفون ع السبيكر,, وساره تسمع كل شي
وبعد ماسمعت هالكلام ,,صارت تاشر لام مشعل بيدها وكانت تحك اصبعها الابهام بالسبابه <- قصدها الفلوس
ام مشعل استغربت من ساره الي بعد هالكلام تبيها تسالها هم اغنياء او لا
ام مشعل: طيب يام محمد كنت بسالك كيف حالتهم الماديه
لولوه : عندهم فلوس لو يصرفوها من اليوم لمليون سنه ماخلصت,,, ابوه اشهر واحد بعايله زوجي,, مليونير
ساره انجنت من الفرحه ,, مليونير ,, هذا امنيتها
قفلت ام مشعل ,, وحاولت ساره تبين عند ام مشعل انها مو مهتمه ,,, بس مشاعل كانت حاسه فيها انها فرحانه لانها عارفه صاحبتها تموت بالفلوس
تعشت ساره عن مشاعل وهي طالعه
ساره: اقول ميشو ترى بكره راح اتصل عليك ولازم تقولي لي ع ردك
مشاعل :انشالله بفكر اليوم وراح استخير ,, وارد لك
00000000000000000000000000000000000000000000000000 00000
ساره وصلت للبيت وراحت ركض لامها
ساره: اقول ماما ايش قلتي للي خطبوني
ام ساره: قلت لهم راح اسال البنت وابوها
ساره: طيب ماما دقي عليهم خليهم يجوا بكره
ام ساره: ايش غير رايك؟؟؟
ساره: ماما ام مشعل سالت عنهم طلع ابوهم مليونير
ام ساره: ياحبيبتي لاتهمك الفلوس اهم شي اخلاق الولد
ساره: اووووه ماما راح تدقي والا لا؟؟؟؟
ام ساره راحت تدق وحددت معاهم موعد بكره بعد المغرب
00000000000000000000000000000000000000000000000000 00000
مشاعل استغربت ان بندر مادق عليها اليوم ,,, اكيد يبي يعطيها فرصه تفكر ,,, احترمت تفكيره,,, فكرت ببندر كرجل,, محترم وذوق وطيب ويكفي انه يحبها,, اعجبها منطقه واسلوبه واعجبها اكثر رجولته ووقفته دايما معاهم ,, كل شي فيه حلو ,,, رجل تتمناه اي بنت
مشاعل اكيد لو كانت الظروف غير ,, كان راح تحبه ,,, كانت متاكد من ان طلال صار هامش بحياتها ,, لكن ليش لما جاء موضوع الزواج بدت تحن لطلال, ايش تبي منه اكثر من الي سواه فيها,, بسببه هي عمياء,,وبسببه قلبها مجروح,, وبسببه ماتقدر تقرر في موضوع مصيري بالنسبه لها
كان مثل السم الي يمشي بدمها ويقتلها ,,, فكرت مليون مره ,,, لو وافقت ع بندر,, معنىهذا انه راح يكون زوجها,, وشريك حياتها,, هالكلام معناه انه راح يشاركه بحياتها ,, حنت اكثر لطلال الي ماقدرت تتخيل نفسها مع واحد غيره,, بس ايش تنتظر من طلال اكثر,, يقتلها وترتاح,,,, الى متى راح تقتل نفسها ع شان واحد مايستاهلها
لازم تفكر بمستقبلها,, المستقبل الغامض ,,, الي ماتدري هل باختيارها لبند رزوج لها راح تكون سعيده وراح يقدر بندر يسكن قلبها,, والا راح تكون اسيره العذاب والذكريات المحزنه,,, او ان جاز التعبير بقايا الذكريات
تعبت من التفكير واستخارت ربها ,,, وكانت واثقه بالي راح يختاره لها ربها
ان كان زواجها من بندر مكتوب ,, اكيد راح تتزوجه
وان كان الله كاتب لها العذاب طول عمرها مع ذكرى شخص انتهى منحياتها فهذى قدرها ونصيبها
00000000000000000000000000000000000000000000000000 00000

في اليوم الثاني الصباح
نجود: مشعل قوم حبيبي الساعه 10
مشعل فز:10 من جدك ,, ليش ماصحيتيني قبل
نجود: تعبت معاك وانا اصحيك,, يله قوم تاخرت ع الشركه
مشعل: انشالله الله يعين ع ابو سليمان غريبه مادق علي اليوم بالعاده اذا تاخرت القى 50 مسد كول منه
نحود: يمكن الله هداه ونوى يعطيكم فرصه اطول ع التسديد
مشعل: ماظن ابو سليمان يسويها انا مدري ليش ابوي الله يرحمه شاركه,, طماع وجشع
نجود: حبيبي انشالله كل شي بيتحسن,, لاتضيق صدرك انت
مشعل: الله يسمع منك
نجود: حبيبي جهزت لك الفطور ,, افطر قبل تروح
مشعل: لا حبيبتي تاخرت مره
بعد مالبس مشعل وطلع
نجود: يالله من وين ابدا ,,, لازم اليوم اشيل كل اغراضنا علشان نروح بيت خالتي ,, بس جد محتاره من وين ابدا,, خليني ابدا بالملابس
00000000000000000000000000000000000000000000000000 00000
سعود : يالله هالمشيعل مدري وينه ,,, ليش تاخر,, الحمدلله ان ابو سليمان ماجاء كان ازعجني
دق موبايله
سعود: بسم الله ايش صحاك يالجنيه
الهنوف وكلها نوم: هلا سعود
سعود يقلد صوتها: هلا سعود,, ايش صحاك يالخبله
الهنوف: حلمت حلم مو كويس
سعود:خير انشالله ايش حلمتي؟؟؟
الهنوف: حلمت انك سافرت لالمانيا علشان ميشو ,,, وحبيت وحده المانيه وتزوجتها وتركتني
سعود: ههههههههه مقدر ع الرمنسيه,, لو ادري ان سفرتي لالمانيا راح تخليك رومانسيه كان سافرت من زمان
الهنوف: سعود انا خايفه
سعود: تخافي من ايش يالخبله ,, اصلا الالمانيات شينات ,, مسترجلات , يعني تطمني
الهنوف عصبت : يعني لو كانوا حلوات كان تزوجت وحده هناك؟؟
سعود: هههههههههه مو شينه تصير عندي حرمتين وحده هنا وحده هناك ههههههههه
الهنوف: ياحقير
وسكرت السماعه
سعود مات ضحك متعود ع عصبيه الهنوف
00000000000000000000000000000000000000000000000000 00000
وبعد المغرب
ساره كانت منجنه ومتحمسه لان اهل المليونير هشام راح يجوا
ام ساره : هاه حبيبتي جهزتي ترى كل شوي يسالوا عنك
ساره : يله ماما خلصت ,, بس بلبس الحلق وازل
ام ساره: يله لاتطولي
نزلت ساره وكانت راح تدخل بس طرى في بالها شي نسته ومهم بالنسبه لها ,, نادت الخدامه
الخدامه: ايوه مدام
ساره: اطلعي برا بسرعه
الخدامه : ليش ايش فيه سوي انا
ساره : يالخبله استني ,, انا اقول اطلعي برا وشوفي السياره الي موقفه برا ايش هي
الخدامه: مدام انا مايعرف سياره
ساره: انا الغبيه الي اعتمد عليها
دقت ع السواق
السواق: ايوه مدام
ساره: روح بسرعه شوف سياره برا بيت انا ,, ايش نوع, وموديل ,, ولوحه
السواق المسكين راح يشوف وجاء
السواق: هدا سياره جاكوار ,, لون ازرق,, لوحه +++ +++
ساره: طيب وموديل قديم والا جديد
السواق : مدام انا مايعرف موديل مافيه مكتوب
قفلت بوجهه
ساره في نفسها" حلو سيارتهم جاكوار اجل شكلهم مو بخلاء,, والله وراح تتزوجي المليونير ياسويره "
دخلت امها: مجنونه انتي كل هذا تلبسي حلق,, يله الناس راح يمشوا واني جالسه
ساره : يله ماما,, طيب ماما شكلي حلو
ام ساره عصبت: ايه بس يله
طبعا ساره دخلت عندهم وكانت تتصنع الحياء
ساره: السلام عليكم
الام والبنت: عليكم السلام
كانت الام مرتبه بس مبين عليها مغروره,, اما البنت فكانت تطالع ساره بتفحص
بعد السلام
الام : تدرسي
ساره في نفسها " يعني تدرين يالكريهه اني ادرس بس شكلها تبي تتاكد من مخارج الحروف عندي"
ساره بدلع متصنع : ايه خالتي انا ادرس بالجامعه
البنت: اي قسم
ساره: رسم
الام: ليش تدخلي رسم ماله مستقبل
سارهفي نفسها" ايش تبي هالعجوز"
ساره تبتسم: خالتي هذي هوايه
تدخلت ام ساره: ايه ساره من يومها صغيره وهي تحب الرسم
الام: ايه بس الرسم ماينفعها كان دخلت شي ينفعها وتقدر تتوظف به
ساره في نفسها" اتوظف ليش وولدك عنده هالملايين"
ساره :خالتي انا مافكرت اتوظف اهم شي عندي اني ادخل القسم الي احبه
الام: لا لازم تظبطي نفسك,, وماتمشي ورى هواها
ساره قفلت اخلاقها من هالعجوز
الام: اقول بنتي انتي لابسه كعب,, ماشوف لان تنورتك طويله
ساره بغت تقوم تصفقها: لابسه كعب مو طويل
البنت: ترى الكعب مو زين للبنت ,, يقوس الضهر
ساره بوقاحه: وانتي جايه تكشفي علي والا تخطبيني
تفاجأو بردها ,, الا ام ساره ,, ماتفاجات لانها تعرف بنتها عصبيه,, وخاصه ان هالام مصختها هي وبنتها
البنت: اقول يمه كننا تاخرنا نمشي
ام ساره: لا والله ماتمشو لسى العصير
وراحت تنادي الخدامه تجيب لهم العصير
ساره في نفسها " جعلكم ماتحدرونه,, استني ااخذ ولدك والله لاوريك"
الام استغلت غياب الام: اقول ساره متى تنامي؟؟؟؟
ساره استغربت: يعني 1
الام: وايش تسوي لحد 1 ,, خاصه ماعندك اخوات تسهري معاهم؟؟؟
ساره : اطالع Tv
الام تطالع بنتها: اقول يانوره تتوقعي من اطول هي والا هشام
البنت : مدري يمه شكلها لابسه كعب
الام: اسمعي يابنتي ولدي مايبي وحده اطول منه,, نبيك توقفي وتشيلي الكعب ,, نبي نشوفك بدون كعب
ساره هنا جتها الجنيه وقالت بلا هشام بال زفت: اقول اذا طفحتوا العصير انتي وبنتك انقلعوا
وطلعت وخلتهم
لما جابت ام ساره العصير مالقت احد
00000000000000000000000000000000000000000000000000 00000
مشعل وزوجته في بيت ام مشعل
ام مشعل: هذي الساعه المباركه الي تسكنوا عندنا الله يحييكم
مشعل: بصراحه نجود ذبحتني تقول مقدر ابعد عن امك دقيقه
ام مشعل: بيض الله وجهها ,, والله انها بنت ناس ومتربيه
نجود انحرجت: تسلمي ياخالتي
وفرحت ام مشعل ومشاعل بوجودهم,, طبعا محد عرف ان مشعل ناوي يبيع بيته ع شان يحاول يغطي جزء من الديون
00000000000000000000000000000000000000000000000000 00000
مشاعل كانت بغرفتها لما دقت ساره عليها
ساره: تخيلي انا تقول لي وقفي
مشاعل: ههههههههههههه,, هذا المليونير الي تبيه
ساره: الله ياخذه هو وفلوسه,,, مين فاكره نفسها هالعجوز الشمطاء
مشاعل: سارونه خلاص وربي بطني راح يتقطع من الضحك
ساره: بطنك يتقطع من الضحك وانا راح تجيني المراره من القهر
مشاعل: ههههههههههههههههه
ساره :المهم ماعلينا , ايش سويتي بالموضوع الي كلمتك فيه
مشاعل: ممممممممممممممممممممممممممممممم مدري ايش اقول لك
ساره: قررتي؟؟؟
مشاعل: ايه
ساره : ميشو متاكده من قرارك
مشاعل: استخرت ربي وفكرت كويس ,, وقررت
ساره: ممكن اعرف ايش قررتي؟؟
مشاعل :
الجزء الجاي رااااااااااااااح نعرف

الجــــــــــزء العشرون


ساره :المهم ماعلينا , ايش سويتي بالموضوع الي كلمتك فيه
مشاعل: ممممممممممممممممممممممممممممممم مدري ايش اقول لك
ساره: قررتي؟؟؟
مشاعل: ايه
ساره : ميشو متاكده من قرارك
مشاعل: استخرت ربي وفكرت كويس ,, وقررت
ساره: ممكن اعرف ايش قررتي؟؟
مشاعل : سارونه انا موافقه
ساره فرحت وزغرتت زغروته سمعوها البيت كله
مشاعل: بس يامجنونه
ساره: فرحانه اخيرا راح تجي عندي
مشاعل: انتي اصلا راح تتزوجي هشام
ساره: ههههههههه اي هشام مادريتي دقت خالتهم ع امي تهزئها تقول ليش تطردوهم
مشاعل:هههههههههههههههههه
دخلت بندر وام ساره لما سمعوا ساره تزغرت
بندر: بتقلبين طقاقه؟؟؟؟
ساره تتغلى: بندروه عندي لك خبر يجنن
بندر وكانه حس بالخبر: لاتقولي موضوع ميشو؟؟؟
ساره: ايه وتراها معاي ع الخط
مشاعل: والله انك بايخه يله باي
قفلت بوجه ساره من الحياء
ام ساره: هاه بشرينا وافقت؟؟؟
بندر: سويره تكلمي
ساره: اول قول عمتي ساره
بندر: عمتي ساره
ساره: وتعزمني اليوم ع العشاء
بندر: اوكي ,, بس قولي
ساره وقفت ع السرير وفتحت يدها لاخوها وكانه تبي تضمه: وافقت
بندر ضم ساره وشالها ولف بها الغرفه كلها
ام ساره: اجل خلوني ادق ع ابوك نبلغه
بندر: سارونه اليوم احس اني طلعت لك من الفانوس السحري اطلبي اي شي عندي اطلبي اي شي تبيه
ساره: ابي مممم,, وناسه اقدر اطلب اي شي
بندر: اي شي
ساره: طيب ابيك تكلم ميشو قدامي الحين,, وتحطها ع السبيكر
بندر مستغرب من هالطلب الغريب: وايش راح تستفيدي؟؟؟
ساره: ابي اسمع صوت ميشو وهي مستحيه
بندر: ههههههههههههه, لاياشيخه وبعدين انا الي اتوهق
ساره: تتوهق ليش؟؟؟
بندر: راح تزعل علي لاني حطيتها ع السبيكر
ساره منصدمه مررره وفتحت عيونها ع اخر شي من الصدمه
ساره : بندر ايش فيك صاير خواف,, من الحين صرت خوشخيشه بيد ميشو
بندر: هههههههههه,,, خوشخيشه,, وخاتم بعد ,, لعيون ميشو
دخلت ام ساره: بندر ايش رايك اليوم اكلم ام مشعل علشان نروح نتقدم رسمي
بندر: لا ياماما ,, لازم مشاعل يكون عندها خبر متى راح نجي وهي الي تحدد اليوم الي يناسبها
ساره انصدمت اكثر: انا قايله انك خوشخيشه
ام ساره ماهي عارفه سالفه الخوشخيشه
بندر طلع وده يطير من الفرحه,, راح على طول على غرفته يكلم حبيبته وروحه وقلبه وخطيبته وزوجته المستقبليه
دق عليها وماردت ,, مات ضحك عليها اكيد مستحيه
وطبعا دقت ام ساره ع ام مشعل والي فرحت بهالخبر الحلو ,, اما اخوان مشاعل مااستغربوا هالخبر لانهم كانوا حاسين ان بندر يحب مشاعل
واعجبهم رجولته لانه جاء يخطبها ومافكر يستغل حاجتها له ويكلمها من ورا اخوانها
00000000000000000000000000000000000000000000000000 00000
كان يوم خطبه مشاعل وبندر احلى يوم بحياته بندر ,, وساره كانت فرحانه لان اعز وحده من صاحباتها راح تسكن معاها وتصير زوجه اخوها,,, اما ام ساره كان احساسها ممزوج بين الفرحه والزعل,, كانت فرحانه لفرحه ولدها ,, وفرحانه لانها تعرف ميشو وتعرف اخلاقها وكانت تحبها,, اما شعورها بالزعل والحزن لانها كانت خايفه ان عمليه مشاعل ماتنجح ويضطر ولدها انه يعيش معاها وراح تكون حياته صعبه معاها
اما مشعل وسعود كانوا في قمه وناستهم لانهم راح يناسبوا بندر والي اكيد هو من عايله محترمه ومن مواقفه الرجوليه معاهم ومع اختهم بين معدنه الاصلي,, وكانوا متطمنين ع اختهم معاه,, يكفي انه راح يتزوجها وهي ماتشوف والي لو واحد مكانه بيفكر مليون مره قبل يرتبط فيها
اما ام مشعل كانت فرحانه لمشاعل لان بندر ع قولتها مايتعوض ,,, وكانت تتمنى ان ابو مشعل موجود معاهم يشاركهم الفرحه
اما مشاعل وياعيني عليها كانت خايفه ماتدري هي اختارت الخيار المناسب والا تسرعت والمفروض انها تفكر قبل
كانت ام مشعل وام ساره وساره بالصاله
ساره : يالله هالميشو ساعه فوق
ام مشعل: ايش تسوي عندها روبي ,, تسوي لها ميك اب
ساره: ماله داعي تجيب وحده تسوي لها ميك اب
ام مشعل: اول شي انتي عارفه انها ماتقدر تسوي لنفسها ميك اب,, وثاني شي,,, اليوم بندر راح يشوفها ,, ولازم تلبس وتتكشخ
ام ساره: مشالله ع مشاعل حلوه حتى بدون ميك اب
واخيرا نزلت مشاعل
ساره تصفر: الله ايش هالحلاوه كل هذا علشان بندر ,, والله مايستاهل
ام ساره: سويره اخوك ترى هلي تقولي عنه مايستاهل
ساره خافت من امها: امزح
مشاعل كانت مره مستحيه
ساره : ميشو حرام عليك اليوم اخو راح ينجلط ههههههههههه
مشاعل تجاهلت ساره : هلا خالتي
ام ساره : هلا حبيبتي مشالله عليك قمر
مشاعل: تسلمي ياخالتي
وقربت من ساره: هاه كيف الميك اب ,, قلت لها تحط لي ميك اب مره هادي ,, لاتكون لونت وجهي
ساره: ميشو تخوفي كانك رايحه حفله تنكريه
مشاعل عرفت انها كذابه: عادي اهم شي يعجب بندر
ساره :الله الله ,, متى هالحب مشالله ,, تدري لو اقول لبندر انك قلتي له كذا راح ينجن
00000000000000000000000000000000000000000000000000 00000
اما بندر كان قلبه يخفق بقوه وعارف ان هذي اخر خطوه ,, وهي انه يشوف مشاعل,, وكانت خطوه شكليه بس قدام اخوان مشاعل , علشان يبين لهم انه اول مره يشوفها
كان خايف يشوف مشاعل لانه اكيد راح يكبر حبها بقلبه وخايف مايقدر يتحمل ويطلب من اخوانها ان الزواج يكون اليوم
طلع سعود علشان ينادي مشاعل
سعود كان برا الصاله: مشاعل
مشاعل: هلا
سعود : تعالي ابيك
مشاعل حست ان الحين وقت موتها اكيد يبيها تدخل
راحت مشاعل سعود
سعود: يله علشان تدخلي تسلمي ع بندر
مشاعل: لا سعود انا خايفه
سعود: انا معاك
كان عزاها الوحيد انها ماتشوف يعني ماتدري هو يطالعها او لا
مشاعل: طيب سعود شكلي حلو
سعود: قمر
ومسك يدها ودخلوا في المجلس الي كان فيه بندر
بندر وقف بصعوبه : هلا مشاعل
مشاعل بحياء : اهلين بندر
بندر: كيفك مشاعل؟؟
مشاعل كانت راح تنجن صح انها كانت تطلع كاشفه وكانت تقابل شباب كثير ولو من بعيد ,, بس عمرها ماجلست مع واحد بنفس المكان حتى لو مع اخونها
مشاعل: بخير تسلم
وكانوا مشاعل وبندر راح ينفجروا من الضحك على (تسلم) لان هالكلمه مو قادره مشاعل تتركها
وكان بندر دايما يضحك عليها ع هالكلمه والي يقول شكلك لما انولدتي مابكيتي طلعتي من بطن امك تقولي للدكتور تسلم
بندر سكت لانه كان مرتبك وكان وده يجلس مع مشاعل لوحدهم ,, بس اكيد لا الشرع ولاالمنطق يخلي مشاعل تجلس معاه لوحدهم ,, اخوانها مستحيل يرضوا
سعود حس بارتباك بندر ومشاعل وحاول يرطب الجو بمزحه البايخ والي خلى مشاعل تطلع
اتفقوا الكل ان النقاش بموضوع الزواج يكون بعد ماترجع مشاعل من السفر
وصااااااااارت مشاعل خطيبه بندر
00000000000000000000000000000000000000000000000000 0000
من بعد ماطلعوا من بيت مشاعل
ام مشعل: الف مبروك يامشاعل والله انك تستاهلي بندر وبندر يستاهلك
مشاعل: الله يبارك فيك
سعود: اليوم مشاعل مين قدها صارت مخطوبه هههههههههه
مشاعل تبي تقهره : الله واكبر ترى مخطوبه لبندر مو للهنوف ههههههههههههههه
سعود: مقبوله عموما الف مبروك
مشاعل : الله يبارك فيك
مشعل: الف الف مبروك ,, والله بندر رجال والله يوفقك معاه
مشاعل: الله يبارك فيك يامشعل
نجود كانت توها راجعه من اهلها ,, ودخلت ماشيه 1000
نجود:هاه ميشو نقول مبروك
مشاعل منحجره : ايه قولي
نجود: الف مبروك ياقلبي
مشاعل الله يبارك فيك
مشاعل طلعت غرفتها ,, وانقهرت لانها مو قادره تحس بانها مبسوطه لانها مخطوبه ,, كان الشعور بالخوف يطغي ع كل احساس داخلها
00000000000000000000000000000000000000000000000000 00000
بندر كان ماشي 1000000 بالسياره وكان يرقص بالسياره من الفرحه
ساره: بندر الله يخليك فحط
والولد ماكذب خبر صار يفحط بس على خفيف <--ماعنده خبره
ام ساره: بندروه وجع لانصدم
بندر: يمه تحبين نفسك ,,, خلاص مافي العمر اكثر من ما مضى
ساره تبي تجنن امها: ايه ماما احنا الي اصغر منك ماخفنا واحنا لسى ماتهنينا بحياتنا , انتي يمه خلاص مامليتي؟؟؟
بندر: هذا واحنا ياماما نفكر امس انا وسارونه اننا ندخلك دار العجزه
ام ساره طلعت لها قرون: وجع يوجعكم ,, انا اوريكم شغلكم عند ابوكم
رجعوا للبيت بعد مانشفوا ريق امهم من الخوف
بندر طلع ع غرفته ودق على طول على مشاعل
بندر: هلا هلا هلا هلا هلا هلا هلا بخطيبتي وحبي وحياتي ميشو
مشاعل انصدمت من جراته: اهلين بندر
بندر: من معاي؟؟؟
مشاعل استغربت: تستهبل مين يعني جدتي؟؟؟
بندر: لا قولي كلمه السر
مشاعل: من متى بينا كلمه سر
بندر: اجل مو انتي مشاعل
مشاعل: لا انا خيالها
بندر: طيب وين تسلم
مشاعل:هههههههههههههههه,, اسكت كنت اليوم راح اموت ضحك لما قلت لك تسلم
بندر: ادري ياقلبي انا احس فيك قبل تتكلمي ,, واحزن قبل تحزني,, وافرح قبل تفرحي,, ميشو
مشاعل انحرجت وبهمس قالت: هلا
بندر: احـــــــــــــبـــــــــــــــك
مشاعل:...........................
بندر: وربي من اول مره شفتك حبيتك ,, ميشو انا ماكنت اصدق ان فيه حب من اول نظره بس لما شفتك تاكدت
مشاعل حاولت تكتم عبرتها: بندر شوي واكلمك
بندر: ميشو زعلتك بشي؟؟؟؟
مشاعل تصارخ : بندر بعدين اكلمك
وقفلت
بكت وبكت وبكت لما سمعت هالكلمه,, ياليتها سمعتها من طلال ,, ايش كثر كانت تتمناها ,,, كانت هالكلمه راح تغير حياتها ,,, وراح يكون كل شي مر بحياتها حلو مع طلال ,, بكت طلال ,, وكانها تودعه لاخر مره ,, خلاص هي الحين مو ملك نفسها ,, هي ملك شخص يستاهل كل التقدير والحب والاحترام منها,,, لازم تبدا معاه بدايه صح ,, بدايه مافيها كذب ,, تذكرت بدايتها مع طلال والي كانت ابعد ماتكون عن الصدق , كانت مبنيه ع غش وخيانه
وكانت هي الطرف الخسران ,,, كانت تحس بالم يقتلها وحسره وذكريات مره ,,, كان المفروض تكون معاه ويحلموا مع بعض ,, بعيدين عن كل الناس ,, لوحدهم ,, وباحلامهم ,, وبحبهم ,, بكت من القهر ,, اكبر قهر انك تحب شخص مايبادلك نفس الشعور,,, حست كيف هالشعور مؤلم خافت من ان هذا الي يصير مع بندر,, لازم تحبه ,, هو مايستاهل ومستحيل تكون مثل طلال,, تجرح ولاهمها مشاعر الشخص الي يحبها,,, لازم تحب بندر ,, بس قبل ماتحبه لازم تنسى شي اسمه طلال,,, قررت انها تبكيه وتبكي كل الامها وذكرياتها معاه وتكون الليله ليله الوداع لحبها طلال
وبدت تفكر تبني حياتها من جديد مع بندر الي انشالله تقدر تسعده لانه يستاهل
00000000000000000000000000000000000000000000000000 0000

بعد يومين
في شركه ابو مشعل ,,, سعود كان في المكتب سمع صوت الباب
سعود : تفضل
السكرتير: فيه واحد برا يبي يشوفك
سعود في نفسه" وينك يامشيعل ورطتني مع هالديانه"
سعود: ماقال لك اسمه
السكرتير: بندر
سعود استغرب بندر ايش جابه هنا ,, اكيد موضوع سفره مشاعل؟؟؟
سعود: خله يتفضل
دخل بندر : السلام عليكم
سعود: عليكم السلام
بندر: كيف الحال
سعود: والله الحمدلله ,, شلونك انت وشلون الاهل؟؟؟
بندر: الحمدلله ,, عسى بس ماقطعتك عن شغلك؟؟؟
سعود: لا الله يحييك ,, فاضي ماعندي شغل
بندر: اجل مشعل مو مداوم اليوم
سعود: والله مدري عنه اليوم مدري ايش فيه شكله في سابع نومه
دخل مشعل: اسمع احد جايب طاري اسمي,, هلا بندر ,, وانا اقول المكتب منور
بندر: هههههههه الله يسلمك منور بوجودكم
مشعل: كيف الحال؟؟؟
بندر: الحمدلله انت كيفك ؟؟؟
مشعل: الحمدلله
بندر: اكيد مستغربين وجودي هنا من صبح الله
مشعل: لا حياك باي وقت يالنسيب,, ايش تشرب؟؟؟
بندر: ولا شي ,, انا مستعجل,, بس ابيكم بسالفه
مشعل: سم
بندر: بصراحه مدري شلون ابدا معاكم الموضوع بس,, وجودي هنا له سبب,,, ووجودي مهم بهالشركه مثل وجودكم
مشعل وسعود استغربوا الالغاز الي جالس يقولها بندر
مشعل: بندر مو فاهمين ياليت تفسر
بندر: انا شريككم الجديد
مشعل وسعود: هااااااااااااااااه
بندر: انا عارف انكم مصدومين , بس يمكن انتوا لاحظتوا من كم يوم ان ابو سليمان ماداوم,, طبعا لاني اشتريت منه نصيبه الي يملكه بالشركه
مشعل وسعود انصدموا ايش يبي في الشركه خاصه انها منهاره وعليها ديون ,, ومجنون الي يفكر يشتريها , الا اذا كان مايبي فلوسه ويبي يتبرع فيها
مشعل: بندر انا مو فاهم ايش معنى شركتنا
بندر: بصراحه مصلحه لي ولكم
سعود : شلون؟؟؟
بندر: انا حاليا املك نص الشركه ,, وهالشي راح يعود علي بفوائد وعليكم,, وراح اقول لكم كيف,, اول شي انا محتاج مشروع ابدا فيه شغلي ,,, وفكرت ان بدايتي راح تكون هنا وخاصه اني مشغول وماقدر دايما اكون موجود ومافيه احد اثق فيه مثلكم,, يعني انا تارك فلوسي مع ناس امينيين وبعدين لاتنسى انكم راح تصيروا اخوال عيالي انشالله
سعود: بس يابندر انت عندك خبر ان الشركه مديونه ,, وخلاص الشركه انهارت من الديون
بندر: ادري ,, وانا راح اتفق معاكم اتفاقيه,, انا راح اكون شريكم بالاسم ,, وراح احط مبلغ كبير انشالله نقدر نقوم الشركه ع رجولها من جديد,, وهالمبلغ انشالله راح يسدد ديون الشركه
مشعل وسعود حسوا بالاهانه وان بندر يتصدق عليهم
مشعل : اسفين يابندر احنا مانقبل الصدقه
بندر: اي صدقه يامشعل,, ايش رايك اني انا الي مستفيد
سعود مستغرب: اي فايده الي راح تكسبها؟؟
بندر: انا راح استفيد من ناحيتين ,, اذا راح نتكلم عن الفوائد الماديه,, فالوالد الله يرحمه كان متفق مع ابو سليمان على ان الربح بينهم 50% لكل شريك ,, لكن بما اني راح ادفع مبلغ كبير للشركه راح ارفع نسبه الربح لمده سنه راح نخليها 60% لي ولكم 40%,, اما الفوائد المعنويه ,, فانتم اهل قبل كل شي وانا نسيبكم وانا مارضى ان اخوال عيالي يكونوا في ورطه وماساعدهم
وترى انا ماحبيت افتح هالموضوع قبل الخطوبه علشان ماياثر هالشي ع قراركم وتحسبو اني اساوم ع مشاعل
سعود ومشعل كانوا يحبوا بندر لكن ماتوقعوا انه شهم لهدرجه
سعود: اسفين مستحيل نرضى بهالوضع ,, حتى لو كانت نسبه ارباحك 60 % ,, انت المظلوم من هذا كله
بندر: ياخي انا راضي بهالنسبه انت ايش دخلك؟؟؟؟
سعود: احنا مانرضى نظلم
بندر: انا راضي,,, وبعدين اي ظلم الي تتكلم عنه ,, صدقني ربح 60 % ممتاز بالنسبه لي
مشعل: بندر انت ماتدري كم الديون الي علينا ,, ولاحظ اني اتكلم عن ملايين
بندر: واذا المبلغ اكبر من ملايين مستعد ادفع
مشعل استغرب من وين يجيب الفلوس وخاصه انه توه بادي حياته ,,, وابوه مو مليونير ,, من وين راح يدبر هالمبلغ,, اكيد راح ياخذ قرض او يتسلف
مشعل: يابندر المبلغ 15 مليون هذا غير الي سددناه
بندر: المبلغ راح يكون عندكم بكره انشالله
مشعل وسعود: بكره
مشعل: مستحيل نرضى
بندر قفلت معاه: طيب اوكي عندي حل حلو ,, ايش رايكم يكون المبلغ سلف لمده مفتوحه سددوه بالاقساط المريحه
مشعل اعجبته الفكره : اوكي بس بشرط ,, كل سنه نعطيك دفعه 3 ملايين
بندر: اوكي ,, بس انا كمان عندي شرط
مشعل: ايش؟؟؟
بندر: 5 سنوات مايرجع لي المبلغ لما تتحسن اوضاعكم وتتحسن اوضاع الشركه؟؟؟
سعود : بندر
بندر: سم
سعود يطالع بندر بكل اعجاب: انت اعظم رجل قابلته بحياتي,,, وصدقني نتشرف بنسبك,, وانا متاكد ان اختي راح تكون سعيده معاك
بندر : انا الي لي الشرف
00000000000000000000000000000000000000000000000000 00000
مشاعل عرفت السالفه من سعود ,,, وماصدقت ان بندر يسوي كل هذا علشانها ,, كبر بعينها
وبدت علاقه مشاعل تاخذ طريق ثاني مع بندر ,, بدت تحس بمشاعر حلوه وشوق ,, وبدت تقتنع بفكره ان هالانسان راح يكون زوجها ,, وكانت سعيده بهالفكره
00000000000000000000000000000000000000000000000000 00000
بعد اسبوع
بندر: هاه حبيبتي ,, مستعده للسفر بكره
مشاعل: بندر مدري ايش فيني خايفه
بندر: ميشو قلبي لاتخافي وانا معاك
مشاعل: الله لايحرمني منك
بندر: ولامنك ياحياتي
مشاعل: بندر انا خايفه العمليه ماتنجح
بندر: تفائلي بالخير,,,وانشالله راح تنجح بس انتي شيلي هالافكار السوداء من راسك
مشاعل: الله يسمع منك
00000000000000000000000000000000000000000000000000 00000
من بكره كان موعد سفر مشاعل
ام مشعل تبكي: يامشاعل بفقدك ,, ياليت الاحوال احسن واروح معاك
مشاعل: تكفيني دعواتك,, ادعي لي ياماما ان الله يشفيني
ام مشعل تدعي من قلبها: امين يارب ترجعي تشوفي مثل قبل
مشاعل: الله يجزاك خير
نجود: مشاعل حبيبتي طمنينا عليك اول ماتوصلي ,, والله راح توحشينا
مشاعل: وانتم اكثر ,, نجود ماوصيك ع ماما
نجود: خالتي في عيوني انتي روحي وتطمني
مشاعل: مع السلامه
نجود وام مشعل: مع السلامه
كانوا رايحين بسياره مشعل ,,, وكان بندر جالس قدام مع مشعل ,, ووراء مشاعل وسعود
بندر دق موبايله
بندر: الو
ساره تبكي
بندر: سارونه خلاص يكفي صياح ,, والله لو احنا راح نروح للمريخ
ساره: انتبه ع نفسك يابندر,, وع ميشو,, ياويلك اذا صار لها شي
بندر: هههههههههه انشالله, اوامر ثانيه
ساره: هي معاك بالسياره؟؟؟؟
بندر: ايه تبي تكلميها
ساره: ايه
بندر: مشاعل هذي ساره تبي تكلمك
مشاعل: اوكي عطني اكلمها
مشاعل اخذت موبايل بندر
مشاعل: هلا سارونه
ساره كانت بكي : ميشو والله راح توحشيني
مشاعل: وانتي اكثر بس لاتبكي والله راح ابكي معاك
ساره: ميشو الله يخليك طمنيني اول ماتوصلي
مشاعل: انشالله مع اني زعلانه عليك لانك ماجيتي تودعيني
ساره رجعت تبكي: والله ميشو ماقدرت ,, احس اني بموت قبل اودعك
مشاعل: بسم الله عليك بعد عمر طويل انشالله
ساره : ميشو بليز اول ماتوصلي طمنيني اوكي
مشاعل: انشالله
وصلوا المطار وكان بندر وسعود ومشاعل يستعدو لركوب الطياره
مشعل: ميشو من كل قلبي ادعي لك ترجعي لنا بالسلامه
سعود تدخل: وبالوان
مشاعل:ههههههههههههههههه
كانت فرحانه لانها اخيرا راح تسوي العمليه ,, وكانت مرتاحه لوجود بندر معاها كان يحسسها بالامان, تحس انه له القدره ع الصيطره ع كل الامور,, وكانت شخصيته قويه
00000000000000000000000000000000000000000000000000 00000
في الطياره كان بندر جالس بعيد عنهم ,, اما سعود كان جنب مشاعل والي ماقدرت تمنع نفسها من الحلم انها اخيرا راح تشوف
تحمست تشوف بندر ,, صح انها كانت تشوفه بالصور عند ساره ,, وكان وسيم ,, بس كان ودها تشوفه ع الطبيعه ,, حاولت تتذكر ملامحه
كان ابيض ,,, وعيونه سودا وخشمه امريكي ((الي مرفوع من تحت شوي))<- نفس خشم توم كروز لوووووووووول علي طلعات غريبه
وكانت شفايفه مليانه شوي يعني نقدر نقول عنه وسيم
00000000000000000000000000000000000000000000000000 00000
وصلوا للعياده بحدود الساعه 10بالليل
كانت العياده فخمه تتميز بالارضيه الرخاميه والاثاث الكلاسيكي ,, وعلى طول الممرضات خذوها لغرفتها الي محجوزه باسمها ,,, انبهر سعود بحجم الغرفه,, لالا ماكانت غرفه كان سويت كبير
وكان مكون من غرفه مشاعل وصاله وغرفه منفصله لسعود ,, سعود كان منبهر بالغرفه وطلع لبندر الي يستناه برا
سعود: معقوله هذي غرفه ميشو
بندر : ايه وليش مستغرب
سعود: يعني اذا كانوا المستشفى راح يدفعوا حق الغرفه المفروض تكون متواضعه مو بهالحجم
بندر ارتبك : لاهذا لاني اعرف مسؤول كبير بالمستشفى ,, وهو الي حجز لها السويت هذا
سعود: طيب بندر حبيبي ماتدري الدكتور متى راح يشوفها ؟؟؟
بندر: انشالله بكره الصباح ,, عموما انت ادخل لها وقول لها ترتاح وبكره الدكتور راح يجيها وانا راح اروح انام
سعود: اوكي فمان الله
بندر: فمان الكريم
سعود دخل ع مشاعل
سعود: حبيبتي ميشو هاه كيفك الحين؟؟؟
مشاعل: تمام ,,, سعود متى راح يجي الدكتور ,,ترى انا ماعرف احكي انقليش مره كويس ماعرف اتفاهم معاه خلك معاي
سعود: لا تخافي انا معاك ,, بس ميشو الدكتور ماراح يجي الا بكره الصباح وانشالله راح اكون معاك
مشاعل: طيب سعود خلنا ندق ع ماما نطمنها
سعود: خلاص انا دقيت عليهم وطمنتهم انتي بس ارتاحي
مشاعل: اوكي سعود تصبح ع خير
سعود: وانتي من اهله
غرفه سعود كانت منفصله عن غرفه مشاعل وكان بينهم باب ,,,راح سعود غرفته ينام ,,,
مشاعل ماجاها نوم تعد الدقايق والثواني , تبي الصباح يجي ,, تبي تعرف ايش يقول لها الدكتور,, دق تلفونها ,, واستغربت مين داق عليها بهالوقت ,, ومين اصلا يعرف رقم غرفتها
مشاعل: الو
بندر: وحشتيني يادبا
مشاعل مره استحت وكانت مشتاقه لبندر وودها تسمع صوته: هلا
بندر: وحشتيني
مشاعل بخجل : حتى انت
بندر: احبك
مشاعل ابتسمت
بندر: ليش مانمتي؟؟؟
مشاعل: امممم ماجاني نوم
بندر : ادري تفكري
مشاعل: يعني
بندر: حبيبتي لاتقلقي,,, انشالله كل شي راح يكون مثل ماتبي ,,, بس انتي ارتاحي
مشاعل: انشالله احاول
بندر: تبي اقول للممرضات يجيبوا لك مهدا؟؟؟
مشاعل: ليش انت بالمستشفى
بندر: لا انا بالاوتيل,, بس ادق عليهم
مشاعل: لا شكرا الحين راح احاول انام
بندر: اوكي عمري تصبحي ع خير
مشاعل: وانت من اهله
بندر: باي
مشاعل :باي
ماتدري كم لها تتقلب يمكن ساعه او ساعتين بعد مكالمه بندر,, مو قادره تنام من الخوف والقلق ,,خافت من كلام الدكتور لما يشوفها ,, خافت يقول لها مالك امل للعمليه,,, بس الي طمنها ان بندر معاها ,, وهو دايما قد كلامه,, وهو قال ان الدكتور انشالله يقول ان العمليه سهله ,, معناها انها سهله
كانت واثقه بكل شي يقوله بندر
فجاءه سمعت صوت الباب
الشخص الي دخل كان مؤدب لانه كان يمشي بشويش علشان مايصحيها
مشاعل في نفسها" وناسه ممرضاتهم مؤدبات يخافوا يصحوني"
بس ظنها ماكان بمحله لان الي دخل ماكان ممرضه,,, كانت ريحه العطر الرجالي منتشره بالغرفه ,, كانت تشبه ريحه العطر الي شمته لما كانت في المستشفى لما حاولت تنتحر ,,, نفس الشخص الي دخل عليها,, لانه بنفس الغموض
معقول يكون نفس الشخص,,, هذا اكيد جني الي يلاحقها بكل مكان,, خافت لانها تسمع قصص من العجايز ان فيه جن يحبو بنات ويتزوجوهم غصب عليهم وخافت يكون جني
حست بخطواته تقرب منها وحست بيده تلعب بشعرها ,, كانت تبي تصرخ وتمسك يده علشان يسمعها سعود ويجي ,, بس فكرت ان هالشخص اكيد ماخذ حذره ومجهز نفسه للنحشه اي وقت
طرى ع بالها فكره خطيره ,, راح تكتشف من هالشخص المتطفل,, وقررت انها تمثل دور النايمه علشان مايخاف ,,, وبعد يومين تنفذ خطتها ع شان تعرف مين هالشخص
حست ببوسته ع جبينها ,, تاكدت ان الحركه الي صارت معاها لما مات ابوها ماكانت حلم ولا كانت هلوسه من تاثير المهدئ ,, كانت حقيقه,, لانها حست بواحد يبوسها ع جبينها,, تاكدت انه نفس الشخص,, بس ليش يسوي كذا معاها وايش يبي منها؟؟؟والسؤال الاهم مين هو؟؟؟
راح يقتلها الفضول
حست فيه يبتعد عنها ويطلع ويقفل الغرفه بكل هدوء
نامت وصحت ع صوت الممرضه الي تقول ان الدكتور راح يدخل
مشاعل كانت مطيعه لابعد الحدود لاوامر الدكتور ,,, وكان سعود يترجم لمشاعل كل كلمه يقولها الدكتور
وكانت الفحوصات متعبه بالنسبه لمشاعل ,, لان الدكتور كان يبي تقرير دقيق عن حاله مشاعل
وفي الاخير قرر الدكتور ان المشكله من القرنيه ,, والي راح يزرعوها لها ,,, بس كان خوف الدكتور ان العين ترفض العضو الجديد المزروع فيها مثل اي عملية زراعه أعضاء ,, لان في بعض حالات زراعه القرنيه ترفضها العين
ولكن حتى لو رفضتها راح تخوض اكثر من عمليه لحد ماتتقبلها العين
وطبعا الدكتور قرر لمشاعل العمليه بعد يومين ,, والي راح تكون ع مرحلتين ,, العمليه الاولى راح تكون في العين الاولى اما الثانيه راح تكون بعد الاولى بثلاث ساعات,, علشان يشوفوا العين اذا تقبلت القرنيه الي زرعوها لمشاعل
00000000000000000000000000000000000000000000000000 00000
بندر كان طول اليوم يطمن مشاعل ان العمليه انشالله راح تنجح,, وانها سهله ,,
اما سعود فهو كان خايف ع مشاعل,, بس ماحاول يوضح لها علشان ماتقلق
وبالليل لما كانت نايمه صحت ع صوت خطوات نفس الشخص ,,,هالزائر الغريب ,,, ايش يبي منها
كانت زيارته تتكرر كل ليله,, وزادها فضول انها تعرف مين هالشخص؟؟؟
وكان كل يوم هالمجهول يمر ع مشاعل ويوم يكتفي بالنظر لها ويوم يلمس شعرها ويوم يبوسها ع جبينها,, خافت انه يتمادى اكثر ,, وساعتها ماراح تقدر تتحمل لما تنهي خطتها
00000000000000000000000000000000000000000000000000 00000
بعد يومين
كان يوم العمليه
نجود: خالتي ايش فيك؟؟؟
ام مشعل: خايفه على مشاعل اليوم عمليتها
نجود: ياخالتي خلينا ندعي لها,, الحين هي تحتاج الدعاء مننا
ام مشعل: الله يقومها بالسلامه ويشفيها
نجود: امين يارب
ام مشعل: ياليتني معاها ,, اكيد انها خايفه الحين
نجود: ياخالتي معاها سعود,, وبندر,, وماراح يخلوها
ام مشعل: يمكن تستحي تقول لهم عن الي فيها
نجود: لا تخافي عليها انشالله ترجع لنا وتنور البيت من جديد
ام مشعل: مشعل حبيبي دق ع سعود يمكن طلعت من غرفه العمليات
مشعل : انشالله
مشعل دق ع سعود : هاه سعود طمنا عليها
سعود: لها 3 ساعات من دخلت غرفه العمليات
مشعل: طيب ومتى راح تبدا العمليه الثانيه؟؟؟
سعود: الحين بدوا فيها ,, اول ماتطلع من غرفه العمليات راح اتصل فيكم
اما بندر كان مشغول بتهدئه ساره الي من اول مادخلت مشاعل الغرفه وهي تبكي
ساره وهي تبكي: احلف يابندر ان مشاعل بخير
بندر: يووووووووووه ساره خلاص ترى جد طفشتيني,, لاتدقي انا قلت لك لما تطلع راح ادق عليك
ساره: طيب روح اسال الدكتور اذا كانت العمليه نجحت
بندر: احلفي ,, اروح ادخل عليه بالغرفه واقول له بالله وقف شوي بسالك العمليه نجحت
00000000000000000000000000000000000000000000000000 0000
مشاعل حست بنفسها تفوق من البنج
كانت احساسها بهالوقت بان عيونها شاده وتحس بمغص بمعدتها من اثر البنج ,, وباين انهم مغطين عيونها ,, فقدت الاحساس بعيونها كل هذ من تاثير البنج
كانت تهلوس وتقول كلام ماتعرف معناه ,,, حست بوجود شخص بجنبها وكان يتكلم انقليش ,, فهمت تقريبا انه يقول بايش تحس او يسالها عن اذا كان فيه شي يعورها,, رجعت حطت راسها ع المخده وكملت نومها
00000000000000000000000000000000000000000000000000 00000
سعود: بندر انا خايف ع ميشو لها الحين 10 ساعات ماصحت
بندر: لا صحت بس تدري من تاثير البنج اكيد تعبانه وترجع تنام
سعود: طيب متى الدكتور راح يشوفها
بندر: انشالله بكره الصباح راح يشوف اذا العمليه نجحت او لا,, واذا العين تقبلت القرنيه الي زرعوها لها
سعود : الله يستر
بندر كان قلقان: ..............
سعود خاف مو متعود بندر يكون خايف وقلقان: بندر فيه شي الدكتور قال لك شي؟؟؟؟
بندر: لا والله بس انا خايف عليها ,,, خايف ماتنجح العمليه واكون سبب في تعاستها ,, خايف تتحطم ,,, وتفقد املها بانه نظرها راح يرجع
سعود: بندر لاتخوفني,, انشالله راح تشوف
بندر : انشالله
00000000000000000000000000000000000000000000000000 00000
بالليل صحت ماتدري كم كانت الساعه بس حست بالم فضيع بعينها مو قادره تتحمله ,,, ضغطت ع زر الممرضات ,,, الالم كان يقتلها ,, جت لها الممرضه واعطتها مهدء للالم,, وكملت نومها
00000000000000000000000000000000000000000000000000 00000
وفي ضهر اليوم الثاني للعمليه دخل الدكتور عند مشاعل وكان مقرر انه يشيل الغطاء الي مغطي به عينها ,,, ويعرف اذا العمليه نجحت او يقرر لها عمليه ثانيه
كان معاها سعود حتى بندر ماقدر يمنع نفسه من الدخول ,, الكل كانت اعصابه مشدوده,, والكل ينتظر النتيجه
خذت الممرضه دقايق ع شان تقدر تفك الرباط الي ع عيون مشاعل واخيرا توصل لعيونها
بندر كان يتاملها بكل حب,, وقلبه يرجف,, اما سعود كان خايف من الي راح يصير لو العمليه مانجحت
اما مشاعل كانت حالتها ماتنوصف بالكلمات,, كانت كل خليه بجسمها ترجف,,, كل احاسيسها مركزه ع يد الدكتور الي يفتح عينها بشويش ,,, كانت تتمنى انها لما تفتح عيونها تكون قدامها مرايه وتشوف نفسها,,, يمكن غريبه ان الانسان فعلا يشتاق لوجهه,,,,, بس الي محروم من النظر لنفسه اكيد راح يشتاق لملامحه مثل ميشو,, الي كانت متشوقه تشوف تعابير وجهها لما ترجع تشوف مره ثانيه
00000000000000000000000000000000000000000000000000 00
واخيرا الدكتور ياشر لمشاعل بيده
دكتور: do you see any thing
الكل ينتظر اجابه مشاعل والي راح تحدد كل شي
مشاعل اخذت ثواني تستوعب الي قاعد يصير
مشاعل صرخت باعلى صوتها:NO,, I Can not See برررررررررررررررااااااااااااااا out مو قادره اشوف اي شي اطلعوا كلكم اكرهكم
براااااااااااااااااااااااااااااااااااااااااااااااا اااااااااا
سعود ركض لمشاعل وضمها : خلاص حبيبتي هدي نفسك
مشاعل: برااااااااااااااااا كلكم برا
سعود يبكي : ميشو حبيبتي خلاص الله يخليك لسى عيونك متورمه من العمليه اكيد ماراح تشوفي
الدكتور كان معصب من تصرفها ,,, لانه مالحق حتى يكمل كشفه,,, بس اظاهر اعصابها تعبانه ,, وقرر يمرها بكره الصباح علشان يقرر مدى فشل العمليه
اما بندر مايدري يبكي ع حبيبته الي كان يتمنى انها ترجع تشوف والاهم انها تشوفه وتشوف ايش كثر يحبها
00000000000000000000000000000000000000000000000000

الكل طلع من عند مشاعل ,,, وكانت وحيده ,, كانت تبكي من قلب ,,, وسجدت سجود شكر لله لانها اخيرا صااااااارت تشوف
مشاعل كانت تبكي من الفرح لانها اخيرا صارت تشوف ,,, بس كانت متضايقه لانها كذبت ع كل الاشخاص الي يحبوها سعود وبندر واكيد الموضوع وصل حتى لام مشعل ومشعل ونجود وسارونه الي مموته نفسها بالصياح ع مشاعل
حست انهم ما يستاهلوا تكذب عليهم, بس ماعندها الا هالحل ,, لازم تمثل ,, وتدعي انها ماتشوف شي,,, كانت تمثليتها مره صعبه خاصه ان الدكتور كان راح يفضحها ,, لان لما يقرب اصابعه من عيونها كانت تجفل شوي ,,, ولما خافت ان امرها ينكشف قررت انها تطردهم وتدعي انها منهاره ,, تذكرت شلون شافت اصابع الدكتور ,, وشلون كانت راح تموت من الفرحه,, صح انها للحين الرؤيه عندها مو واضحه مره ,,, ولكن على الاقل تقدر تميز الشخص وتشوفه كويس,, وهذا سبب كذبها ع سعود وبندر والدكتور,, كانت تبي تمثل قدامهم كلهم ع شان توهم الشخص الي يدخل عندها كل ليله ان عمليتها فشلت ,, علشان يتجرء ويدخل
ظلت تتامل السرير وتتامل الغرفه وكل شي,, حمدت ربها انها اخيرا تقدر تشوف ,, ماتدري شلون تشكر بندر لان الفضل لله ثم له بشفائها,, الفرق كبير بين طلال وبندر ,, طلال هو سبب عماها,, اما بندر هو سبب شفاها بعد الله,,, ظلت تبكي من الفرحه وهي تنتظر هالشخص الغريب لحد الساعه 4 الفجر ,,, كانت تبيه يوصل بسرعه ,, تبي تعرف مين هو,,, علشان تنهي هالمسرحيه الفاشله وتقول لكل الي يحبوها ان العمليه نجحت ,, كانت منسدحه ع جنبها اليمين وكان الباب وراها,,, وفعلا سمعت صوت الباب ,,, خافت انها تكون الممرضه,,, بس تاكدت في هاللحظه انه الشخص نفسه ,,, سمعت صوت بكى خفيف يصدره هالشخص ,, انجنت تبي تعرف مين هالشخص الي يبكي عندها ,, وليش يبكي,,حست بيده تحسس ع شعرها وخدودها ,, قررت انها احلى لحظه الحين ,, تلتفت وتشوف مين هو
وبسرعه وبدون ماتعطيه فرصه انه يهرب,, التفتت,,, والتقت عينه بعينها
مفاجاءاااااااااااااااات حلوه راح تنتظرنا بالجزء الجديد

طلال بعد ماطلع من غرفتها مشى مايدري وين يروح ,, مشى بكل ممرات المستشفى ,, يبي يبعد عن غرفتها,, وقف بمكان مايدري ايش هو ولا يدري هو باي دور بالمستشفى,, وقف ,, حط راسه ع الجدار ,,, وضرب بيده ع الجدار
طلال: انا الغبي,, انا الي ضيعتها من يدي ,, كانت معاي ,, وانا الي فرطت فيها
وبكى بصوت عالي , حس ان رجوله ماتشيله,, جلس ع الارض ,,, وحط راسه بين رجوله,,, وظل يبكي بحسره وقهر ,,, كل شي كان معاه ,, حب حياته ,, كان سعيد معاها ,, وكانت سعيده معاه,, ليش فرط فيها ,, علشان خوفه من غسان,, بس هو كان يحميها من غسان,, كان خايف عليها,, وعارف غسان ايش يقدر يسوي لها
كان المفروض انه يفرح لانها رجعت تشوف ,,, بس القهر كان مغطي ع كل فرحه بقلبه,, ماتخيل مشاعل تكون لواحد غيره ,,, مشاعل له هو,, هي تحبه ,, وحس بهالشي بعيونها,, مشاعل بنت حساسه وماتقدر تخبي الي بقلبها
لازم يمنعها تتزوج,, لازم يتصرف بسرعه,, ماراح يرضى بهالوضع,, خلاص اكتفى من الاحزان والالام,, والانتظار,, وجر حسرته وحزنه وطلع من المستشفى
00000000000000000000000000000000000000000000000000 0000
سعود: ميشو حبيبتي ايش فيك تبكي ((سعود صحى من النوم لان صوت بكى مشاعل كان قوي))
مشاعل ضمت سعود ,, وكانت تبي تقول له عن الي صار بس للاسف ماتقدر : سعود انا اشوفك
سعود بعد عنها وطالع عيونها وبصدمه : ميشو تشوفيني؟؟
مشاعل تحاول تبتسم: ايه سعود انا اشوفك وربي اشوفك
سعود مو مصدق من الفرحه وكان مستغرب لان مشاعل الصباح كانت ماتشوف ايش الي صار
00000000000000000000000000000000000000000000000000 00000
وصل الدكتور الصباح وكشف ع مشاعل والي انبها لانها كانت مستعجله ع الحكم ع العمليه,, واعجبه مدى نجاح العمليه,, وقرر لمشاعل انها راح تستنى في العياده لمده اسبوعين ,,, لما تتحسن عيونها
بعد ماطلع الدكتور ,, دخل بندر
بندر يبتسم: الف الف الف مبروك نجاح العمليه, كنت عارف انك قويه وراح ترجعي تشوفي مره ثانيه
مشاعل تتامل ملامح بندر,, من جد وسيم,, ومافيه مايعيبه,,, مقهوره ليش ماتقدر تحبه وترتاح من العذاب
مشاعل : هذا من فضل الله ثم جميلك الي ماراح انساه طول عمري
بندر: ميشو الله يهديك اي جميل ,, انا ماسويت الى الواجب,, وبعدين انا سعادتي اني اشوفك مبسوطه ولا اخليك تتمني شي الا سويته لك
مشاعل: تسلم
بندر يضحك: هههههههههه حتى بعد العمليه تسلم,, ياليتني قلت للدكتور يشيلها لما سوى لك العمليه
مشاعل ابتسمت غصب عنها ,, كانت تحاول تخفي حزنها
بندر يطالع مشاعل بتفحص : مشاعل ليش ماشوف الفرحه بعيونك؟؟؟ الدكتور قال لك شي؟؟؟
مشاعل : لا بالعكس الدكتور اعجبته نتيجه العمليه
بندر جلس بكرسي جنبها : طيب ممكن تفسري لي ايش سبب هالنظره الحزينه
مشاعل تحاول تكون طبيعيه: يمكن من المفاجأءه
بندر يبتسم : المفاجاءه المفروض تخليك مبسوطه مو مهمومه
مشاعل: صدقني بندر مافيه شي
بندر: عموما انا ماراح اضغط عليك,, انا عارف اذا تبي تتكلمي راح تتكملي,, وتاكدي اني موجود بكل وقت اسمع اي شي مضايقك
مشاعل تطالع بندر وحاسه بذنب يقتلها ,, كل هالاهتمام والحب يقدمه لها,, وهي تقدم له الخيانه,, تحب طلال,, وتشتاق له
مشاعل نزلت عينها : بندر ممكن تتركني لوحدي ابي افكر شوي,, اذا هالشي مايضايقك
بندر وقف: مايضاقيني الا انك تخبي عني شي ,, ميشو مابي احس انك حزينه وماقدر اسوي لك شي
مشاعل : انا مو حزينه,, بس كل الي مر على اليوم تعبني ونفسي وودي ارتاح شوي
بندر: اوكي عموما انا بالمستشفى مااراح اروح ,,, انا جنبك يامشاعل
وابتسم لها وطلع
مشاعل لفت بوجهها بعيد عن المكان الي طلع منه بندر وبكت,,, ليش ماتكون سعيده وامنيتها انها تشوف تحققت ,, ليش ماتفرح,, ليش الهم هو الي تحس فيه,,, كانت تحس بحزن يقتلها ,,, تبي ترجع الزمن لوراء وتكون مع طلال,, تبي الزمن يوقف ومايكون شي بحياتها الا طلال,, بس الحين ماتقدر تكون معاه , لان بندر بحياتها ,, ولانه خانها وكذب عليها ويكفي انه مايحبها وهذا سبب علشان تشيله من تفكيرها ,, بس شلون ,, شلون؟؟؟؟
00000000000000000000000000000000000000000000000000 00000
ام مشعل: الله يبشرك بالخير,, وينها عطني اكلمها
سعود: ماما انا بالمطعم ميت جوع,, ولما ارجع للمستشفى,,راح ادق عليك علشان تكلميها
ام مشعل: طيب متاكد انها شافت
سعود: ايه متاكد يعني بكذب عليك
ام مشعل: طيب متى راح ترجعوا
سعود: الدكتور قال راح يطلعها بعد اسبوعين
ام مشعل: لك البشاره ياسعود,,, بس اول ماترجع للمستشفى دق علي ابي اتطمن عليها
سعود: انشالله
وقفل وكمل اكله وكان ميت من الجوع
دق موبايله
سعود: يالله ترى ذبحونا هالعالم,, يعني مااكل
سعود: الو
الهنوف: هلا حبيبي
سعود: اقول الهنوف شوي بصرف زوجتي الالمانيه بعدين ادق عليك
الهنوف: سعودوه ترى مو رايقه لمزحك الثقيل
سعود: ابشري طال عمرك
الهنوف: هاه كيف مشاعل؟؟؟
سعود: الحمدلله
الهنوف: هاه مرها الدكتور وايش قال؟؟؟
سعود: الحمدلله العمليه نجحت وميشو صارت تشوف يعني انتي الي راح تتوهقي
الهنوف مستغربه: وليش اتوهق
سعود يبي يقهرها: لانها هي الي راح تخطبك لي ,, واذا شافتك وماعجبتيها راح تمنعني اتزوجك
الهنوف: لا والله
سعود: ادري انك راح تقولي ياحقير وتقفلي,, بس ترى حبيت اقول لك ترى قدامي وحده المانيه موت
الهنوف: اصلا كلهم مسترجلات
سعود: وانتي ايش عرفك
الهنوف : انت قلت لي
سعود: هههههههههه يالغبيه كنت اسلك لك علشان ماتزعجيني
الهنوف خافت: يعني حلوات؟؟؟
سعود: اوووووووووه هم حلوات وبس
الهنوف: طيب انا اوريك,, بنت عمي سافرت قبل سنه لالمانيا بتصل اسالها ,, وياويلك لو طلعوا حلوات
سعود: ههههههههههه يعني تبيني اشوهم
الهنوف: لا والله لخليك ترجع
سعود: هههههههههههه,, على كيفك
الهنف: لا على كيف امي,,, اقول خلني اروح اكلمها واتاكد,, باي
سعود: هههههههههههه باي
00000000000000000000000000000000000000000000000000 00000

كان يلف شوارع المانيا كلها,, حافظ شوارعها شارع شارع,, لان ابوه موعودهم اي مرض يجيهم حتى لو انفلونزا يروحوا يتعالجوا بالمانيا ,,, ومن كثر ماراح لها يحس انه صار من اهل البلد
كان مقهور وحزين وندمان,, حاس انه ضيع جوهره منه ماعرف قيمتها الا لما خسرها
طلال: بس مستحيل استسلم لازم اوقف حد لهالسخافه,,, مشاعل تحبني ومستحيل تنساني
فكر بهالكلمه تنساني,, خاف منها ,,, مستحيل مشاعل تنساه,, لالا ماقدر يتحمل هالكلمه ,,, كله بسبب هالحقير الي دخل حياتها ,,, لالا ماراح يترك لهالشخص الي دخل حياه مشاعل مجال يدخل قلبها ,,بس هي اعترفت انها تحب خطيبها معقوله ,,, وحبها له وين راح,, معقوله تنساه
طلال مو متعود يستسلم بسهوله,, وخطيب مشاعل راح يدخل في متاهه ماراح يعرف يطلع منها ,, راح يخليه يندم انه فكر يتزوجها,,, وفكر انه يرتبط فيها
تذكر ملامح مشاعل الي كلها برائه,, شلون قدر يجرحها ؟؟ شلون,, مشاعل كان فيها سحر يجذب طلال لها,, وماكان بس جمالها هو الي يجذبه لها ,, مايدري ليه لما يشوفها يحس ان لحياته معنى ,,, وانه يملك كل شي,, معاها يحس بالراحه
اتجهه بسيارته باتجاه البحر,, ووقف مقابل البحر,, نزل من السياره , جلس ع مقدمه السياره ,,نزلت دموعه ,, وترك لها العنان ,,, لازم يبكي,, ولازم يندم لانه ضيع مشاعل من يده,,, يمكن البكاء يخفف عنه,,,
طلال يبكي بالم: مشاعل لاااا الله يخليك خليك معاي انا محتاجك واحبك ,, ميشو لاتتركيني,,, ((صرخ باعلى صوته)) مشااااااااااااااااعل
كان فيه بنت وشاب يمشو بجنب الشاطئ التفتوا عليه لما سمعوا صرخته ,,, طالعهم بتامل ,,, تخيل لو انه هو مكان هالشاب ومشاعل مكان البنت ,, ايش كثر راح يكون مبسوط
غطى وجهه بيدينه: مشاعل ماتتخيلي ايش راح يصير فيني لو تركتيني,,, مشاعل انا تركت الناس كلها ع شانك ,, وتركت اصحابي ,, وتركت الناس الي احبهم ,,, وجيت عشان اكون معاك باهم لحظه بحياتك,,, وانتي تبي تتخلي عني,,, مشاعل لااا الله يخليك لاتقتليني
نزل من على السياره واتجه ناحيه البحر ,,, جلس على الارض يتامل الامواج وكيف ان الموج ياخذ طريقه للشاطئ ويختفي ,, وكيف تتكون موجه جديده ماتختلف عن الي قبلها ,, فكر بحياته وعلاقته مع مشاعل ,,, قرنها بالامواج,,وشبه الموجه الاولى بحب مشاعل له والي اختفى,, اما الموجه الثانيه فهي الحب الجديد الي راح تحبه مشاعل لطلال,,بكل موجه يشوفها كان الامل يتجدد عنده
مثل مالامواج تجدد باستمرار اكيد فيه امل ان حب مشاعل له يتجدد,,
طلال: انا راح اسوي اي شي علشان احيي حبي بقلبها ,, لو كلفني حياتي,,, ماارح اخلي هالحقير يتهنى فيها,, ولايملك قلبها
00000000000000000000000000000000000000000000000000 00000
ساره بخوف: هاه ايش قال الدكتور؟؟؟
بندر: الحمدلله العمليه ناجحه
ساره صرخت صرخه فجرت اذن بندر
بندر: اذني
ساره: مو مصدقه ان ميشو اخيرا راح تشوف
بندر: هههههههههههههههه,, الحمدلله صارت تشوف
ساره متحمسيه: شافتك؟؟؟؟
بندر :ايه
ساره : يااااااااااااااااااي,, وايش قالت بسرعه؟؟
بندر بخبه امل : ماقالت شي ,, بس طردتني من الغرفه
ساره حزنت ع اخوها: بندر يمكن فرحانه وتبي تجلس لوحدها
بندر: انا مالومها ع شي,,, بس انشالله تتحسن نفسيتها , لاني احس انها متضايقه
ساره: ليش صار شي؟؟؟
بندر: لا من ناحيتي ماصار شي,, بس مادري اذا سعود مزعلها
ساره: وهذا وقت تزعل فيه هالخبله,, بندر بليز ابي اكلمها
بندر : راح اعطيك رقم العياده ورقم الغرفه,, ودقي عليها لاني ماراح ادخل عليها الحين لما تهدا
ساره : اوكي بس انت لاتصير حساس ترى ميشو عصبيه احيانا
بندر: عادي حبيبتي,, سلميني ع ماما
ساره: يبلغ
00000000000000000000000000000000000000000000000000 00000
مشعل : الله يبشرك بالخير
نجود: من شوي خالتي كلمت سعود وهو الي قال لها
مشعل: الحمدلله اخيرا صار لنا شي يفرح بعد هالهم والاحزان
نجود: صادق,,, حبيبي ايش صار ع البيت؟؟؟؟بعته
مشعل: للحين مالقيت مشتري وبعدين المبلغ الي عطانا بندر غطى جزء كبير من الديون ,, وبحاول ادبر المبلغ بدون مانبيعه
نجود: حبيبي خلاص احنا ساكنين هنا,, وحرام البيت يضل مسكر ,, ع الاقل بيعه واستفيد من فلوسه
مشعل: بس وضعك بالبيت مو عاجبني
نجود مستغربه: وضعي؟؟؟
مشعل: ايه طول اليوم متغطيه ع شان سعود,, مااخذتي راحتك الا لما سافر سعود,, ولما يرجعوا من السفر راح ترجعي تتغطي واكيد هالشي يضايقك
نجود: لاحبيبي من جد عادي,,, وبعدين سعود مثل اخوي الصغير,, ومااستحي منه
00000000000000000000000000000000000000000000000000 000000
دخل عليها سعود وانصدم لما شاف شكلها ,, باين انها كانت مموته نفسها من الصياح
سعود: مشاعل ايش فيك ,, ليش تبكي؟؟؟؟
مشاعل : دموع الفرح لاني الحمدلله صرت اشوف
سعود يبتسم: ههههههههه ,, يعني هذي دموع الفرح؟؟؟؟
مشاعل: ايه
سعود: طيب عطيني اذوقها
مشاعل: وليش انشالله
سعود: علشان اتاكد اذا دموع فرح والاحزن
مشاعل لاول مره تضحك من بعد طلال : ههههههههههه ,, وليش ايش الفرق بالطعم
سعود: دموع الحزن تكون اكثر ملوحه من دموع الفرح
مشاعل: هههههههههههههههههههه
مشاعل ترتاح مع سعود لانه بخفه دمه ,, واحيانا من ثقل دمه ومصالته الزايده يخليها تضحك غصب
قدر سعود يغير جو النكد والهم الي كانت مشاعل عايشه فيه
سعود: ماما ازعجتني تبي تكلمك,, راح ادق عليها الحين وكلميها
مشاعل: اوكي
سعود دق ع امه
ام مشعل: هلا حبيبتي
مشاعل: هلا ماما كيفك؟؟
ام مشعل: الحمدلله شلونك انتي ياحبيبتي بعد العمليه؟؟؟؟
مشاعل: الحمدلله كويسه
ام مشعل: الف مبروك ياقلبي,,, والله فرحت لك فرحه مافرحتها بعمري
مشاعل: الله يجزاك خير
ام مشعل تبكي : محتاجه شي ناقصك شي,,, احد مضيق صدرك؟؟؟؟
مشاعل: لا ياماما انتي بس ارتاحي,,, وانا الحمدلله مو ناقصني الا دعواتك
ام مشعل: الله يشفيك ويوفقك ويسعدك بالدنيا وبالاخره يارب
مشاعل: الله يجزاك خير,,, والله لايحرمني منك ولا من دعواتك الحلوه
ام مشعل: حبيبتي انتبهي ع نفسك,, والف مبروك ياعمري انك رجعتي تشوفي ,, والله اني فرحت لك من قلب
مشاعل: الله يسلمك
ام مشعل: حبيبتي هذي نجود ودها تسلم عليك
نجود: هلا والله بنور البيت
مشاعل: هلا بنجوووووووو
نجود: الف الف مبروك يامشاعل والله يرجعك بالسلامه
مشاعل: الله يسلمك ,,, والله وحشتوني كلكم
نجود: واحنا اكثر,,, يله انشالله ترجعي لنا بالسلامه
مشاعل: الله يسلمك
نجود : اكيد حبيبتي تعبانه من بعد العمليه ومادوي اطول عليك,, تصبحي ع خير
مشاعل: وانتي من اهله
نجود: مع السلامه
مشاعل: مع السلامه
بندر مو قادر يفهم حزن مشاعل وهمها ,,, ليش ؟؟؟ يمكن شكله ماعجبها,, ويمكن توقعت واحد اوسم منه ,,, كان مهموم,,, وكل شوي يطلع بتفسير,,, كان يحب مشاعل ومايبي يخسرها,, يبيها معاه,, يكمل معاها باقي حياته
ليش مايروح يكلمها , ويعرف منها ايش الي صار,, بس لا لازم مايضغط عليها,, اكيد متاثره من بعد العمليه,,, لازم يتركها ترتاح وتفكر بكل شي,, وبعدين راح يشوفها
00000000000000000000000000000000000000000000000000 00000

كانت مشاعل لوحدها بالغرفه ,, وسعود راح ينام ,, وبندر رجع للاوتيل
دق التيلفون,, اكيد بندر لان مافيه احد يعرف رقم غرفتها الا هو
مشاعل: الو
ساره تزغررررررت
مشاعل: الو
ساره : الف وثمان ميه وتسعه وسبعين مبروك
مشاعل: هههههههههههه الله يبارك فيك
ساره: اخيرا ياميشو اخيرا راح تشوفيني وتتمتعي بجمالي
مشاعل: ههههههههههههههههه,, الحمدلله
ساره: اكيد الشوق كان راح يقتلك لانك من زمان ماشفتيني
مشاعل: اصلا انا ماسويت العمليه الا علشان اشوفك
ساره:ههههههههههههههههه,,, اموااااااااااااااااااه
مشاعل: ايش فيك صرتي تبوسي ,,, ترى انا ميشو مو هشام
ساره: هههههههههههههه,, اي هشام واي حسام ,, انتي ميشو حبيبه الكل هههههههههههههه
مشاعل: هههههههههههههههههه
ساره: الحمدلله ع سلامتك ياقلبي ,, متى راح ترجعي اشتقت لك موت
مشاعل: انشالله بعد اسبوعين
ساره: يالله ياطولها ,,, قلبي ميشو لاتنسي تجيبي لي هديه
مشاعل : هههههههههههههههه ,, انشالله
ساره صرخت
مشاعل: ايش فيك مجنونه انتي؟؟؟
ساره: فرحانه ياحماره اخيرا راح تجي
مشاعل: ياقلبي والله وحشتيني ووحشتني فهدوه القبيحه
ساره: مادريتي فهدوه حامل
مشاعل منصدمه: جد
ساره: والله
مشاعل: ياحليلها ,,, اجل ماراح اشتري لها هديه راح اشتري للبيبي,,ههههههههههه
ساره: هههههههههههه
مشاعل: اقلول يله باي ترى انا بالمانيا مو بالرياض وانتي جالسه تسولفي
ساره : عادي انا لي ادفع الفاتوره مو انتي
مشاعل: اخوك خطيبي ومابي اخسره هههههههههههههههههههه
ساره: يوووووووه زوجه اخوي بخيله
مشاعل: هههههههههه,, يله بس باي وسلميني ع خالتي
ساره: يبلغ ياقمر,, باي
مشاعل : باي

قفلت مشاعل واخيرا صارت لوحدها ,,, كانت تتامل اثاث الغرفه
مشاعل غمضت عيونها" يا الله ايش كثر الاحساس بانك تقدر تشوف الاشياء حلو"
اخيرا رجعت تشوف ,,, كانت تتامل السرير والكراسي والطاولات بكل دقه,,, حاسه البصر مهمه لكل شخص بس مشكله الانسان ينسى يستشعرها ويحس بعظمتها وقدرها ,, وينسى يشكر الله عليها ,, وكانها حق طبيعي للانسان انه يشوف ,,, ولكن فيه ناس فاقدين هالحاسه ,, ونفسهم يحسو بالي يحسو فيه الناس الي يشوفوا ولو دقيقه يستشعرو فيها كل الي حواليهم,, حمدت ربها ع هالنعمه الي ماتقدر بفلوس الدنيا
كانت تتامل اصابعها والي من فتره من شافتها كانت تكتفي باللمس وتحسس الاشياء
دخلت الحمام وقفلت ع نفسها ,, وقفت عند المرايه ,, ,تتامل ملامحها والي افتقدتها من زمان حست بتغير في شكلها ,,, حست انها انحف ماتدري كم خسرت من الوزن ,,, كانت عيونها حمرا من اثر العمليه ,, وهالات سوداء تحت عيونها ,,,, شعرها مو مرتب ,,, كل شي قدامها واضح,,, سبحان الله قبل يومين كانت في عالم من السواد كان يحسسها بالضياع والوحده,, والحين صارت تشوف كل شي قدامها وهالشي للاسف ماحسسها بالسعاده يمكن لان طلال مو معاها,,, ليش مو قادره تحس بالسعاده ,, ليش مو قادره تعيش بسلام مع بندر وتنهي هالمهزله ,, ياليتها تقدر تتحكم بقلبها,, ياليت
حست بارهاق ,, طول اليوم تفكير وهم وحزن ,,, قررت انها تتوجه لسريرها وتستسلم للنوم
طلعت من الحمام وسكرت الباب ,, التفتت تبي تروح لسريرها وانصدمت لان غرفتها ماكانت خاليه ,, كان طلال واقف يتاملها,,, حست برعشه ,,, وانها راح تفقد التوازن ,,, شوفته تخليها مجنونه ماتفكر بشي ,,, حست ان الغرفه مافيها شي غير طلال ,, طلال كان يطغى ع كل شي موجود
كان لابس جينز لو وست وتيشرت كت لونه ابيض ,,التيشرت كان بارز عضلات صدره ومبين تفاصيل عضلات بطنه والي كانت مقسمه تقسيم دقيق ,,, وكانت عضلات يده البارزه تعطيك احساس انه بضربه وحده راح يقضي ع الي قدامه,,, دقنه طويل نوعا ما ومهمل ,,, وكانه من زمان ماراح للحلاق ,,, حتى بهالوضع كانت وسامته تقتلها ,,, كل معاني الرجوله فيه ,, سماره جذاب ,,عيونه كانت تقتلها ,,,,,ولونها الازرق يجذبها ,,, خشمه كأن احسن الرسامين راسمه, وشفايفه الي كانت تخفي اسنان كانها الولو من بياضها
استجمعت قوتها وقالت: شكل كلامي اليوم لك ماوقفك عند حدك ,, لكن انا اعرف كيف اوقفك عن حدك
كانت متجهه لغرفه سعود ,,, راح تقول له والي يصير يصير
كانت طلال اسرع منها ووصل لها قبل توصل غرفه سعود
طلال مسك مشاعل مع كتوفها وكانت عينها بعينه : ميشو تقدري تنادي اخوك ,,, بس لو تركتي لي المجال اني اتكلم معاك صدقيني ماراح اضايقك بعدها,,, ميشو اسمعيني لاخر مره
كان ودها تصرخ وتقول ياطلال احبك افهم
مشاعل تترجاه : طلال بليز اطلع
طلال: مشاعل الله يخليك ,, عطيني فرصه اشرح لك الي صار,, ومن بعدها انت الي تقرري اذا نستمر او لا
مشاعل نزلت عيونها: واذا قررت انك تختفي من حياتي راح تختفي؟؟؟؟؟
طلال بحزن: راح اختفي من حياتك
مشاعل وبدون ماتطالعه: لك 10 دقايق تتكلم فيها
طلال : مشاعل بصراحه محتار ماعرف من وين ابدا ,, بس بحاول ابدا معاك من البدايه,,, ميشو في البدايه كانت شخصيتك تعجبني والي سمعت عنها من اصحابي الي كانوا يكلموك,,, ومنهم غسان
مشاعل التفتت من الصدمه: يعني مو بس غسان الي كنت تعرفه
طلال: لا,, كنت اعرف ثلاثه كنتي تكلميهم,, بس غسان كان غير ,, كان مجنون فيك,, تعجبيه بشكل جنوني,,, وغرورك يرغبه فيك اكثر ,, ويمكن تتذكري اليوم الي تركتي فيه غسان
مشاعل: ايه
طلال: من بعد هاليوم غسان قرر انه ينتقم منك وكانت خطته انه يدمر مستقبلك ,, وانا كنت خايف من الي راح يسويه لك
مشاعل باستهزاء: هههههههههه تبي توهمني ان قلبك كبير
طلال: مو قصت قلب,, لكن انا تربيت ع قيم واخلاق ولاتنسي اني قبل كل شي مسلم,, وماارضى اضر بنت ,,, لما سمعت خطتهم خفت عليك ,, مو لاني احبك اصلا انا ماكنت اعرفك,, بس خفت عليك كبنت ,, وعرفت اني مهما حاولت امنع غسان ماراح يسمع لي
مشاعل صدقت طلال بهالكلمه لانها تعرف غسان مستحيل يتنازل عن الي بباله لو ابوه الي امره
طلال: ووهمته اني انا الي راح انتقم منك,,, وهو رحب بالفكره ,, وكانت خطتي اني اذلك,,واظنك تتذكري كويس المواقف الي صارت بينا قبل ,, متاكد انك وقتها كنتي تكرهيني
مشاعل: لاتكون واثق ان هالكره تحول لحب ,, لاني اكرهك للحين
طلال كان يطالعها بتفحص يبي يعرف هالكلمه طلعت من قلبها والا مجرد كلمه
مشاعل: تبي تكمل والا اطلع
طلال حاول يرجع لذاكرته لوراء شوي : من بعد الي صار قررت اني اقطع علاقتي فيك لاني حسيت اني انجذبت لك وخفت احبك,, وبلغت غسان اني اهنتك مافيه الكفايه ,, لازم نوقف عن ازعاجك,, في البدايه اعجبه كلامي,,, بس بعدين بلغني ان خطته تغيرت واني لازم اخليك تحبني بعدين احرق قلبك واتركك
سكت وطالعها بتفحص يبي يعرف تاثير هالكلمات عليها
مشاعل: وانت ع كيفك ,, ماعندك شخصيه؟؟؟؟؟
طلال: اذا انا مانفذت الي يبي صدقيني راح ينتقم منك بدون مايرجع لي,, كنت خايف عليك,, وماعرف ايش اسوي,,, فكرت اني اتركك احسن من اني اترك المجال لغسان ينتقم منك
مشاعل مو مصدقه الي يقول: كنت تقدر تحذرني
طلال: انا ماحاولت احذرك لاني كنت احميك
مشاعل مستغربه: تحميني؟؟؟؟
طلال: يمكن تتذكري اني مااتركك تطلعي من البيت الا سيارتي وراك ,, حتى وانا نايم اصحى ع شان اوصلك ,, ولو عندي اجتماع اطلع منه ع شانك,, كل هذا مايعني لك شي,, ميشو انا كنت اخاف عليك اكثر من نفسي ,,, كنت مهووس بك ,,, وللحين وانتي دنيتي كلها,,, ميشو انا عرفت اني ماراح اقدر احميك طول العمر ولا راح امنع غسان ينتقم منك بابوك الله يرحمه او اخوانك ,,, كنت خايف اذا ماقدر يوصل لك ,, راح يوصل لاخوانك ويفضحك قدامهم,, كنت خايف عليك ,, وكنت تايه مو عارف ايش اسوي ولا كيف اتصرف,, ولو انتي مكاني انا متاكد انك راح تتصرفي نفس التصرف,, ميشو اموت مليون مره ولا يجيك شي
مشاعل امتلت عيونها بالدموع ,, معقوله طلال يحبها لهدرجه,, بس كان لازم يسوي شي مو يقتلها ويجلس يتفرج عليها
مشاعل وهي تبكي : مو عذر كنت تقدر تقول لي ,,,, كنا نقدر نمثل قدام غسان ان انتقامه صار,, وبعدين نرجع انا وياك وكان مافيه شي صار
طلال: فكرت بهالشي بس غسان كان شاك اني احبك ,, ,خفت يعرف اني رجعت لك ,, وعشان كذا قررت اني اسكت
مشاعل تبكي بحسره: طلال لو انت تحبني ليش تركتني اعاني لوحدي ,,, ليش مارجعت لي ,, كنت تعبانه ومحتاجه لك
طلال غمض عيونه ونزلت دمعه من عينه: ميشو حبيبي والله انا كنت اتعذب اكثر منك ,, وصدقيني قررت اني اجي لك وافهمك كل شي,,, ولما عرفت من ساره صاحبتك عن طريق يزيد انك بالمستشفى بعد مااخذت يالحبوب قررت اني ارجع لك لاني لاانا ولا انتي نقدر نبعد عن بعض
مشاعل: وايش الي منعك؟؟؟
طلال: ميشو صار لي حادث سياره منعني اني اجي لان يدي كانت مكسوره ورجلي تنزف وبصعوبه وقفوا النزيف
مشاعل تذكرت ان حسين قال لها انه صدم طلال: حسين هو الي صدمك؟؟؟؟
طلال استغرب: مين قال لك؟؟؟؟
مشاعل: حسين
طلال : يعني انتي تكلميه
مشاعل: نادر
طلال: انا عاذره لانه اكيد يحبك ((وطالعها بحب)) مستحيل احد يعرفك ومايحبك
مشاعل حست بحب كبير لطلال وكان حبها الاول لطلال نقطه في بحر حبها الحين له,, كل شي تجدد,, يعني طلال ماكان يكرها مثل ماتوقعت
طلال: انا كنت ناوي ازورك واشرح لك كل شي,,, وصلت للمستشفى بصعوبه لان امي كانت خايفه علي وابوي كان مانعني من الطلعه بسبب الحادث,,,((ابتسم))ماتتخيلي ان السواق هو الي هربني,,, ووصلت اخيرا للمستشفى وكنت احاول اثبت نفسي ع الارض لان من سبه النزيف الي نزفته صرت احس باني مقدر اتوازن ,,, دخلت عندك الغرفه وكنت فرحان ومو مصدق اني اخيرا شفتك ,,, واني راح اشرح لك الي صار,, بس حسيت بنظراتك مشوشه ومو محدده, حست انك ماتقدري تركز علي واستغربت لما سالتي مين هنا,,مع اني كنت قدامك,, تاكدت لحظتها انك ماتشوفي ,,, الحزن منعني اتكلم ,, وحسيت بقهر لاني انا السبب بهذا,,, تمنيت اني مت ولا صار الي صار,,, خفت اتكلم ازيد جروحك ,, كانت الكلمات مو قادره تطلع ,,, الالم الي حسيت فيه والحزن صدقيني مايقل عن حزنك والمك,,, ومن بعدها وانا ماتركتك ابد حتى لما توفا ابوك كنت معاك,,, ولما قررتي اخيرا تسوي العمليه كنت معاك,,, ميشو انتي حياتي كيف تبيني اتركك,, ميشو سامحيني وخلينا نبدا صفحه جديده
نزلت دموعها من الحب الي حست فيه
مشاعل كانت تطالعه بنظرات حب بعكس الكلام الي قالته وكانها تنكر الكلام الي تقوله : فات الوقت ياطلال انا الحين مخطوبه ,,, وصدقيني انا ماحس ناحيتك باي حب,,, الحب الي بقلبي حل محله كره وحقد
طلال قرب منها وطالعها بنظره اخترقت قلبها بدون رحمه نظره تعبر عن حب كبير
طلال بهمس : مشاعل بس انا مقدر اتركك,, انتي دنيتي
رقت ملامح طلال ,, وحست بعيون طلال كلها حب ,, مستحيل يكون تمثيل
اخذت يد طلال تاخذ طريقها لخدود مشاعل وتمسح الدموع الي نزلت منها,,, استسلمت مشاعل لهالحنان الي حست فيه يتسلل لقلبها ويطفي كل حسره والم بقلبها,,, كانت قريبه من طلال وهالشي حسسها بالحب الكبير الي تحمله له بقلبها ,, ليش تحبه ,, ليش؟؟؟؟؟؟؟؟
طلال بحنان وهمس وهو يمسح دموعها : دموع قطوتي مابي اشوفها,,, دموعك غاليه علي,, ومابيها تنزل الا لفرح,, وانشالله هالشي راح يكون لما يجمعنا بيت واحد انشالله
مشاعل مو عارفه ايش قصده هل هذا عرض للزواج ,,, او يبيها تكون معه بالبيت بصفتها حبيبته , بس هو عارف كويس انها مو من نوع البنات الي تطلع مع شباب,,, معقوله يعرض عليها الزواج؟؟؟؟
طلال يلعب بشعر مشاعل وبكل حب قرب من اذنها وبهمس قال لها: ممكن اقول لك سر,,, ميشو انا احبك احبك احبك
حست مشاعل انها فقدت كل حواسها ,,, وماصر عندها حاسه غير السمع,,, هالكمله كانت تتمناها ,,,, ليش طلع بحياتها من جديد والحين يقولها لها عن حبه ,,,, حست الفرحه تغمر قلبها وكيانها,, تبي الوقت يوقف ,, وتكون هي وطلال بس
قال مشاعل وبدون ماتحس بنفسها: احبك ياطلال والله احبك
حست مشاعل انها ملكت الدنيا وطلال كان حاس ان حلم حياته تحقق ,, مشاعل اخيرا رجعت له
تذكرت بندر وخطوبتها والي سوا لها مستحيل تتركه وتتخلى عنه مستحيل,, بعد الي سواه,,, مستحيل تتركه ,,, هي مو من النوع الي يتخلى عن شخص قدم لها كل هالمساعدات وكل هالحب,, ماراح تخيب ظنه
وكانها صحت من اغماء بسرعه دفت طلال بعيد عنها
مشاعل: طلال الله يخليك اذا تحبني اطلع من حياتي ياطلال انا مخطوبه,, وعيب وحرام الي جالسين نسويه,,,, بندر مايستاهل,,, اطلع ياطلال الله يخليك
طلال باستهزاء: هههههههه صدقيني بندر مايستاهل هالاخلاص
مشاعل: وانت ايش عرفك اذا هو يستاهل او لا,, ع الاقل هو تجرا وصارحني بحبه,, مو انت الي كنت خلف الكواليس
طلال: مشاعل انا ماراح اتركك الا لما اكون بقبري,, انا راح اخلي عيشت بندر جحيم اوعدك,,,, خاصه بعد ماتاكدت انك للحين تحبيني
وطلع وتركها
مشاعل خافت مره من كلامه,, ركضت تدق ع بندر,,, خافت يسوي له شي
مشاعل: هلا بندر
بندر: هلا ميشو حبيبتي وحشتيني
مشاعل غمضت عيونها من القهر ماقدرت تكذب وتقول له وانت وحشتني لانها مافكرت فيه حتى بوجود طلال تنسى الناس كلها
مشاعل: غريبه مانمت
بندر: انام وانا ماسمعت صوتك؟؟؟؟
مشاعل ابتسمت غصب عنها: بندر مليت من المستشفى ابي ارجع للرياض
بندر: لهدرجه مليتي مني؟؟؟
مشاعل: ليش؟؟؟
بندر: لاني هنا ناشب لك ويمكن مليتي من شوفتي
مشاعل: لا بالعكس,,, بس انا اشتقت لاهلي
بندر : انشالله كلها اسبوعين وراح نرجع
مشاعل: الله يعيني ع الانتظار
بندر: احبك
مشاعل كرهت هالكلمه منه ,, ماتدري ليه حستها مالها اي طعم ولاحلاوه
مشاعل: بندر الممرضه راح تحط لي القطره بكره انشالله اكلمك
بندر: اوكي قلبي تصبحي ع خير
مشاعل: وانت من اهله
مشاعل كذبت عليه ,,, مو وقت كلامه الحلو الحين,, لانها ماراح تقدر تمثل
00000000000000000000000000000000000000000000000000 0000

لاول مره من بعد ماترك مشاعل يكون مبسوط وفرحان,,, اخيرا تاكد ان مشاعل تحبه,,, وماراح يعطي بندر فرصه يكون سعيد معاها ,, اذا يبي يكون سعيد خله بعيد يفكر بوحده غير ميشو لانها له ملكه حبيبته
كان بالسياره,, واخذ موبايله ودق
طلال: الو
ناصر السنترال: سم طال عمرك
طلال: ناصر هيفاء نايمه والا صاحيه؟؟؟
ناصر: والله العمه هيفاء معزومه ولسى مارجعت ,,, بس الوالده صاحيه تبيني احولك عليها طال عمرك؟؟؟؟
طلال: ايه لو سمحت
ناصر: ابشر طال عمرك
انتظر طلال ع الخط عشان يكلم امه (الاسبانيه) وكان عنده بالبيت هيفاء ولمياء ونواف ,, هيفاء تدرس بكليه الامير سلطان وعمرها 20 كبر مشاعل,, اما لمياء كان عمرها 17 وبثاني ثانوي,, وهالشي الي خلى اخو طلال الصغير نواف هو دلوع العايله لانه كل اخوانه كبار وهو دلوع البيت
ردت ام طلال ع طلال وكان الحوار بينهم بالاسباني ,,, طبعا انا راح اترجمه <== مسويه تعرف اسباني
ام طلال: طلال حبيبي وينك من يومين مادقيت
طلال: انا اسف كنت مشغول
ام طلال: هاه كيفك وكيف حبيبتك مشاعل<= امه فري تعرفون اسبانيه
طلال: ماما انا مبسووط مره ميشو تحبني
ام طلال: وااااااااو ,, خلاص اجل روح اخطبها
طلال: ماما احنا بالسعوديه ايش الي اروح اخطبها لازم انتي وابوي تكلموهم
ام طلال: انا الي راح اتزوج او انت؟؟؟
طلال: ماما هذي تقاليدنا وعاداتنا
ام طلال لها سنه بس بالسعوديه وماتعمقت كثير بالسعوديات لانها ماتعرف عربي الا كلمات بسيطه تعلمتها من زوجها واولادها وكانت لهجتها ركيكه اما الانقليش فكانت ماتعرف منه الا هاي وباي هههههههه فدايما تواجه صعوبه بالتعامل مع الناس لان الغه الوحيده واليتيمه الي تجيدها هي الاسبانيه
ام طلال: اوكي نروح نخطبها انا وابوك
طلال: لا ماما مو الحين استني شوي,, ووقتها انا راح اقول لك
ام طلال: اوكي حبيبي
طلال: ماما كنت ابي اسالك اذا تبي شي من المانيا لاني راجع بكره
ام طلال بدت توصي طلال ع طلبات ماتنتهي
00000000000000000000000000000000000000000000000000 00000
مشاعل كانت في حيره تفرح بشوفه طلال والا تحزن لخيانه بندر,, بس لاهذا ولا هذا كان احساسها ,, كانت تحس بحيره,,, تصدق طلال والا تشكك فيه,, كلامه كان يفسر كل شي,,, وحست انه صادق,,, بس ايش الفايده هي صدقته قبل وخذلها,,, لازم ماتضعف وتكون غبيه
قطع عليها حبل افكارها صوت التيلفون,,,
مشاعل بنفسها " يالله بندر ايش يبي"
مشاعل: الو
طلال: اموااااااااااااااااااااااااااه
مشاعل قفلت الخط بوجهه ,,, توقعته بندر ,,, وقح يبوسها ,,, صدق مايستحي
دق طلال مره ثانيه
مشاعل بعصبيه: خير
طلال يضحك: هههههههه اعصابك ياقطوتي,,, صرتي مفترسه
مشاعل كانت مو مصدقه نفسها,, عرفت هالصوت كويس ,, هذا صوت طلال
مشاعل: ايش الحركه الي سويتها جد انك وقح
طلال يتصنع الغباء : اي حركه؟؟؟
مشاعل معصبه: تستهبل حظرتك؟؟؟
طلال يقلد لهجه الاطفال : ميشو لاتهزئيني ترى اخاف؟؟؟
انقهرت منه قدر بكلمه يحولها من معصبه لوحده راح تموت ضحك من كلامه
مشاعل تتصنع الزعل: طلال ايش تبي ,, اظن اننا حددنا الي بينا ,, وانت وعدتني انك ماتضايقني
طلال: ليش اتصالي يضايقك
مشاعل حاولت تمثل بكل جهدها: ايه ياطلال يضايقني
طلال: وانا احب اضايقك تعرفي ليش؟؟؟
مشاعل: لا ماعرف ولا ابي اعرف
طلال: حتى انا مابي اقول
مشاعل عصبت منه:طلال خلاص قفل
طلال: لاااااااااااااااااااااااااااا
مشاعل: انا راح اقفل بوجهك
طلال سكت شوي وبعدين كمل: ايش عاجبك بهالشين بندر ,,, حتى سكسوكته يرسمها بالقلم,, لانه مايطلع له شعر
مشاعل انصدمت معقوله بندر يرسم سكسوكته,,, والي صدمها اكثر كيف شافه
مشاعل: طلال ابعد عن بندر ,,, لاتحاول تخرب الي بيننا لاني سعيده معاه,, بعكسك انت الي مااحس معاك الا بالاحزان والهموم
طلال: الي يحس بالحزن والهموم لما يزعل هذا معناه انه يحب,, لكن انتي ماتزعلي ع بندر تعرفي ليش؟؟؟ لانك ببساطه ماتحبيه
مشاعل: طلال انا طفشت منك ومن تدخلك بحياتي ,, اتركني
وقفلت الخط,, وخافت انه يرجع يتصل لكن اظاهر انه زعل لما قفلت الخط,, ارتاحت شوي ع الاقل ماراح يزعجها,, غمضت عيونها استعداد للنوم
فزت وخافت لما سمعت صوت الباب ينفتح بقوه ,, التفتت ع الباب ,, وشافت طلال
طلال بكل مرح: انا قايل انك صرتي قطوه مفترسه,, بس انا راح اروضك
وراح طلال يركض وسكر فمها بيده ,,, وعضها مع يدها عضه قويه مره ,, لدرجه مشاعل تبي تصرخ مو قادره من يده الي مقفله فمها
طلال بعد فمه عن يدها بس للحين مقفل فمها بيده: اسمعي قبل تصارخي انا حبيت اقول لك اني برجع للرياض رحلتي بعد ساعتين , , وجيت بشوفك قبل امشي,,,, وحبيت اخلي لك شي للذكرى ,,, واتمنى هالعضه تذكرك فيني لحد ماا اشوفك مره ثانيه
وشال يده عن فمها,, وطلع بسرعه,, وسكر الباب,, وقبل تستوعب الي صار,, رجع فتح الباب وعطاها بوسه بالهواء
كان المفروض تعصب وتثور,, بس كان قلبها يرقص من الفرح,,طالعت مكان العضه لقته احمر,, واسنان طلال هالمفترس مبينه ع يدها,,, ماتت ضحك ع هباله,,, ياليتها تقدر تكون معاه ,, له لوحده
00000000000000000000000000000000000000000000000000 000000
بعد اسبوعين كان موعد طلعت مشاعل من المستشفى,, طبعا طول هالفتره كان طلال مختفي لااتصال ولا حتى جاها بالمستشفى ,,, ع كلامه كان راجع للرياض
طلعت من العياده يوم السبت وكان موعد رحلتهم الاثنين الفجر ,, يعني عندهم يومين مايدروا ايش يسو فيها
راحوا للاوتيل والي كان بندر حاجز لهم فيه ,,, وع قولته كان ع حساب المستشفى لان الرحله بعد يومين
كان بندر بغرفه وجنبها ع طول غرفه سعود,, اما مشاعل كانت غرفتها اخر وحده
قرروا انهم يريحوا لانه كان الضهر ,, وقرروا انهم يطلعوا الساعه 6 يتمشوا
مشاعل غيرت ملابسها ولبست قميص نوم قصير لونه بينك ,, ومن عند الصدر كان دانتيل بيج ,,, وانسدحت ع السرير ,, وين طلال,, وين اختفى
سمعت صوت الباب,, خافت انه بندر,, كيف راح تفتح له وهي بهالملابس,,, معقوله يتجرا يطق باب غرفتها,, لبست الروب,, وكان طويل ويغطي كل جسمها ومن وراء الباب سالت
مشاعل: مين
كان صوت طفل: انا ياميشو افتحي
انصدمت مشاعل مين هالطفل وكيف عرف اسمها,, فتحت الباب وطالعت فيه,, اول مره تشوفه,,, كان امووووووور وابيض و نحيف مبين عليه بسن اخوها فهد
مشاعل: هاي حبيبي انا ميشو مين انت؟؟؟
الولد مد يده لها يسلم: معك نواف
مشاعل كانت راح تموت ضحك عليه مسوي رجال جلست بمستوى طوله : اهلين اخ نواف ,,,,, كيف عرفت اسمي؟؟
نواف يطالعها بتفحص: والله صدق انتي صاروخ
مشاعل: صاروخ؟؟؟
نواف: يعني حلوه
مشاعل خافت من جرئه هالولد,, تاكدت انه مسكره الرب كويس وشدت عليه
كان الولد خافي يده اليسار ورى ضهره
نواف: معي امانه لك
مشاعل: وايش هالامانه
نواف: شوفي انا اخذ ع التوصيل فلوس بس بما انك حلوه راح اوصل لك مجانا
مشاعل: ههههههههههههه, شكرا
نواف طلع يده الي ورا ضهره وكان معاه ورده وحيده بيضاء,, قدمها لمشاعل
مشاعل استغربت ,,, جد بندر رومنسي
مشاعل: قول لبندر شكرا
نواف عصب وحقد ع مشاعل: مشالله مين بندر هذا
مشاعل استغربت: ليش مو بندر الي عطاك هالورده
نواف باستهزاء: لا مو بندر ,, هذي من عمه طلال
مشاعل فرحت لما سمعت اسم طلال ,,, طلال حبيبها هنا معاها, وطلعت راسها من الباب تدور اي اثر لطلال
مشاعل: وينه الحين
نواف حاقد: يعني يهمك ,,, ابي اعرف الحين مين بندر هذا؟؟؟
مشاعل: هذا اخوي,, حتى اذا مو مصدقني اسال طلال وهو يقول لك
نواف : طيب بساله بس يويلك اذا ماطلع اخوك,, انا صح اني دايما اتطاق مع طلال وبعض الاوقات اكرهه ,, بس هذا اخوي ولو فكرتي تزعليه راح انتقم منك
مشاعل ماتت ضحك ع نواف ومدت يدها لنواف: اهلين اخ نواف, اجل انت اخو طلال
نواف سلم عليها وباس يدها : اهلين سنيوريتا
مشاعل كان ودها تنسدح من الضحك,, اكيد متاثر من اخواله,, حبت نواف مره ,, كان مرح وخبل
مشاعل: ايش رايك اعزمك بكره الصباح ع ايس كريم
نواف يفكر: موافق بس ع شرط انا احدد المكان
مشاعل تفكر: بس نواف انا مادل هنا شي
نواف: انا امرك معانا سواق هنا
مشاعل: معاكم ليش مين معاك هنا
نواف: انا وطلال ولمياء
مشاعل استغربت مين لمياء هذي ,, لان طلال كان كتوم من ناحيه اهله ماكان يتكلم عنهم ابدا
مشاعل: ومين لمياء هذي
نواف:هذي بنت خالتي,, وتراها تحب طلال,, يعني ياتلحقي ع طلال ياما تلحقي
مشاعل انقهرت وحست الغيره تاكلها,, حقير جاي هنا وجايب بنت خالته التبن معاه
مشاعل: طيب حلوه لمياء؟؟؟
نواف يسوي نفسه دايخ: هي حلوه وبس,, الا ملكه جمال
مشاعل غبيه مسويه تجر نواف بالكلام: طيب طلال يحبها؟؟؟؟
نواف: والله شوفي طلال يحبك انتي ,, بس اذا طولتي تتغلي عليه راح يحبها ويتركك
مشاعل انقهرت: طيب نواف شكرا ع الورده
نواف: والعزيمه بكره؟؟؟؟
مشاعل: اذا تبيها هنا بالاوتيل موافقه لاني مقدر اطلع ايش قلت؟؟؟
نواف: موافق
مشاعل بعد ماطلع نواف تاملت الورده ,, ولاحظت ان فيه كلمه مكتوبه ع ورقه من اوراق الورده
قطعتها وقرت الكلمه
((احبك))
كانت مكتوبه بقلم احمر,, دققت زياده بالورده لاحظت ان كل ورقه مكتوب عليها كلمه ,, وصارت تقطع الورده ورقه ورقه وتقرا المكتوب
وكانت كل ورقه تحمل معاني كبيره وفرحه لقلب مشاعل
وكان مكتوب ع الاوراق
((احبك))
((وحشتيني))
((امواااااه))
((حبيبتي))
((انتي دنيتي))
((لاتتركيني))
((انتي حياتي))
وكانت كل كلمه احلا من الثانيه
انتهت اوراق الورده ,,, لما خلصت من تقطيع اوراق الورده طاحت ورقه كانت مثبته بوسط الورده,, اخذتها من الارض وفتحتها ,, كان مكتوب فيها
((قطوتي ممكن تقبلي تتزوجيني))
ندمت ع تسرعها مع بندر,,طلال اثبت لها حبه,, لانه لو مايحبها ماطلب منها الزواج,,, بس ليش تنسى مواقف بندر معاها ومع اهلها,,, معقوله الحب اعماها عن كل شي
مسكين بندر ,, مايعرف ايش مشاعل تسوي من وراه,,, خلاص لازم ماتنجرف بمشاعرها مع طلال,,, الله كتب لها الحزن طول عمرها تعيش مع شخص ماتحبه,,, عشان تشكره ع الخدمات الي سواها لها ولاهلها,, وحب عمرها راح يتعذب وهي راح تتعذب ببعدهم عن بعض,, ليش الضروف دايما تعاندها,,, ايش سوت بحياتها عشان تعيش دايما بهموم,, بالاول كانت مبسوطه بعلاقتها مع طلال وقدر الله انه يتركها وعاشت بهموم لما طلع بندر والي قدر يطلعها من هموما ويقدم لها الي طلال ماقدر يقدمه ولما بدت تحبه طلع طلال من جديد بحياتها ,, وللاسف اكتشفت انها تحبه وبشكل اقوى,, ولما قرر انه يكون معاها انكتب عليها انها تكمل حياتها مع بندر رد للجميل مو اكثر
ولاتنسى ان طلال متقلب,,, اكيد مثل ماتركها بالاول ممكن يتركها بعدين,, اما بندر كان معاها ,, وحرام تسوي فيه كذا,, قررت اذا رجعت للرياض راح تقول لبندر يستعجلوا بالزواج علشان تقطع ع طلال اي امل له انها ترجع له
00000000000000000000000000000000000000000000000000 0

طلعت مع سعود وبندر ,,, ولفوا اماكن كثيره,,, وكان بندر وسعود كل شوي مظيعين لانهم اول مره يجوا المانيا,, وكانت مشاعل تظطر تقطع مسافات طويله وبالاخير يكتشفوا انهم عكسوا الطريق
رجعت بالليل وكانت مرهقه وتبي تنام ,,, قفلت الانوار واستعدت للنوم ,,, حست بطلال قريب منها,,, وخافت يتصل او يجي عندها ,,, ماتبي تضعف,,, تذكرت وعدها لنواف,, وانها لازم تعزمه ع الايس كريم ,, قالت خلني ادق ع بندر اشوف اذا راح يطلع الصباح لانها ماتبيه يشوفها مع نواف راح يشك فيها مين هالولد الي تعرفه,, كانت تبي تتاكد انه الصباح راح يكون نايم
مشاعل: الو
بندر: هلا حبيبتي
مشاعل: مانمت؟؟؟
بندر: لاافكر فيك
مشاعل: بندر كنت بسالك متى راح تصحى بكره
بندر: متى تبيني اصحى وانا اصحى على طول
مشاعل: لابس اسال
بندر: يعني تقريبا الضهر
ارتاحت مشاعل: اها ,,, طيب علشان راح اعزمكم انت وسعود ع الغداء
بندر: اكيد موافق يكفي اني راح اشوفك
مشاعل كانت تحاول تتهرب من بندر خاصه لما يقول لها كلام حلو: طيب بندر انا راح انام الحين اوكي
بندر متضايق: يعني ماراح اسولف معاك؟؟؟؟
مشاعل: اممم تعرف بكره الفجر ورانا سفره وودي ارتاح
بندر: اوكي نوم العوافي ياحبي
مشاعل: الله يعافيك باي
بندر :باي
00000000000000000000000000000000000000000000000000 00000
صحت مشاعل ع صوت الباب الصباح,, طالعت الساعه كانت 9
مشاعل: يا الله تاخرت ع نواف
راحت عند الباب
مشاعل: مين
نواف: انا
فتحت له الباب: اسفه نواف تاخرت عليك
نواف: ماشالله توك صاحيه,, يله بسرعه البسي
مشاعل : ايش رايك تضربني مو احسن
نواف: لا انا ماضرب حريم
مشاعل :هههههههههههههه
نواف: اجلي ضحكك بعدين ,, والا تهربي من العزيمه؟؟؟؟
مشاعل: اوكي ,,, عطني نص ساعه واكون جاهزه
تحممت مشاعل بسرعه ولمت شعرها ,,,, ولبست جينز وتيشرت مسكر وطويل وكان لونه تركواز وكان عليه رسمه بنت تبكي,,, تمنت انها اخذت معاها ميك اب ع الاقل تخفي بها هالهالات الي طلعت لها
طلعت ولقت نواف ينتظرها ,, مسك يده وراحوا ع اللوبي ,,, يفكروا من وين يطلبوا ايس كريم,, حست نواف عنده خبره بهالاوتيل وكانه ساكن فيه
نواف: اسمعي خلينا نروح للمطعم فيه عندهم ايس كريم مره حلو
مشاعل: اوكي خذ يدي ووديني لاني ماعرف شي
دخلت مع نواف للمطعم والي كان تقريبا فاضي,, اختار نواف الطاوله ,,,, وجلسوا,, وكان نواف بلبل في الانقليش بعكس مشاعل,, وطلب لنفسه ايس كريم ولها فطور,,,
نواف: ميشو ليش البنت الي بالتيشرت حقك تبكي؟؟؟؟؟
مشاعل: لما رسمتها كنت حزينه
نواف مستغرب: انتي الي رسمتيها؟؟؟
مشاعل: ايه
نواف: الله حلوه ,, طيب تقدري ترسميني؟؟؟
مشاعل: ايه بس ع شرط
نواف: ايش؟؟؟
مشاعل: مايشوفها احد الا انت
نواف مد يده لمشاعل: اتفقنا
هنا وقف شخصين عند الطاوله,, التفتت مشاعل لهم,, لقت طلال واقف جنبهم ومعاه بنت حلوووووووووووووووه,, مشاعل قالت اكيد هذي لمياء
طلال: نوافوه جالس مع خطيبتي لوحدك
نواف: لسى ماوافقت عليك,, وترى انا سبقتك وتقدمت لها,, هي الي تقرر
لمياء: هاي ميشو اخيرا شفتك
مشاعل قامت تسلم عليها لان لمياء مت يدها لمشاعل
مشاعل: اهلين
التقت عينها بعيون طلال كان يطالعها باعجاب وكان بياكلها بعيونه
طلال: ميشو هذي اختي لمياء
مشاعل طالعت نواف بحقد,, الكذاب بنت خالتي وتحب طلال
نواف مات ضحك ع مشاعل
طلال: نوافوه ممكن تعزمنا نجلس معاكم
كانت مشاعل راح تقول لا انا اصلا راح اطلع غرفتي,,, بس سكتت لما جابوا لها الفطور, والايس كريم لنواف
نواف: تفضلو بس اذا راح تفطروا افطروا ع حسابكم لاني معزوم ,, ميشو عازمتني
طلال: اوكي انا راح اعزم نفسي
وجلس وجلست معاه لمياء
لمياء: ميشو بصراحه كنت متشوقه اشوفك كان طلال يحكي عنك دايما
مشاعل: تسلمي
لمياء: بس جد ماتوقعتك بهالحلاوه
مشاعل: عيونك الحلوه
ون ماينزل عينه عن مشاعل: مستحيل كل شي تحبه ميشو انا احبه
وطلب من الويتر انه يجيب له نفس طلب مشاعل
وبدت لمياء تتكلم والي ماسكتت من اول ماجلسوا ,,, اما طلال كان يتامل مشاعل ومانزل عينه عنها ابد,, وهالشي احرج مشاعل,, اما نواف,, كان مشغول بالايسكريم
كانت مشاعل جالسه قدام باب المطعم,,, وانصدمت لما شافت بندر يدخل المطعم
ايش راح يسوي بندر؟؟؟؟؟؟؟؟؟؟؟؟؟ ايش موقفه,,, خاصه ان مشاعل جالسه مع واحد ؟؟؟ راح نعرف بالجزء الجديد

طاحت عيون مشاعل ع طلال والي من اول ماجلس وهو مانزل عينه عنها,, كان ودها تدخل اصابعها بعيونه وتطلعهم,, استحت مره
جاهم الويتر ياخذ الطلبات
طلبت لمياء لنفسها فطور,, ولما خلصت
لمياء: طلال ايش تبي تطلب؟؟؟
طلال كان يطالع مشاعل: ابي نفس الي طلبته قطوتي
لمياء: طلول يمكن ماتحب الي طلبته

الجزء الثاني والعشرون




طاحت عيون مشاعل ع طلال والي من اول ماجلس وهو مانزل عينه عنها,, كان ودها تدخل اصابعها بعيونه وتطلعهم,, استحت مره
جاهم الويتر ياخذ الطلبات
طلبت لمياء لنفسها فطور,, ولما خلصت
لمياء: طلال ايش تبي تطلب؟؟؟
طلال كان يطالع مشاعل: ابي نفس الي طلبته قطوتي
لمياء: طلول يمكن ماتحب الي طلبته
طلال وبدون ماينزل عينه عن مشاعل: مستحيل كل شي تحبه ميشو انا احبه
وطلب من الويتر انه يجيب له نفس طلب مشاعل
وبدت لمياء تتكلم والي ماسكتت من اول ماجلسوا ,,, اما طلال كان يتامل مشاعل ومانزل عينه عنها ابد,, وهالشي احرج مشاعل,, اما نواف,, كان مشغول بالايسكريم
كانت مشاعل جالسه قدام باب المطعم,,, وانصدمت لما شافت بندر يدخل المطعم
كان يمشي باتجاهها ماقدرت تحدد ملامحه هو زعلان ومعصب والا عادي
نزلت عينها بالارض وكانها ماتشوفه,, كانت خايفه من رده فعله خاصه ان طلال معاها ,, وهالشي زاد توترها,,, رفعت عينها لطلال لقته يطالع بجهت بندر,,, وكان يطالعه بكل استهزاء وبرود
وقف بندر عند طاولتهم ,, مشاعل تاكدت الحين انه مو وقت السكوت او التجاهل ولازم تعرفهم ببعض
وقفت مشاعل وهي تحاول تبتسم
مشاعل بابتسامه مصطنعه : صباح الخير بندر
بندر وهو عاقد حواجبه : صباح النور
مشاعل: بندر اعرفك ع لمياء صاحبتي
بندر طالع لمياء وبابتسامه بارده : اهلين
لمياء : هااي((مشاعل سكتت ماتدري كيف تعرف بندر ع طلال,, فحبت تتجاهل طلال))
مشاعل: تفضل افطر معانا
بندر: ماعرفتيني ع الي جالس معاكم؟؟
مشاعل بارتباك واضح: هذا طلال اخو لمياء,, وهذا نواف اخوها كمان
طلال كان يطالع بندر بابتسامه خبث ,,, مشاعل كانت تبي تقتله ع هالنظره ,,,والي خلت بندر يغلي
بندر: تشرفنا يا ... ايش قلتي لي اسمه((كان يبي يحقر طلال ويبين انه مو مهتم فيه))
مشاعل : طلال
طلال تجاهل وجوده ورجع يطالع مشاعل وقال لها: ميشو اجلسي كملي فطورك
مشاعل قفلت معاها ,, مو من حقه يقول لها ميشو,,, واضح انه يبي يقهر بندر,, صدق طلال لئيم,, وهي كانت تتوقعه طيب وحبوب,, بس صدق انه يصطاد بالميه العكره ع قولتهم
بندر بكل حقد: ميشو ماعرفتيهم علي
مشاعل بارتباك: ايه هذا بندر
بندر يطالع طلال بتحدي: خطيبها
طلال طلع ظحكه صغيره وكانه ينفي كلام بندر : اوه اسمحوا لي ع الضحكه بس مدري ايش فيني تجيني هالحاله كثير
بندر باستهزاء: اذا تجيك كثير هالحاله ياليتك تعرض نفسك ع دكتور نفسي
طلال يطالع بندر من فوق لتحت: فكرت فيها وحسيت انها ماتنفع, لان الدكتور النفسي ماراح يقدر يعالجني ,,, لانه ماراح يقدر يفهمني ,, لان الشخص الي يسوي نفسه ذكي ويقدر يفهمني تجيه ضربه مني بوقت مايتوقعه وبدون مايحس يلاقي نفسه دخل نفسه بورطه مايدري شلون يطلع منها
بندر يطالع طلال بتحدي : صدقني مو كل دكتور دكتور,,, فيه دكاتره يفهومك بدون ماتتكلم,, انتبه ولاتصير واثق بقدراتك مره
طلال باستهتار : نصيحه حلوه وراح احطها بعين الاعتبار
مشاعل حست بتوتر الجو ولازم تتصرف
مشاعل تدخلت: بندر خلنا نطلع من هنا
نواف: لا ميشو خليك معانا ,,, كنا مبسطوين قبل مايجي هذا ((وياشر ع بندر))ايش قلت لي اسمك((كانه يبي يرد لبندر حركته مع طلال))
طلال صوت ضحكته فجرت المطعم,, لدرجه ان كل الي بالمطعم التفتوا عليه
بندر قفلت اخلاقه: ميشو حبيبتي نمشي
مشاعل: اوكي يله
لما وصلوا نص المطعم تقريبا
طلال صرخ باعلى صوته: ميشو لمياء راح تكلمك بالليل وراح تشتاق لك موووت
بندر وقف من التعصيب ,, كان راح يرجع يضرب طلال,, بس مشاعل مسكته
مشاعل: بندر مانبي نسوي مشاكل هنا,, خلنا نطلع فوق ,, بليز بندر
بندر مسك اعصابه بصعوبه: اوكي ع شان خاطرك
وكملو طريقهم لحد ماقربوا من الباب لما صرخ طلال لثاني مره وقال
طلال: ايش عنده سوبر مان ,,, اشوفه صار دجاجه مان
نواف وطلال ضحكتهم سوت ازعاج فضيع بالمطعم
نواف: لا وانت الصادق,, فرخ مان ,, لان الدجاجه كبيره عليه
طلال ونواف رجعوا يضحكوا ع بندر
بندر هنا ماقدر يتحمل ويسكت ع شان خاطر ميشو,,, حس ان طلال اهان رجولته,, رجع لطلال وهو يركض ,, ولما وصل طلال ,, كان طلال واقف مستعد للهجوم
مسك بندر طلال من عند رقبته : ايش تبي بالضبط؟؟؟
طلال بسهوله فك يد بندر,, وصار ينضف يده بعد اثر يدين بندر,, وكانه افه
طلال ببرود : ابي ريال معاك صرف؟؟؟
بندر : اسمع اصحى تقرب من ميشو ,,, لاني وقتها راح اقتلك
طلال يصفر: والله صرت رجال
مشاعل صرخت : بس ياطلال يكفي
بندر : انا اعلمك مين الرجال
ووجه بندر لطلال بوقس ع خده بس يد طلال كانت اسرع واقوى ,, ومسك يد بندر ولفها لحد ماسمعها طقت
بندر بدا يصارخ من الالم,, وطلال توه ماسك يده ,, ,كان بندر يحاول يفك نفسه,, ع شان يهاجم طلال ,, الي كانت القوه الجسديه بينهم كبيره والفرق واضح
تركه طلال ,,, بس بندر مايتوب رجع يضرب طلال بيدينه وبعض الضربات كان طلال يصدها والبعض تجي فيه,,,, بس شكل طلال مل من دور المدافع ويبي يهاجم,, وياليته ماهاجم,,,
عطا بندر بوقس شنيع ع خده ,,, وضربه ع راسه ومن اثر هالضربه صاح ع الارض ,,كان بندر فريسه سهله لطلال ومااخذ ماعه وقت ,, نزل طلال على بندر ولف يده ع ورا,, لدرجه ان بندر خاف انه يقطعها,, وبدا يصارخ من الالم
مشاعل تصرخ: طلااااااااااااال اتركه ,, اتركه
رفع طلال عينه لمشاعل ,,, وقام عن بندر: راح اتركه عشانك ,, خذيه معاك,, بس انتبهي لايطيح تراه رقيق
نواف وهو ميت ضحك: رقيق ليش بيتزا
طلال رجع جلس ع الكرسي
نواف: يعيش اخوي البطل ,,, ويسقط الدجاجه الجبانه
طلال طالع نواف بنظره مرعبه : نواف بس
مشاعل كانت تبكي من هالموقف البايخ
اما طلال حس بالانتصار ع هالحقير الي يبي يسرق ميشو منه
اما بندر مسكين كان الالم راح يقتله ,, هذا غير فشيلته من مشاعل انضرب قدامها,, جد كره طلال,, بس كره اكثر اخوه الحقير نواف,, والي من اول ماشافه وهو يهينه
00000000000000000000000000000000000000000000000000 00000
كان بندر يصارع الالم ع الاقل مايتالم قدام مشاعل ,, وكان خده متورم من اثر الضربه,, وحب يكون شكله قوي نوعا ما ,,, خاصه بعد الضرب الي اكله,, كانوا ساكتين ,, لحد ماوصلوا لباب غرفه مشاعل
بندر بعصبيه : مشاعل فيه موضوع لازم نتكلم فيه
مشاعل كانت منحرجه من الي صار: بندر انت تعبان الحين ,, ارتاح بعدين نتكلم
بندر بعصبيه: انا مو تعبان ,, الحين لازم ننهي هالموضوع,, تعالي نروح الكوفي الي جنب الاوتيل
نزلوا تحت وطلعوا من الاوتيل ,, وعلى طول توجهوا للكوفي
بندر: انا انتظر
مشاعل: تنتظر ايش؟؟؟
بندر: تحكي لي مين هذا طلال, وايش علاقتك فيه
مشاعل خافت: بندر انا ماعرفه ,, كل الي بيني وبينه اني صاحبه اخته لمياء
بندر يطالعها وكانه مايصدق كلمه من الي قالته: وصاحبت اخته راح يتكلم معاك بهالحنيه ,, وبكل وقاحه يناديك ميشو وقدامي
مشاعل: بندر ايش عرفني ليش يتصرف كذا,, بس صدقني قبل تجي كان مره مؤدب ,, واصلا ماصار بيني وبينه احتكاك ,, طول الوقت كنت احكي مع لمياء
بندر: وليش تجلسي مع اخو صاحبتك,, ميشو انتي بنت والبنت اهم مالها سمعتها,, صدقيني انا لو مو رجال متفهم كان فسرت هالموضوع غلط
مشاعل: يعني ايش تبيني اسوي اقول له قوم مابي اجلس معاك
بندر: لا كان قلتي انا مشغوله ,, او انا انتظر خطيبي,, او ع الاقل اخوي معاي,, ماكان تجرا يجلس معاك
مشاعل: بندر ماجتني الجرئه اقومه وهو جالس,, وماقدرت اقوم لاني كنت افطر,, وواضح اني مانتظر احد
بندر: انا ابي اعرف ليش يعاملك وكانه يعرفك كويس؟؟؟؟
مشاعل: ايش عرفني انا ,, كان سالته
بندر يطالعها بتفحص: يعني مابينكم شي
مشاعل : لا
بندر: والاتصال الي كان يتكلم عنه
مشاعل : ما اعرف عنه شي,,, اصلا لمياء ماكنت تعرف اني هنا,, بالصدفه شفتها ,, كيف راح تتصل علي
بندر: ميشو بس الولد واثق من نفسه وكانه ياكد ان بينكم شي,, وليش عصب لما قلت لك حبيبتي,, كان يبي يضربني باي شكل وحب يستفزني وقدامك شفتي هالشي,,مو معقوله شخص اول مره تشوفيه يسوي كل هلاشياء,, اكيد بينكم شي قبل
مشاعل تتصنع العصبيه: اوووه بندر انت مره شكاك,, قلت لك مابينا شي
بندر قرب من مشاعل وبرقه قال لها: ميشو كل انسان له ماضي ,, وانا مايهمني ماضيك,,, بس اذا كانت تربطك اي علاقه بطلال ابيك تقطعيها لانك خطيبتي وانا مارضى بالخيانه
مشاعل قامت: مااسمح لك يابندر تتهمني بالخيانه
بندر قام معاها: ميشو حبيبتي لاتعصبي انا مو قصدي واسف,, بس انتي لو مكاني اكيد راح تشكي,,, بصراحه تصرفه معاك غريب
مشاعل: يعني ايش تبيني اسوي ع شان اثبت لك اننا مابينا شي؟؟؟؟
بندر : هو اثبات واحد مافيه غيره
مشاعل: ايش هو؟؟؟ وانا مستعده اثبت لك
بندر: تكون ملكتنا اول مانرجع من السفر
مشاعل حست بخوف يقتلها وبتردد كبير,, بس اذا قالت له اتركني افكر اكيد راح يشك فيها وهو مايستاهل هالشي خاصه انه كان متفهم ولو واحد مكانه كان زعل وعصب وكسر الدنيا خطيبته جالسه مع واحد ويناديها ميشو وواضح ان بينهم شي وشي كبير بعد ومع كذا كان بندر متفهم ولافكر يجرح مشاعل بكلمه كل الي طلبه انهم يستعجلوا بالزواج,, جد هالشخص فضيع ولو تلف الدنيا كلها ماراح تلقى واحد مثله ,, اكيد الحياه راح تكون معاه سهله,, بعكس طلال والي من اول ماشاف بندر وهو يقهره ويتهجم عليه
بندر: ميشو وين رحتي,, شكل الموضوع ماعجبك
مشاعل وبدون ماتحس: موافقه
بندر مو مصدق نفسه من الفرحه اخيرا حبيبته مشاعل راح تكون معاه ونسى الم يده ونسى كل شي,, واتمنى ان طلال طلع من زمان علشان توافق مشاعل ع تقديم الزواج
00000000000000000000000000000000000000000000000000 00000

لمياء: ليش سويت كذا ياطلال ,, حركتك ترى مره بايخه الرجال قال لك انه خطيبها وهي كانت ساكته يعني راضيه,, طلال خلاص اتركها بحالها
طلال بحقد: وربي ماخليه يتهني بمشاعل,, هو كان واطي وسرقها مني ,, بس مسكين ماعرفني كويس,, انا ماراح اسرقها منه,, انا راح اخليها تنبذه وتتركه وتجي لي انا ,,, هو حقير قرب من مشاعل وخلاها ترضى انها تنخطب له رد للجميل مو اكثر وهو عارف هالشي وراضي ,, اذا هو ماعنده كرامه انا راح اخليه يدفع ثمن خطوبته بمشاعل
لمياء: طلال ايش راح تسوي خلاص البنت مخطوبه
طلال: هي صح مخطوبه لكن مخطوبه لي انا
لمياء: طلال خلاص انساها,, الف وحده تتمناك ,,, واولهم غاده بنت عمتي,, لاتضيع عمرك ووقتك مع وحده مرتبطه
طلال يطالع لمياء بعصبيه: لمو انا ماجبتك هنا ع شان تحبطيني ,, انا جبتك معاي انتي ونواف ع شان تساعدوني اني اكره بندر بحياته,, ونصايحك انا في غنى عنها
نواف: طلال ايش رايك ندخل غرفته ونربطه ونخليك تطلع تتمشى مع ميشو ,, وخليه هو مسكين بغرفته يبكي
طلال مع انه كان معصب بس ضحك ع كلام نواف البرئ
طلال: لمو يا انك تساعديني او اطلعي من الموضوع كله ولاتدخلي
لمياء تحب طلال مره وماودها تزعله: اوكي انا راح انضم لحزبكم ,,, بس ايش راح تسوو
طلال:قدامنا يوم واحد بس لان رحلتنا ورحلتهم بكره الفجر
لمياء بصدمه: وجايبنا من الرياض لهنا ع شان تنكد ع بندر بيوم واحد
نواف: لميوه احمدي ربك هو مسفرك ع حسابه ومسكنك وماكلك يالدبا
لمياء: دبا بعينك ,, اصلا انا نحيفه
نواف يبي يقهرها : هههههه ,, اجل ليش تشتركي بدايت سنتر وانتي نحيفه
لمياء: اسكت بس انت ايش عرفك اصلا انا احافظ ع جسمي
كانت لمياء مليانه شوي وكانت تعاني لان كل بيتهم نحاف ومهتمين بالرشاقه,, ع شان كذا كانوا يجبروها تسوي دايت ع شان ما تفشلهم
طلال قفلت معاه ايش خلاه يجيبهم معاه ,,كله ع شان يساعدوه ينتقم من بندر ,,, وهم الحين يتطاقوا
طلال : ممكن تتركوا مشاكلكم لحد مانرجع
نواف : دور لمياء الحين ,, انا خليت ميشو تجي هنا
طلال كان يفكر كيف يقهر بندر
حس طلال انه مكتوم وحب يطلع يشم هواء,, وقف عند بوابه الاوتيل ,,, وشاف مشاعل مع بندر ,,, بالكوفي الي قدام الاوتيل,,وكان بندر يطالع مشاعل بكل سعاده وحب,, ومشاعل كانت مستحيه
طلال مات من القهر ,, حس بالغيره تاكله اكل,, انقهر من مشاعل لانها جالسه مع بندر وتبتسم له,,المفروض تضربه مو تبتسم له,, حقد عليها وانقهر ,, الغيره مو مخليته يركز ع شي,, مرت بجنبه بنت المانيه مقبوله نوعا ما,,, طالعها طلال وخطرت ع باله خطه ماكان يعرف مدى نجاحها
طلال: هاي
البنت تتلفت تدور لمين يقول هاي ولما عرفت انها لها ,, ابتسمت لطلال والي انجنت ع وسامته : هاي
طلال: are you sara
البنت : no
طلال : oh , I am sorry
طلال حركات مسوي مشبه ,, والبنت ماكذبت خبر قامت تتميلح عند طلال,, وهو ماقصر انواع الغزل فيها,, طلب منها انه يعزمها ع كوفي ,, هي انجنت من الفرحه
دخلت معاه الكوفي ,, وكان ماسكها مع خصرها وهي شوي وتضمه
جلس بالطاوله الي قدام مشاعل,, مشاعل في البدايه مانتبهت,, بس لما شافت شكل طلال مع هالبنت ,,, الغيره اشتعلت بركان بقلبها,,, جد وقح جايب بنت هنا قدامها,, كان طلال مو معبرها ولاحتى يطالعها
بندر: ايش رايك ناجل رحلتنا شوي ,,, انا مبسوط هنا خاصه اني معاك
مشاعل كانت مشغوله بمراقبه طلال مع هالبنت القبيحه ع قوله مشاعل: هاه
بندر انتبه لسرحانها ,, وانها تطالع شي ورى
التفت ع المكان,, ومثل ماتوقع طلال كان موجود مع بنت
بندر التفت ع مشاعل : هذا ايش جابه هنا
مشاعل كانت راح تقوم ع طلال وتضربه من الغيره والقهر الي حست فيهم,,ومن ناحيه طلال كان مبسوط لانه يبيها تحس بنار الغيره الي هو حاس فيها
مشاعل: بندر قوم خلنا نرجع الاوتيل
بندر حس ان مشاعل مقهوره ع شان البنت الي مع طلال وماحب يضايقها : يله حبيبتي
واختفي بندر مع مشاعل داخل الاوتيل
ولما وصل الاصنصير كان فاضي ,, دخلت مشاعل وبندر وكان راح يتقفل ,,, بس بهاللحظه جت يد صغيره ووقفت الباب ودخل نواف
وكان الاصنصير مافيه الانواف ومشاعل وبندر
نواف: هاي ميشو
مشاعل: هاي نواف
نواف: ميشو تدري انك حلوه مره ويبي لك تتزوجي واحد حلو مثل اخوي طلال
مشاعل سكتت ,, ايش جابه هذا اكيد طلالوه يبي ينرفز بندر
بندر: طيب ياشاطر لاتنسى تقول لاخوك ترى ميشو زواجها الاسبوع هذا اذا وده يحظر يقول لي ع شان ارسل له كروت دعوه
انفتح الاصنصير وطلعوا ثلاثتهم
نواف: لا ليش تعطيه كرت لانه هو العريس
ورجع نواف دخل الاصنصير
00000000000000000000000000000000000000000000000000 00000
اما طلال اول مااختفت مشاعل ترك هالبنت الالمانيه لوحدها والي استغربت تصرف طلال الغريب
طلال دخل الاوتيل,, لقى نواف يركض
طلال: ايش فيك تركض
نواف وهو بصعوبه يتنفس من الركض : بندر يقول انه راح يتزوج مشاعل هالاسبوع
طلال جلس بالوبي يفكر
نواف: طلال ماراح تسوي شي؟؟؟؟
طلال:اكيد راح اسوي اشياء مو شي
نواف: طيب تحرك الحين خلنا نروح نضربه
طلال: نواف الامور ماتنحل بالضرب فيه حلول احسن وامتع
نواف: انا بصراحه اكره بندر هذا ثقيل دم ومسوي نفسه قوي
لمياء قطعت عليهم سوالفهم
لمياء: اقول,,, عندي خطه لكم تجنن
نواف وطلال طالعوا بعض بصدمه ,,, من شوي كانت تنصح والحين تخطط
قالت لهم لمياء ع خطتها والي اعجبتهم مرررررررره,, وقرروا ينفذوها بوقت الغداء
00000000000000000000000000000000000000000000000000 0

سعود دق ع مشاعل
سعود: ميشو حبيبتي ماتبي ننزل نتغدا
مشاعل: اوكي بس عطني 10 دقايق واكون جاهزه
سعود: اوكي انا راح اتصل ع بندر واقول له ينزل
مشاعل: اوكي
لبست مشاعل بسرعه كانت ميته جوع خاصه لانها مافطرت زين بسبب طلالوه
طلعت مشاعل من غرفتها من بعد ماكلمها بندر وقال لها انهم يستنوها تحت
سعود وبندر جالسين بالوبي يستنوا مشاعل
سعود: ايش رايك وين نروح نتغدا
بندر: والله ياسعود مدري,, تعرف انا اول مره اجي هنا
سعود: تدري احسن شي نطلب من التاكسي هو الي يودينا اي مطعم قريب
قاطعهم طلال بكل ادب : وليش تطلبوا من التاكسي وانا موجود
سعود وبندر التفتوا لطلال,,بندر كان معصب من لقافه طلال,اما سعود مستغرب ايش هالي قاط وجهه
طلال مد يده لسعود يسلم : معك طلال الـ.. ((وياشر ع لمياء)) ,, وهذا اختي لمياء صاحبه اختك مشاعل
مد يده سعود: هلا والله طلال
طلال بكل ادب : طبعا الاخ بندر تعرفت عليه بالصباح
بندر يتصنع الابتسامه: ايه
طلال: اختي بالصدفه شافت مشاعل اليوم الصباح وقت الفطور,, وفرصه سعيده الي شفناكم هنا,,,الواحد هنا يحس بالغربه ويحن لاهل ديرته
سعود اعجب باسلوب طلال,, واعجبه ستايل طلال: احنا والله اسعد
طلال: احنا رايحين نتغداء اذا تبو تخاونا ,, وترى انا ادل المانيا شارع شارع,, يعني ماراح اضيعكم
سعود اعجبه قدره طلال ع التحكم بالامور: والله لنا الشرف
انفتح باب الاصنصير وطلعت منه مشاعل والي انصدمت من طلال ,,, كان يسولف مع اخوها سعود,,, ايش يبي هالمجنون
كانت مشاعل لابسه جينز وتيشرت بنك مسكر من فوق وكان معطيها شكل طفولي
اما طلال ابهر مشاعل بلبسه,, كان لابس جينز لووست,, وقميص ابيض مخطط بخطوط سماويه خفيفه معطيته شكل جذاب وخطير
لمياء كانت اسرع من اي شخص وعلى طول سموت نفسها صاحبه مشاعل من 100000 سنه وضمتها بقوه
لمياء: هاااي ميشو ,, تصدقي شفتك الصباح والحين انا ميته شوق عليك
مشاعل استغربت اسلوب لمياء وعرفت انها خطه من خطط طلالوه
مشاعل: هاي لمو,,كيفك؟؟؟
لمياء: تمام بشوفتك
سعود: ميشو حبيبتي طلال يعرف مطعم حلو ,, ايش رايك نروح معاهم
مشاعل: لالا اخاف نضايقهم
طلال: لا بالعكس هالشي يسعدنا
سعود استغرب سكوت بندر ,,, شك ان بنرد عنده حاله نفسيه وانه يستحي من الغرباء لوووووووووووووول
طلعوا برا الاوتيل,, وكان طلال متصل ع السواق ,, لانهم يعرفوا سواق كويس بالمانيا وكان السواق تركي,,, لما يجوا المانيا كانوا يستاجروه,,, طبعا كانوا يستاجروا سياره من الاوتيل وكان نوعها بي ام دبليو بس فكر طلال ان السياره راح تكون صغيره عليهم فقرر انه يستاجر ليموزين
سعود اول ماشاف السياره انصدم ,, توقعها سياره متواضعه
ركبوا بالسياره ومن حظ مشاعل الشين ان طلال كان قدامها ,,, طبعا الموزين جلساتها غير السياره العاديه كان فيه مقعد يكفي لثلاث اشخاص ومقابله مقعد ثاني يكفي لثلاث اشخاص
كانت مشاعل جالسه ع يمين لمياء ونواف
اما مواجههم طلال وجنبه سعود واخر شي بندر,, وكان وجه طلال بوجه مشاعل وكانه قاصد هالحركه,, وكانت رجله قريبه من رجلها وكل شوي يدوس رجلها ويجننها
واحيانا يسوي نفسه يصلح جزمته ويقرص مشاعل مع رجلها,, وكانت تكتم الصرخه ع شان مايحس سعود
واخيرا وصلوا للمطعم والي كلهم استمتعوا باكله,,, وكان سعود منسجم مره مع طلال ,, واعجته شخصيته وثقته بنفسه
بعد الاكل قرر طلال انه ياخذ بهم لفه لاحلى الاماكن بالمانيا,, وكانت خطت لمياء ناجحه بتفوق,, لان بندر طول الوقت ساكت وقافله معاه,, وطلال تحققت امنيته ان مشاعل تكون معاه يوم كامل ,, حتى لو اخوها معاهم
لفوا مناطق واماكن كثير ,,,, وكان سعود مستمتع بهالجوله والي كان معاهم واحد خبير بهالبلد,, وماكان مظطر يوقف بكل مكان ويسال
وهم بالسياره,, مو عارفين وين يروحوا ,, لان الاراء مو وحده
بندر يبي يرجع للاوتيل لانه تعبان ع قولته,,, اما لمياء تبي السوق,, مشاعل ساكته,, سعود ماعنده مشكله اي مكان بس اهم شي مايرجع للاوتيل,, طلال يفكر وين يوديهم
قطع عليهم ارائهم البايخه واصدر حكم انهم الحين يودوه للملاهي,, وغمز لطلال
نواف: بندر اذا تبي نخلي السواق يوديك للاوتيل اوكي
بندر مجرد تفكيره ان راح يخلي مشاعل مع هالحقير وقف شعر راسه
بندر: لالا راح اروح معاكم
نواف: مو من شوي تقول انك تعبان
سعود مات ضحك ع خبث نواف ,,مع انه صغير بس ذكي
بندر: لا مو مشكله
راحوا للملاهي والي كانت كبيره
نواف: يله سعود تعال اركب معاي((نواف متعود يركب الالعاب الصعبه))
سعود: لا شكلها تخوف
نواف: انت رجال ولا لا؟؟؟
سعود: هههههههه ايش تشوف
نواف: انا اشوف رجال ,, بس اثبت لنا وتعال
طلال: ههههههههههه ,, نواف اسكت لاتخليه يتهور ويركب
نواف:هههههههههههه
سعود :يعني انت ونواف راح تركبوا
طلال: اكيد
نواف: تعال ولاتصير خواف
سعود توكل ع الله وقرر يركب
طلال: لمو ومشاعل تعالوا اركبوا معانا
سعود: لا ميشو لاتركبي عشان عيونك
مشاعل: اصلا مستحيل اركب ليش بايعه نفسي انا
لمياء: يله جايه اركب معاكم
سعود التفت ع بندر
سعود: بندر تعال اركب
بندر: لا يارجال انا اخاف
طلال يطالعه بتحدي: تخاف,ههههههه هالكلمه المفروض ماتطلع من رجال
بندر انقهر وحس انها تحدي
بندر: من قال اني اخاف ,,, انا ماخاف من هالعبه ,, بس انا اخاف ماتكون عليها صيانه كويسه
سعود مات ضحك: عذر اقبح من ذنب
طلال مسك يد سعود: تعال يارجال شكله خواف
ودلخلوا العبه,, التفت طلال ع بندر وعطاه نظره احتقار
بندر بنفسه" الحين اخاف من لعبه وهو يسوي نفسه عند مشاعل قوي ومايخاف وتلقاه ميت خوف,,حتى اخته لمياء ركبت وبدون تردد,,, لازم اتغلب ع خوفي واركب,,, واثبت له اني ماخاف,, كلها دقيقه وتوقف"
راح يركض ودخل اللعبه
مشاعل: بندر راح تركب
بندر بكل فخر: ايه مصدقه اني اخاف اصلا انا متعود اركب هالالعاب
طلال مثل ماتوقع لقى بندر واقف جنبه يبي يلعب
ركب سعود وبندر جنب بعض ,, ونواف وطلال ركبوا ورى
طلال بهمس: متاكد انك ماتخاف من هاللعبه
نواف بهمس: لا يابن الحلال ركبتها الف مره ,, انت روح بسرعه قبل يشغلوا اللعبه
طلال: اوكي
طلال طلع من اللعبه بدون مايحس فيه احد,, انتظر لما اشتغلت اللعبه وراح يكمل خطت نواف الخبل ,, كان مخطط انه يركب سعود وبندر ويخلي طلال يجلس مع مشاعل لوحدهم
كانت مشاعل جالسه ع كرسي قدام اللعبه
جلس جنبها وهي مالتفت ع بالها مو طلال ,, لانها كانت تحسب طلال معاهم
لما جلس قال: تمني لخطيبك الرقيق رحله موفقه لمده ربع ساعه
مشاعل خافت : طلال انت مو معاهم؟؟؟
طلال يطالعها بحب: معقوله افوت ع نفسي فرصه اجلس فيها مع احلى ورده
مشاعل قفلت معاها معصبت من طلال لانه جالس يلعب ببندر وكانه لعبه بين يده ,,, انتبهت لكمله طلال ربع ساعه انجنت
مشاعل بصدمه: ربع ساعه؟؟
طلال: ايه اللعبه هذي غير انها سريعه ومخيفه ماراح تخليك الا بعد ربع ساعه ويمكن نص
مشاعل : وليش تخليهم يركبوا ,, ع شان كذا نزلت
طلال: بصراحه انا مليت من كثر ماركبها مع نوافوه,, ومستحيل اخليك لوحدك,, بس بندر الي تمدحيه شوفيه ركب وخلاك
مشاعل: حرام عليك تخليهم يركبوا
طلال تضايق: لاتخافي عليه ماراح يموت
مشاعل: عشان كذا تقنعهم يركبوا
طلال يبتسم: تتوقعي ساعه اقنعهم ع شان سواد عيونهم
مشاعل انقهرت من خبثه,, بس بنفس الوقت فرحت لانها معاه
قامت مشاعل تمشي بعيد عنه ,, مشى معاها ووقفت
مشاعل: طلال اتركني مابي امشي معاك,, ابي اكون لوحدي
طلال يرفع يدينه يستسلم : اوكي
مشت خطوتين ووقفت بسرعه لان طلال وقف قدامها
حاولت تروح يمين ولف هو يمين يسد عليها الطريق,, لفت يسار ولف معاها ,, حطت يدينها ع خصرها وطالعته
مشاعل: طلالوه وبعدين
جلس طلال ع الارض من الضحك وكانت ضحكته عاليه مثل ضحكاته في الاوتيل صدق خبل ومرجوج
طلال: تصدقين اول مره تعجبني طلالوه كذا,, بالله ابي طلالوه ثانيه
مشاعل: اوووووووه جد انك فاضي,, ارجع للعبه احسن اكيد انتهوا
طلال قام بسرعه يلحقها : ههههههه,, تلقينه الحين في كينيا
مشاعل باستغراب : كينيا
طلال وهو ميت من الضحك : هههههههه من سرع اللعبه اكيد وصلته كينيا ,, تلقينه الحين يتشهد ولا فكر فيك,, وبعدين لسى ماخلصت 5 دقايق واللعبه قلت لك ماراح تعتقهم الا بعد ربع ساعه
مشاعل ولعت من طلال قهرها ,, حركاته بايخه
مشاعل تطالع الارض من التعصيب: طيب ممكن تبعد عن طريقي
طلال يهز راسه وكانه يقول لا
وفجاءه طلال شال مشاعل وكانها طفل بين يدينه وصار يركض بها ويدور بها
مشاعل: طلال نزلني ,, طلالوه ياحقير نزلني
وكانت تسمع صوت ضحكاته تملا المكان ,, وصوت دقات قلبها من الخوف ومن تاثير قرب طلال منها
مشاعل: الله يخليك نزلني ,, طلال بليززززززززززززز
حاولت تقاوم وتضربه برجلها بس كان اقوى من انها تقدر تهزه
وخيرا وقف طلال من الركض بجنب محل ايس كريم ونزلها ,, كان يتنفس بصعوبه من اثر الركض ومن اثر شيل مشاعل,,
طلال: تتذكري لما ضربتني بالكيكه انا الحين ابي اضربك بالايسكريم
مشاعل عطت طلال كف ,,, وتركته
طلال انصدم اول مره وحده تمد يدها عليه
مشاعل تعبت من الركض وماتدري وين تروح ,, حست انها ضايعه ,, خافت ,, هي الحين بمكان مجهول ولاتعرف انقليش,, مين تسال,, حتى اسم اللعبه ماتعرفه ,, وين تروح,, دورت ع طلال ماكان موجود,, يالله ايش تسوي ,, وين تروح,, صارت تدور بالملاهي مو عارفه وين تروح,,, بدت تبكي من الخوف ,,, حست بخوف يقتلها ,, غريبه بمكان ماتعرفه,,, طالعت ساعتها راح ع اللعبه ربع ساعه اكيد الحين نزلوا من اللعبه,, يارب تلقاهم,, وقفت مكانها ونزلت دموعها من الخوف
مشاعل تصارخ وهي تبكي: طلااااااااااااااااااااااااال ,, طلاااااااااال,, سعوووووووود
فيه احد قرصها مع ضهرها , التفتت بسرعه لقت طلال بوجهها,, من الخوف والرعب والضياع الي حست فيه,, وبدون ماتحس ضمت طلال
طلال كان ابواب السعاده انفتحت له ,,, ضمها بقوووه ,, وبحنان صار يمسح ع شعرها
طلال بحنان : ميشو لاتبكي ,, لاتخافي انا معاك,, وماراح اخليك ابد ,,, انا كنت وراك طول الوقت ,, مستحيل اخليك تضيعي,, ميشو لاتبكي خلاص انا جنبك
مشاعل : طلال لاتتركني ,,انا خايفه,, خلك معاي ,, طلال احبك
طلال كان مبسوط بهالكلمات ومو مصدق انها تطلع من مشاعل ,, كان وده ياخذها ويهرب بها بعيد عن اي شخص مكان مايكون فيه الا هو وهي
بعدت مشاعل عن حظن طلال بخوف لما سمعت صوت نواف
نواف: طلال وينكم سعود وبندر يدوروا عليكم
طلال: يعني المحروس رجع مامات باللعبه
نواف: لا والله مامات ,, انشالله الجايات اكثر
طلال : ههههههههههه
مشاعل بتانيب : طلال
طلال يرفع يده باستسلام: اوكي اسف
راحوا لاماكن اللعبه وكان لون بندر اخظر من التعصيب لووووووووول,, عرف ان طلال كان مخطط عشان يجلس مع مشاعل لوحدهم
اما سعود كان هادي
سعود: ماشالله هذا الي مايخاف اشوفك نزلت
طلال: هم نزلوني قالوا اللعبه ماتستحمل وزنك
سعود: ههههههههههههه, ابو التصريفه
طلال: سلك لي يارجال
بندر يتصنع المرح : يعني انت مو رجال لانك خواف
طلال: مو مهم اني اصير رجال عند الناس اهم شي اني رجال بنظر نفسي وبنظر حبيبتي
سعود استغرب جرئه طلال
تعشوا بالملاهي وبعدين رجعوا للاوتيل ,, كان سعود مره مبسوط بعلاقته الجديده مع طلال واخذ رقمه ع شان يزوره بالرياض
باللوبي
طلال يتصنع البراءه: احنا بكره رحلتنا الفجر((كان حاجز بنفس رحله مشاعل))
سعود: نفس رحلتنا ,, والله حلو نتخاوى بالطياره
طلال: والله من حظنا
طلع بندر وسعود ومشاعل غرفهم
بدلت مشاعل ملابسها وسمعت التلفون يدق
مشاعل بنفسها" هذا اكيد بندر اف منه ,, اكيد يبي يشتكي لي طلال"
مشاعل: الو
طلال: هلا بصاحبه احلا حظن بالدنيا
مشاعل انحرجت ,, ولاتقدر تهزئه لانها هي الي حظنته,, ايش راح يقول عنها انها وصخه ومو متربيه
مشاعل: طلال انت عارف اني كنت خايفه,, وماحسيت بالي سويته
طلال: وكلمه احبك ماكنتي بعد حاسه فيها
مشاعل: طلال ايش تبي
طلال: ابي اتفق معاك اننا نبعد بندر عن طريقنا
مشاعل: لاتحسب اني ع شان اليوم راح اتخلى عن بندر
طلال بعصبيه : يعني راح تستمري معاه
مشاعل: طبعا
طلال: اوكي خليه ينفعك
وقفل الخط بوجهها
مشاعل حست بخوف ,, اول مره طلال يقفل بوجهها ,, واول مره يعصب عليها,, يالله اكيد زعل ,,, وما راح يدق عليها مره ثانيه,, بس ليش هي خايفه مايدق احسن ع الاقل ع شان تقدر تعيش مع بندر بسلام
قطع عليها افكارها صوت التلفون,, ردت بسرعه ع امل انه طلال
مشاعل: الو
طلال: ميشو نسيت اقول لك ,, تبي بندر لما اطلعه من حياتك احطه بكيس والا بعلبه
هالمره مشاعل قفلت بوجه طلال,, يالله مجنون هذا مايمل
كان لازم يطلعوا من الاوتيل الساعه 1 لان رحلتهم 3 الفجر,, حاولت تنام شوي تريح جسمها وماقدرت ,, لما تتذكر حظن طلال يطير النوم من عينها ,, كان احلا حظن حست فيه ,, ومو عارفه كيف تجرات وحظنته, بس كان حنون وحست ان طلال يحبها من قلب

0000000000000000000000000000000
في الطياره كان طلال مثل الهم ع قلب بندر ,, كان بندر جالس بالوسط وبجنبه نواف ,, اما ع يمين بندر كان جالس طلال بجنب لمياء وع اليسار سعود جنب مشاعل
انقهر من بين كل هالركاب مالقوا يحطوا جنبه الا هالبزر الكريه
نواف: هيه انت بعد يدك عن الكرسي حقي
بندر طالع يده كان طرف يده لامس الكرسي حق نواف, قال خلني اشيله ولاادخل في مشاكل مع هالمشكلجي
نواف: لاتتنفس قدام وجهي, اخاف يجيني مرض منك
بندر اتشت اخلاقه مايدري ايش يبي هالبزر منه
دعى ربه انه يصبره لما يوصلوا بالسلامه وينتهي هالكابوس
كانت الرحله ممتعه بالنسبه لطلال لان مشاعل بنفس الطياره ومو بعيده عنه,, اما سعود كان نايم,,, ومشاعل بين فتره والثانيه تسرق نظره ع مكان طلال وتتامله وتامل رجولته ,, وشكله الجذاب
ولمياء كانت مثل الراديو الي مايتسكر ,,, ازعجت طلال من كلامها الي ماينتهي والي حست ان الفرصه نزلت لها من السماء طلال جنبها,, اول مره يجلس يسمع سوالفها عن صاحباتها ومغامراتهم بالمدرسه ومع المدرسات,, طلال طفش منها وكان وده يرميها عند الطيار لما يوصلوا,, توسع صدره بالطريق
وصلوا اخيرا للرياض
راحت مشاعل ولمياء للحمام يلبسوا عبايتهم
لمياء: مدري ليش نلبسها الحين كل الي بالطياره شافونا
مشاعل: هههههههه
راحت مشاعل ع مكانها
وكانت لابسه العبايه ومتحجبه
اما لمياء كانت لابسه العبايه وراميه الطرحه ع كتوفها ,, استغربت مشاعل لان طلال كان يطلب منها انها تتغطى واخته حتى الحجاب مو متحجبه
طلال انتبه لنظرات مشاعل وصار ياشر لها بانها تغطي وجهها
طالعته باحتقار ورمت الطرحه ع كتوفها عناد فيه
00000000000000000000000000000000000000000000000000 00000

مشعل: لو سمحت اخوي متى توصل الرحله الي جايه من المانيا
الموضف: الحين توها وصلت
مشعل: مشكور
راح مشعل يركض ع شان يستقبل اخته والي اشتاق لها من قلب
بدوا الناس يطلعوا من الطياره ,, واخيرا شاف مشاعل ماسكه يد سعود ووراهم بندر
ركض ع مشاعل وضمها ,, مشاعل ماقدرت تتحمل كانت مره مشتاقه لمشعل وبكت بحظنه
مشعل: خلاص ميشو خلي دموع شوي لماما
مشاعل:هههههههههه مره اشتقت لكم
مشعل: واحنا اكثر ,,الحمدلله ع سلامتك يانورنا
مشاعل:طبعا انا نوركم انت مشعل يعني شعله وحده ,, اما انا مشاعل يعني شعلات كثيره
مشعل: هههههههههههههه
سعود: ميشو وين تعلمتي ثقل الدم فيه؟؟؟؟
مشاعل تتصنع الضحك: هاهاها
التفتت ع الصوت الي سمعته
طلال : انشالله نشوفكم ع خير يا سعود
سعود: طلال معاك رقمي والا
طلال: ايه ,,, طبعا نبيكم تزورونا انشالله
سعود: انشالله قريب,,, طلال هذا اخوي مشعل
طلال مد يده لمشعل: هلا ومرحبا مشعل
مشعل سلم ع طلال وابتسم له: هلا بك
سعود: مشعل هذا طلال الـ...
مشعل: تشرفنا
طلال: الشرف لي
مشعل: تفضل معانا ياطلال نوصلك
طلال: لاوالله ماودي اضايقكم وبعدين معاي الاهل ,,, وعموما السواق ينتظرنا برا ,, فرصه سعيده والله الي جمعتنا
سعود: احنا اسعد وترى مالي شغل فيك انت مواعدني انك تسير علي
طلال: ابشر ماطلبت شي اتشرف بدخول بيتكم يالغالي
سعود: الله يسلمك
طلال: مع السلامه
سعود ومشعل: مع السلامه
قبل يمشي طلال رمى نظره لمشاعل نستها هي وين او هي مين,, كانت تحبه بكل عيوبه واخطائه
00000000000000000000000000000000000000000000000000 000000
طلعوا ووقفوا عند بوابه المطار ينتظروا مشعل يجيب سيارته من الباركينق ,, شافوا سياره بنتلي جديده وكان فيها سواق ونزل يركض يفتح الابواب لطلال ونواف ولمياء,, ويركب الشناط
سعود: مشالله هذي سياره طلال ,, والله شكل الولد كاش
بندر بدون نفس: ايه
مشعل وقف ورا سياره طلال
ركب بندر قدام اما سعود ومشاعل ركبوا ورا
انتظروا لما سواق طلال حرك السياره ومشوا ,, وكانوا في طريقهم للبيت
سعود: مشاعل صاحبتك لمياء امها عربيه؟؟؟
مشاعل: لا ليش
سعود: حسيت ملامحهم مو عربيه ,, ماشالله طلال وسيم مره
بندر قفلت اخلاقه من جد انقهر ومات قهر ,,جالس يمدح طلال قدام مشاعل صدق وقح ولايراعي شعوره
مشعل: والله اول ماقلت لي هذا طلال انصدمت حسبته بيتكلم انقليش ماتوقعت ابد انه عربي
سعود فرح ان احد يشاركه رايه وتحمس: مشعل ماتحس كانه ممثل اجنبي
مشعل: ياخي احسه يشبه الي مع نانسي عجرم بفيديو كليبها
مشاعل تحمست: اي فيديو كليب؟؟؟
مشعل: ياناسي هواك
سعود: ايه صادق فيه لمحه منه,, بس طلال احلى
مشعل: هههههه ايش عندك شكلك معجب في الولد
سعود: هههههههههههه لا بس انا يعجبني الرجال الي يهتم بلبسه وجسمه ووسامته , وطلال احس انه لبيس صح
كانوا يتكلموا عن وسامته طلال عند مشاعل وهالشي يقتلها ,,, هي تحاول تنساه وهم يصعبوا عليها الموضوع
مشعل يلتفت ع بندر: بندر ايش عندك ساكت
بندر: مافيه شي اتكلم فيه
مشعل حس بتوتر بندر بس ماكان يعرف ايش فيه ,, ما دري ان طاري طلال يسبب له قهر ويزيد حقده ع طلال
00000000000000000000000000000000000000000000000000 000000
نواف : كفك ياطلال
طلال عطاه يده وضربها نواف
لمياء: وربي انكم خبيثين ,, حرام عليكم الولد راح ينجن من القهر
طلال: خليه ينجن احسن علشان لما اخذ ميشو منه مايتعذب هههههههه
نواف: ههههههه,, ايه ونروح نزوره بمستشفى المجانين,, ونعطيه حلاوه بالفلفل خلها تشوي لسانه
طلال: الا قول نعطيه سم يقتله ويريحنا منه
نواف: لا ياغبي ندخل سجن عشان واحد مجنون
لمياء: يعني صدقتوا انه انجن الحين
طلال ونواف:هههههههههههههه
دق تلفون السياره ,, رد طلال
طلال: الو
ابو طلال: الحمدلله ع السلامه
طلال: الله يسلمك ,, شلونك بابا
ابو طلال: الحمدلله شلونك انت وشلون لميا ونواف
طلال: يبه عن الف والدوران انت متصل تتطمن ع نواف حبيب قلبك
ابو طلال يتجاهل اتهام ولده : ليش مقفل موبايلك
طلال تذكر موبايله : ايه بابا ذكرتني موبايلي ,, قفلته بالطياره ونسيت افتحه
ابو طلال: طيب عطني نواف
طلال: ابشر((ويكلم نواف)) نوافوه خذ ابوي يبيك
نواف:الحين نوافوه والا هناك العم نواف,, انا اوريك اذا ماقلت لبابا ع خططك
طلال سكر فم نواف: قسم بالله اذا قلت لابوي والله لدفنك هنا بالسياره
نواف يحاول يبعد يد طلال: امممم اممممممم
لمياء : طلال بعد يدك بتموته
طلال فك يده: بس اسمع طاري ميشو عند ابوي شوف ايش اسوي لك
نواف: طيب خلاص فكني
نواف اخذ التلفون: هلا بابا
ابو طلال: هلا بحبيبي هلا بولدي الغالي
نواف: بابا اشتقت لك
ابو طلال: انا الي راح يموتني الشوق ,, مره ثانيه لاتروح وتخلي بابا لوحده هنا
نواف: انت يابابا تسافر وتخليني دايما
انحرج ابو طلال: المهم حبيبي اذا جيت راح تلقى مفاجاه تنتظرك
نواف كان راح ينجن من الفرحه عارف مفاجات ابوه دايما حلوه: ايش هالمفاجاه يابابا
ابو طلال: لو قلت لك ايش هي ماراح تكون مفاجاه
قفل نواف من ابوه وهو متحمس يبي يعرف ايش هالمفاجاه
نواف يكلم السواق : منصور بسررررعه
منصور: ابشر طال عمرك
طلال: ايش الي ابشر تصدقه انت,, انشالله اذا طلع معاك وقال لك اسرع تسرع
نواف: ايه وليش مايسرع
طلال: وليش يسرع
نواف: بابا شاري لي مفاجاه وابي اوصل بسرعه
طلال: تبي توصل للبيت والا تبي توصل للقبر؟؟؟ منصور لاتسرع , وانت يانوافوه انا اوريك اذا طلعت من البيت هذا وجهي اجل اسرع هاه
نواف يحط رجل ع رجل: ههههههه ماتقدر تمنعني من الطلعه
طلال يلتفت عليه: وليش انشالله
نواف: انا ماسك عليك شي ,, واذا فضحتني راح افضحك
طلال ضحك ع نواف,, اعوذ بالله محد يقدر عليه,, كانت فكرته حلوه انه اخذه عشان يجنن بندر,, لان الي يجلس مع نواف دقيقه راح ينجن

مشاعل تتامل بيتها اخيرا تقدر تشوفه وتشوف وجيه الناس الي تحبهم,, حبت بيتها وحبت تفاصيله,, جد افتقدتها
ام مشعل تبكي: الحمدلله ع سلامتك ,, تو ما البيت نور,, الله لايحرمني منك
مشاعل: الله يسلمك ياخالتي, مو مصدقه اني اخيرا بينكم واشوفكم
ضمت ام مشعل وبكت من قلبها ,, ونفس الشي لما شافت نجود,, كان القاء مره حزين والكل تاثر ,, بكت مشاعل لانها ماقدرت تشوف نجود بيوم زواجها,, بس نجود تمتلك حكمه وذكاء قدرت تقلب هالحزن لفرح وسرور
نجود: ايش رايك ياميشو نروح غرفه الرسم حقتك ,,, ونشيل اغراضك من هناك ونجيبها هنا للبيت
مشاعل اعجبت بالفكره,, صح ان عيونها للحين تعبانه ,, بس ودها تمارس هوايتها الي انقطعت عنها من زمان
طلعت نجود ومشاعل لبيت ام سلطان ,,, فتحوا الباب ودخلوا الصاله والي كانت فاضيه,, مشاعل اشتاقت لاخوانها مره ,, وكان ودها تشوفهم ,, قررت انها راح تروح لغرفه الرسم,, وبعدني تمر ع اخوانها
دخلت مع نجود للغرفه وانصدموا بالي شافوه
كانت الغرفه محيوسه,, وكل شي مكسر,, الالوان ع الارض ,, اللوح الي راسمتها صارت من الماضي لان واضح فيه يد كسرت اللوح كلها
مشاعل جلست من الصدمه ,, مين الحقير الي سواء كل هذا,, معقوله ام سلطان تسوي كل هذا
التفتت ع نجود وكانها تبيها تقول لها ان كل هذا مو صدق: نجود لوحاتي ,, غرفتي
نجود: ميشو لا تتضايقي انشالله راح نسوي لك غرفه احسن
دخل عليهم فهد, ولما شاف مشاعل , ركض لها وضمها
فهد: ميشو لاتتركينا الله يخليك,,, خليك معانا ,ماما تضربنا ,, ميشو احنا خايفين
مشاعل انصدمت من كلام فهد: حبيبي لاتخاف انا معاكم
دخلت ام سلطان: الله الله تجمعت الحثاله,, انتي يالعمياء ايش جابك بيتي
مشاعل وقفت ومشت لما وصلت ام سلطان: فهد روح غرفتك
ولما طلع فهد
مشاعل: ع فكره العماء مو عيب ولاحرام ,,, وانا الحمدلله سويت العمليه ونجحت
ام سلطان: طبعا من فلوسي سويتي العمليه
مشاعل: لاتخافي انا سويتها ع حساب المستشفى
ام سلطان: هههه تتوقعي مني اني اصدقك,, هذا خطه منك ومن اخوانك
مشاعل: ماتتخيلي قد ايش اكرهك واحقد عليك ,,, اول شي ع شان غرفتي والي كانت احلا ماعندي بهالدنيا ,, هنا ارتاح,, وهنا سعادتي, بس مو هذا السبب الي راح يخليني اوقف بوجهك,,, اسمعي من اليوم راح ارجع هنا ,,, هذا بيتي وبيت اخواني,,, وراح اكرهك بحياتك تدري ليش,, لانك فكرتي تمدي يدك ع اخواني,, وهالشي راح تدفعي ثمنه قريب
ام سلطان: هههههه هذا بيتي وماراح اخليك تتهني فيه ولا تسكني فيه,,, انا راح ابيعه انشالله,, وفلوسه راح اسافر بها,, اما اخوانك الي تتكلمي عنهم,, خذيهم معاك لبيت العجوز ,,, انا مابيهم
مشاعل: يالحقيره ,,, الله ينتقم منك ,,, ايش ذنب هالصغار
ام سلطان: ذنبهم انهم ماورثوا من ابوهم الى الديون,,, وانا مقدر اصرف عليهم,, خذوهم مو انتم تحبوا تربوا الايتام
وطلعت وخلتهم
مشاعل جلست ع الارض تبكي ع حال اخوانها : نجود حرام هذولا صغار ,, محتاجين امهم,, ومحد يعوضهم عن امهم,, ليش تسوي كذا
نجود: حبيبتي انتي لسى تعبانه بعد العمليه ولاتتعبي نفسك بهالامور,, تعالي نروح غرفتك ترتاحي
مشاعل قامت: لا انا ماراح اطلع واترك اخواني
مشاعل طلعت من الغرفه وطلعت تركض ع غرف اخوانها
لقت سلطان بالغرفه يبكي,, اول مره تشوف سلطان يبكي كان دايما قوي
اول ماشاف مشاعل ركض ناحيتها وضمها
سلطان: ميشو رجعتي تشوفي؟؟؟؟؟؟؟
مشاعل تبتسم: ايه ياسلطان الحمدلله انا الحين اشوف
سلطان: الحمدلله, ,, ميشو وحشتينا ,, لاتتركينا وتروحي لام مشعل,, خليك معانا
مشاعل: لا ماراح اترككم,, انا راح اجلس عندكم ,,,, وماراح اخليكم ابد
سلطان رجع يضم مشاعل
مشاعل: وين فيصل؟؟؟
سلطان: نايم بغرفته من بعد ما ماما ضــ ((وسكت))
مشاعل: ليش سكت ياسلطان قول ايش سوت له
سلطان: اليوم ضربت فيصل
مشاعل راحت تركض لغرفه فيصل,,,, لقته نايم ,, واضح انه نام من كثر ماصاح
جلست جنبه وبكت لحالته
قررت مشاعل انها راح ترجع عندهم ,,, واخذت اغراضها من بيت ام مشعل,,, وسعادتها نجودج في نقل اغراضها,,, وطبعا ام مشعل عارضت في البدايه ,, بس وافقت لما وعدتها مشاعل ,, انها تجي تفطر وتتغدا وتتعشاء عندها
00000000000000000000000000000000000000000000000000 00000
ساره: مالي شغل فيك الحين تاخذني لمشاعل,, ابي اشوفها
بندر: ساره قلت لك انشالله بكره راح نروح لهم ,,,, لاني بروح احدد موعد الملكه
سره انصدمت: ملكه خلاص قررتوا؟؟؟؟
بندر: ايه مشاعل وافقت ع الملكه تكون هالاسبوع
ساره: هالاسبوع,, بس اليوم الاحد ,, يعني متى راح تكون الملكه؟؟؟
بندر: انشالله الخميس
ساره: بهالسرعه
بندر: انا ومشاعل قررنا اننا ماننتظر زياده
ساره تطالع بندر بخبث: بندروه ايش سويت لصاحبتي وخليتها توافق بهالسرعه
بندر يضحك: سر المهنه
ساره راحت تتصل ع مشاعل,, ودقت عليها كثير وكان موبايلها مقفل , ماقدرت تتحمل الشوق,, وعلى طول طلعت من السياره وراحت ع بيت مشاعل
00000000000000000000000000000000000000000000000000 0000
نواف كان يركض يدور ابوه ,, يبي يعرف ايش هالمفاجاه,, لف البيت كله ومالقى ابوه,, واخيرا لقاه بغرفه المكتب
نواف: هاي بابا
ابو طلال قام يشيل ولده: هلا بحبيب بابا
نواف: بابا وحشتني
ابو طلال: وانت اكثر,, كيفك انشالله طلال ماضيق صدرك او ضربك؟؟؟
نواف: بابا موقت هالكلام ابي هديتي؟؟؟
طلال دخل: شفت ان ولدك مصلحه
وراح طلال يسلم ع ابوه ويبوس راسه
ابو طلال: يمون ع القلب,, ع قلبي زي العسل
طلال: الله لنا, تامر شي بابا بروح ارتاح
ابو طلال: ايه مدير مؤسستنا الي بامريكا اتصل يدورك كثير ,,, الله يهديك قلت راح تدير المؤسسه هناك,,, وكلها اسبوع ورجعت,,, وهم الحين مختبصين,, دق عليه شوف ايش يبي
طلال: انشالله
نواف: هاه بابا وين هديتي
ابو طلال طلع علبه هديه صغيره ,, نواف تحطم لما شافها توقع ان الهديه كبيره
ابو طلال : ماتبي تفتحها
نواف بدون نفس: طيب بفتحها
ولما فتحها لقى مفتاح
نواف: ايش هذا مفتاحه؟؟؟
ابو طلال : تعال شوف هذا مفتاح ايش
ووقفوا عند الشباك وكانت موقفه سياره قولف ,,كان نواف يبي وحده مثلها يتمشى فيها بالبيت,, بما ان بيتهم مررره كبير وعشان تتمشى فيه تتعب مره,, فكان وده بسياره قولف ع شان يتمشى بالبيت
نواف صرخ من الفرحه وباس ابوه وطلعوا يجربوها
طلال طلع من البيت بعد ماسلم ع امه وتوجه لغرفته والي هي في قسم منفصل برا البيت
دخل وسكر الباب,,, تسند ع الباب,,, تذكر مشاعل ومعقوله زواجها بعد اسبوع ,, كيف رضت ببندر ,,, شلون تحبه وترضى تتزوج واحد غيره,, انقهر منها,, بس ليش مايقدر ينساها او يكرهها ,, حس انه الوقت ع شان يضرب بندر الضربه الي راح تكره مشاعل فيه,,, بس لو كانت جد تحب بندر وتتغاضى عن كل عيوبه,,, خاف طلال من هالفكره,, وقتها اكيد راح يترك مشاعل لو حس ان قلبها مو له,, لانه مايبي يتعسها هو يبي سعادتها ,, وعارف ان سعادتها معاه,, لانه عارف ايش يقدر يقدم لها ,, مو بس الفلوس الي راح يقدمها لمشاعل,, راح يقدم شي احلى واكثر قيمه,, وهو الحب والاخلاص
00000000000000000000000000000000000000000000000000 00000

دخلت ساره بيت ام سلطان وكانت خايفه تشوفها وتهزئها ,, توجهت لغرفه مشاعل وشافت النور مو مسكر معنى هالشي ان مشاعل صاحيه ,,, سمعت صوت اخوان مشاعل عندها بالغرفه
فتحت الباب
ساره: هاااااااااي ميشو
مشاعل طمرت وركضت تضم ساره: ساااااارونه مره وحشتيني
ساره تعاتبها: مره وحشتك ,, لو جد وحشتك كان اتصلتي علي
مشاعل: اسفه والله لهيت مع مشاكلي
ساره: اي مشاكل الحمدلله رد لك نظرك وتقولي مشاكلي؟؟
مشاعل: حبايبي ايش رايك تروحوا تلعبوا بلي ستيشن
سلطان فهم التصريفه: فهد وفيصل تعالوا نلعب برا
لما طلعوا
مشاعل حكت لساره مشكله ام سلطان وحقارتها,, وساره مانصدمت لانها كانت تتوقع منها اي شي
ساره: عموما مبروك مقدما
مشاعل : الله يبارك فيك بس ليش مقدما خلاص انا سويت العمليه قولي مؤخرا
ساره تغمز لمشاعل: لا مبروك ع شي ثاني
مشاعل: وايش هالشي؟؟؟
ساره: سمعت بالصدفه ان ملكتك يوم الخميس
مشاعل انصدمت لانها ماحددت هالشي ,, صح انها قالت لبندر انها راح تقدم الملكه بس ماحددت يوم
ماشعل: وانتي مين قال لك
ساره: مين غيره بندر
مشاعل: بس انا ماحددت له يوم
ساره : هو راح يجي بكره مع ابوي يكلم اخوانك
مشاعل خافت ,,,, خلاص راح تصير زوجه لبندر ,, حست انها مو مستعده ابد,,, بس خلاص هذا اختيارها,, ولازم ترضى,,, وبعدين بندر يعتبر فرصه ماتعوض لاي بنت,,, بس ماتدري ليش حست انها بدت تكرهه خاصه لما بدا طلال يطلع بحياتها من جديد,, صارت دايما تقارن بينهم وكان طلال يفوز ع بندر بكل النواحي
كانت محتاره,,, بس كويس الي ساره قالت لها ع الاقل عندها فرصه تفكر لما بكره
طلعت من عندها ساره وحاولت تنوم ولو ان النوم جفاها بعد ماعرفت ان بندر راح يجي بكره يحدد موعد الملكه
فتحت موبايلها تبي تدق ع بندر ع امل انه يقول لها شي وتحاول تقنعه ياجل الموضوع حست انها ابد مو مستعده
سمعت صوت مسج وكان من رقم غريب ,, المسج يقول
"قطوتي اذا فتحتي موبايلك دقي علي مشتاق لك موووت"
عرفت على طول انه طلال محد يقول لها قطوتي الا هو,, ايش تسوي له مايبي يفهم, انها خلاص راح تتزوج ,, متى راح يتركها,, مصخها,, لازم توقفه عند حده
رجعت قفلت موبايلها ونامت بصعوبه
00000000000000000000000000000000000000000000000000 00000
اليوم الثاني كان صعب ع مشاعل ,, اضطرت انها تواجه ام سلطان كم مره ,,, كانت مره تدافع عن اخوانها والي امهم ماتتعب من ضربهم,, ومره تدافع عن ابوها والي طول الوقت ام سلطان تتحسر ع نفسها انها تزوجته ,,, لانه تركها وماترك لها فلوس تتهنى فيها
وجت اللحظه الصعبه بالنسبه لمشاعل,, لما جاها مشعل يسالها عن رايها في انها تكون المكله يوم الخميس
مشعل: انا قلت لهم انهم مستعجلين ,, وطلبت منهم ياجلوها شوي
مشاعل: مافيه داعي يامشعل,,انا موافقه
مشعل يبتسم: الف مبروك يامشاعل , بصراحه عرفتي تختاري بندر رجال بمعنى الكلمه
كانت تنتظر مشعل يروح ,, تبي تبكي ,, عارفه انها بكلمتها هذي فقدت طلال ,,,بس للحين مقتنعه برايها,, انه هذا الحل المناسب لهم كلهم
طلع بندر من عندهم ,, فتحت موبايلها,, وجتها رساله من طلال
" مشاعل امشي ورى قلبك وماراح يضيعك"
ارسلت لطلال رساله
"طلال انا حددت موعد الملكه يوم الخميس,, خلاص انا ملك شحص ثاني مو ملك نفسي,, لو سمحت انساني"
ارسل لها طلال رساله
"وليش ماتطلبي منه هو انه ينساك,, ليش لازم انا الي اضحي"
ارسلت له
"لانه ببساطه راح يكون زوجي"
ارسل لها
" اذا الله كاتب لك تتزوجي ماراح تتزوجي غيري,, اوعدك"
مشاعل كان ودها ترقص من الفرحه ,, معقوله فيه امل تكون زوجه طلال ,, وبدون ماتجرح بندر,, ياليت
00000000000000000000000000000000000000000000000000 00000
بندر جنن ابوه من الفرحه
ابو بندر: بندر عيب عليك انت رجال
ندر: والرجال مو من حقه يفرح,, بابا انا مو مصدق نفسي اخيرا مشاعل راح تصير زوجتي
ابو بندر: طيب ترى وصلنا البيت وقف لاتدخل بالجدار
وقف بندر ونزل ابوه,, جلس بندر بالسياره يسمع اغاني بالسياره ويرقص من الفرحه,,, قفل الاغاني لما سمع صوت موبايله
ساره: بابا وين بندر ابي ابارك له
ابوبندر: يرقص بالسياره
ساره: هههههههههههههههه,, جد خبل
ابو بندر : الله يوفقهم
ام بندر وساره : امين
طلعت ساره فوق تبي تكلم فهده تقول لها
ودخلت غرفتها
ساره: هاي فهده
فهده: اهلين سارونه
ساره: عندي لك خبر يسوي مليون
فهده: لاتقوليه لاني ما املك ولا الف
ساره: هههههههه, لو تعرفي الخبر كان تسلفتي المليون ع شان تسمعيه
فهده : الله واكبر وايش هالخبر يالفالحه
ساره: ميشو سوت العمليه وصارت تشوف
فهده: من جدك
ساره:والله والله والله
فهده: ياحقيرات ليش ماقلتوا لي انها راح تسوي العمليه
ساره: قلت اسويها مفاجاه
فهده: الحمدلله الف مبروك ,, والله ميشو تستاهل
ساره: وفيه شي ثاني
فهده: وايش هالشي؟؟؟ انتي اليوم مدري ايش عندك اخبارك تجنن مو مثل العاده
ساره: مقبوله بس بكمل,, ميشو ملكتها يوم الخميس
فهده: لاعادي مصختوها كل هالاشياء تصير وانا مدري
ساره ميته ضحك: ههههههه وفيه شي ثالث
فهده: عمى انتي واخبارك ,, قولي وخلصيني لايطيح البيبي
ساره: ميشو راح تتزوج اخوي بندر
فهده: مبررررررررررررررررروك, بس والله انكم سخيفات ليش ماقلتوا لي
ساره: صارت الامور بسرعه
فهده: والله فرحت لميشو تستاهل
ساره سمعت صوت صراخ
ساره: فهده شوي واكلمك
وقفلت بدون ماتعطي فهده فرصه تقول باي
طلعت وشافت بندر معصب وداخل غرفته , عمرها ماشافت اخوها بندر معصب بهالشكل,,, بندر معروف بهدوئه,, ايش هالشي الي مخليه معصب لهدرجه
نزلت تحت ولقت امها وابوها صدمتهم ماتقل عن صدمتها
مشاعل: ماما ايش فيه بندر؟؟؟
ام بندر: والله مدري ياحبيبي ,,, مر من جنبنا وهو يكلم بالموبايل ومعصب,, مدري مين يكلم
ساره خافت ع اخوها ,, طلعت له فوق تبي تعرف ايش فيه
وقفت عند غرفته تبي تطق عليه الباب,, بس حست انه مانتهى من مكالمته لانها سمعت صوته يصارخ
كانت تبي ترجع لغرفتها بس شدها الموضوع الي يتكلم فيه بندر مع الشحص الي ع الموبايل,, بدوون قصد منها انها تتصنت وقفت,, تبي تسمع زياده,,مو قادره تصدق ان كل هذا يطلع من اخوها بندر,, الى كانت تضرب به المثل,,, يطلع كل هذا منه
حست انها بحلم , اكيد الي جالسه تسمعه مو صدق,,, اكيد هذا مو بندر
حس بصوت برا غرفته وفتح الباب يتاكد لقى ساره واقفه ومصدومه
ساره وهي تبكي : ليش يابندر,,, ليش سويت كذا؟؟؟
ايش سر هالمكالمه والي خلت بندر مذنب بوجهه نظر ساره,,,, ومين هالشخص الي قدر ينرفز بندر بهالشكل؟؟؟؟
الجزء الثالث والعشرون




ساره خافت ع اخوها ,, طلعت له فوق تبي تعرف ايش فيه
وقفت عند غرفته تبي تطق عليه الباب,, بس حست انه مانتهى من مكالمته لانها سمعت صوته يصارخ
كانت تبي ترجع لغرفتها بس شدها الموضوع الي يتكلم فيه بندر مع الشحص الي ع الموبايل,, بدون قصد منها انها تتصنت وقفت,, تبي تسمع زياده,,مو قادره تصدق ان كل هذا يطلع من اخوها بندر,, الى كانت تضرب به المثل,,, يطلع كل هذا منه
حست انها بحلم , اكيد الي جالسه تسمعه مو صدق,,, اكيد هذا مو بندر
حس بصوت برا غرفته وفتح الباب يتاكد لقى ساره واقفه ومصدومه
ساره وهي تبكي : ليش يابندر,,, ليش سويت كذا؟؟؟
بندر مصدوم : ايش سويت؟؟ وانتي من متى واقفه هنا؟؟؟((ماكان يعرف ايش بالضبط سمعت ساره))
ساره: من اول مادخلت غرفتك وسمعت كل شي
بندر : مين سمح لك تتجسسي علي؟؟
ساره: بندر من متى تعرف طلال؟؟؟
بندر : اي طلال انتي ايش قاعده تقولي؟؟؟
ساره تصارخ: لاتنكر يابندر انا سمعت كل شي,, انتم متفقين ع ميشو,, ماراح اسمح لك تدمرها حتى لو كنت اخوي
بندر: اي ادمرها الله يهديك انتي فاهمه الموضوع غلط
ساره: بندر انا راح اكلم مشاعل اقول لها كل شي
بندر: لا سارونه الله يخليك انتي لو قلتي لها ماراح ترضى تتزوجني
ساره تطالع اخوها بصدمه : وانشالله تبيها تتزوجك وهي مخدوعه فيك
بندر: انا ماخدعتها انتي مكبره الموضوع ومو قادره تفهميه
ساره: الحين تشرح لي كل كلمه سمعتها,, او اروح اقول لميشو
بندر عصب من ساره: ساره انا اخوك معقوله تسوين فيني كذا؟؟
ساره: انا مارضى بالكذب والغش حتى لو كان من اخوي
بندر: طيب سارونه تعالي لغرفتي وانا راح افهمك ع كل شي
ساره: اتمنى عندك تفسير مقنع للي سمعته
بندر دخل مع ساره غرفته ومو عارف كيف يبدا
بندر: انا راح اقول لك كل شي بس بشرط
ساره: ايش هو؟؟؟
بندر: ميشو لاتعرف عن هالموضوع شي
ساره معصبه: كيف ماتعرف وهي صاحبه الموضوع
بندر: ع الاقل لاتقولي لها الا بعد الملكه
ساره: ليش ماتبيها تعرف حقيقتك وبعدين ترفضك
بندر: سارونه انا احبها وماقدر اتركها او استغنى عنها ,,, وانا متاكد ان مشاعل قلبها كبير وراح تسامحني
ساره: واذا انت واثق انها راح تسامحك ,, ليش ماتقول لها
بندر: انا راح اقول لها بس بعد الملكه
ساره: اها انت قصدك لما تملك عليها خلاص ماتقدر ترفضك لانك زوجها,, عمري ماتوقعت انك لئيم لهدرجه يابندر
بندر: سارونه والله احب ميشو وماودي اخسرها
ساره: ممكن اعرف السالفه؟؟
بندر: اوكي بحاول اني ابدا من البدايه,,, اول شي انا كنت بامريكا,,, وطلال كان يدرس بامريكا وتعرفت عليه هناك من زمان ومن بعدها هو صاحبي,,, ومرت الايام وقرر ابو طلال انه يخلي طلال يمسك فرع مؤسستهم الي بامريكا,, وبهالشكل توطدت علاقتي بطلال اكثر من اول,, وتكررت طلعاتنا مع بعض,, شكى لي من حبه لمشاعل ,,, وعن مرضها ,, وانه يبي يساعدها بس مو عارف كيف,, بعدين طلب مني انه يساعد مشاعل عن طريقي ,, لانه عرف عن طريق اسم عائلتي اني اخوك,, وعرف انك صاحبه مشاعل مره,, قال احسن حل انك تساعدها وماراح ترفض لان المساعده راح تجي من ساره
ساره: وليش هو ماساعدها؟؟؟
بندر: كان متاكد انها راح ترفض اي مساعده منه
ساره: وليش متاكد؟؟؟
بندر: ساره اكيد مشاعل ماتخبي عنك شي ,,, واكيد قالت لك عن الحركه الي سواها في مشاعل
ساره: عشان كذا مافكر يفاتحها بالموضوع
بندر: ايه ,, وهو قال مابي اخاطر بموضوع علاجها وبعدين ترفض وافقد اي امل انها توافق,, فهو قال خل الموضوع عن طريقك احسن
ساره: يعني طلال هو الي خلى المستشفى يعالجوها ع حسابهم مو انت
بندر: لا المستشفى ماله دخل بعلاج مشاعل
ساره مستغربه: مو فاهمه؟؟؟
بندر : العلاج كله كان ع حساب طلال
ساره منصدمه: معقوله
بندر : طلال كان دافع كل شي يخص مشاعل ويخص سعود بسفرتهم بدايه من التذاكر الي العياده وتكاليف العمليه وتكاليف السويت الي حجزه لهم,, حتى الاوتيل الي كنا ساكنين فيه بعد ماطلعت مشاعل من المستشفى كان ع حساب طلال,, وكنت طول الوقت اوهمهم انه ع حساب المستشفى ,, وكنت خايف سعود يحس بشي
ساره تكرر كلام بندر مو مصدقه : الاوتيل الي كنا ساكنين فيه؟؟ ليش لايكون دافع عنك انت بعد
بندر وهو مستحي: ايه ,, بصراحه بذيك الفتره ماكان عندي سيوله,, وطلال صمم انه يدفع كل شي,, لانه هو المسئول عن هذا كله,, وهو الي طلب مني اسافر معاها ع شان اطمنه
ساره: وموضوع الشركه؟؟؟
بندر: هو اشترى نصيب ابو سليمان من الشركه وصار شريك سعود ومشعل وهو الي دعمهم بالفلوس بس عن طريقي,, وهو الي كان يخطط لكل شي وانا كنت انفذ ,,, حتى لما رحت لشركه اخوانها ,, ماكان عندي علم باي شي,, اتصل علي الصباح وقال لي روح للشركه ,, وعلمني ايش اسوي بالسياره ,, بس احنا كنا خايفين انهم يكتشفوا لاننا سجلنا الشركه باسم طلال مو باسمي ,, خفنا ينتبهوا لهالشي,, لان الاوراق كانت عندي بس خفت يطلبوا نسخه من الاوراق
ساره :وانت ماتستحي ع نفسك تمثل هالتمثيل
بندر: صديق وطلب مني هالطلب ماقدر ارده
ساره تفكر: اها هذا يفسر رجعتك من امريكا بدري,,, بس ايش دخل مساعداته لمشاعل بزواجك منها,,, كذا هو راح يضرها لانها راح تتزوج واحد مخدوعه فيه
بندر نزل عينه بالارض وقال: هذا الموضوع يخصني انا ,, وطلال ماله شغل بهالموضوع
ساره: شلون ماله شغل
بندر: لان طلال ماعرف اني خاطبها الا بالصدفه
ساره منصدمه من اخوها: وشلون سمحت لنفسك تخون صاحبك والى امنك على ميشو,, وانت عارف انه يحبها وهي تحبه,, تروح تسرقها منه
بندر: سارونه صدقيني انا حبيت مشاعل غصب عني وبدون ماحس,,, وبعدين هي ماراح تسامحه وهو مايتجرا يكلمها او يرجع لها,, فكرت ليش ما اعطي نفسي مجال ابدا معاها
ساره: وبعد ماعرف طلال ايش سوا
بندر: هو ماعرف الا قبل نرجع بيوم ع حسب علمي و قرر انه ينتقم مني وينكد علي يومي,, وهذا الي سواه كان اسوا ايام حياتي
ساره: ماني قادره اصدق انك تسوي كذا وانت عارف ان مافيه شخص يسوي كل هذا الا لانه يحب بجنون,, وانت ماراعيت احاسيسه وخنته وخطبت ميشو
بندر: بس انا احبها وبعدين انا ساعدته
ساره: بس انت كنت مزيف وطلعت لمشاعل بصوره غلط,, وبتعب طلال كنت راح تجبر مشاعل تتزوجك
بندر: انا ماجبرتها هي وافقت من نفسها
ساره: بس ميشو لازم تعرف كل شي
بندر: سارونه تكفين خليها بعد الملكه ع الاقل اتاكد انها ماراح تتركني
ساره: تبي تبني حياتك ع غش وخداع,, اسفه مشاعل صاحبتي ومقدر اكذب عليها,, ,بعدين لو انا سكت تتوقع طلال راح يسكت
بندر: وهذا الي مخوفني,, طلال يتوعدني,, ويقول لي راح اقول لمشاعل كل شي وراح يدمرني
ساره: ما الومه ,, انت قول لمشاعل واذا كانت تحبك راح تسامحك,, اما اذا ماسامحتك معناها انت الربحان لانك انقذت نفسك من حياه زوجيه تعيسه لان مشاعل ماتحبك
بندر: بس انا احبها
ساره: صدقني الصدق هو الشي الوحيد الي راح يخليك تكبر بعين مشاعل
بندر: اهم شي انتي لاتقولي لها شي,, انا راح اقول لها
ساره: مثل ماتبي بس انتبه ترى اليوم الاثنين,,, وملكتكم الخميس يعني مافيه وقت لازم تقول لها بسرعه
بندر: انشالله
00000000000000000000000000000000000000000000000000 00000

كان طلال يدق ع مشاعل يبي يفهمها ع كل شي,, مستحيل يترك بندر ياخذ منه حبيبه قلبه,, تعب وهو يدق وكان موبايل مشاعل مقفل ,,, قرر انه يرسل لها مسج ع امل انها اذا فتحت موبايلها تشوف المسج
"ميشو اذا فتحتي موبايلك كلميني ابيك بموضوع ضروري يخص بندر"
طلع من غرفته وراح ع الخيمه حقتهم ,,, دخل وكانت الخيمه فاضيه ,,, جلس لوحده ,,, يفكر,, كيف يجبرها ترد عليه ,,لازم تفهم الحقيقه ,,, فتح التلفزيون وصار يقلب بالقنوات مو قادر يركز ع شي ,,, طرا ع باله فكره حلووووووه,,, بهالشكل راح ترد عليه مشاعل
طلع من الخيمه يركض متجه للبيت ,,, كان في بوابتين تدخل لجوا البيت ,, البوابه الرئيسيه وهي الي تودي للمجالس وكانت في مقدمه البيت ,,,اما البوابه الثانيه فهي بوابه خلفيه تودي ع البيسمنت 1 والمكون من المسبح الي في النص وتحيط به غرف مفتوحه عباره عن غرفه التبديل وبعض الحمامات وغرفه للاجهزه الرياضيه خاصه بطلال ,,, وجكوزي وساونا وكان فيها صاله كبيره مفتوحه عباره عن جلسات وكانت مخصصه للحفلات الي يسووها هيفاء ولمياء ,, وكل هالغرف كانت مفتوحه ع المسبح ,,, قطع مسافه طويله لما اخيرا وصل لبوابه البيت الخلفيه لانها الاقرب لغرفته ,,, فتح الباب والعباره عن زجاج يلف ع البيسمنت كله ,,, ركض باتجاه الاصنصير ,, وطلع ع الدور 2 ,,,والي كان عباره عن ممرين طويله الاول يودي ع غرفه ابو طلال وام طلال ,, والثاني ع غرفه هيفاء ولمياء ونواف,, راح باتجاه غرفه هيفاء ,,, وبكل احترام ضرب ع الباب
هيفاء: تفضل
طلال يطل براسه: مشغوله
هيفاء: لا تعال
هيفاء ماكانت لوحدها كان معاها وحده فلبينيه تسوي لها فرينش مونيكير ليديها ورجولها ,,, كانت هيفاء مهووسه بالفاشن وكل جديد ,,, مافيه عروض ازياء بالصيف الا حظرتها لو انها في القطب الجنوبي,, وكانت امها تروح معاها لان ابوها مايرضى تروح لوحدها
طلال: ايش هالحلاوه ,,, توك مسويه برونزاج؟؟؟
هيفاء: ايه ايش رايك حلو
طلال: مرررررررررره كول,,, مع شعرك ولون عيونك صاير مره يجنن
هيفاء: طلول ليش لما رحت المانيا ماتشمست كان لونك احلى بدى يفتح لونك الحين
طلال: خلاص كبرت ع هالحركات
هيفاء: هههههههههههههه ,, كبرت ,, اشوف شعرك كله شيب,,, يله طلول ايش رايك قبل تبدا الدراسه نروح استراليا اسبوع نتشمس ونرجع
طلال: لو الي ببالي صار راح اوريك لاي مكان تبيه
هيفاء تحمست: جد طلول ,,, ايش هالي ببالك وانا اسويه
طلال: ابي منك خدمه((وصار ياشر ع طرف اصبعه)) قد كذا
هيفاء تضحك: وانا اقول غريبه جاي يسولف معاي,, قول ايش تبي
طلال: ابي منك ترفعي التلفون وتقولي كلمتين وخلاص
هيفاء تتفحص اصابع يدها ,, تبي تطمن ع ان المونيكير جف,, ولما حست انه جف,, اخذت موبايلها وحطته عند اذنها وقالت
هيفاء: كلمتين
طلال: تستهبلي انتي ووجهك
هيفاء تستهبل: انت قلت ارفعيه وقولي كلمتين
طلال: ههههههههه لا انا راح ادق ع رقم وانتي قولي مشاعل موجوده
هيفاء تضحك: اوكي ياحبيب مشاعل ,,بس ليش ماردت عليك زعلانه؟؟؟
طلال: لامقفله موبايلها وابي اعرف ايش فيها
هيفاء: طيب واذا نادوها ايش راح اسوي؟؟؟
طلال: خلاص اذا نادو ميشو انتي تطلعي من الموضوع
هيفاء: واستراليا؟؟؟
طلال: الحين توك مسويه برونزاج ,, كيف تبي تتشمسي ,, راح تحترقي
هيفاء: لا البرونزاج الي سويته مو طبيعي بكريمات وسبري عند يحيى زكريا ,,, بس ماراح يدوم اكثر من اسبوعين,, وانا ابي اتشمس برا,,وتعرف ابوي السنه هذا ماسفرنا,, وابي اغير جو واتشمس
طلال: ليش مارحتي معانا المانيا وتشمستي ع كيفك
هيفاء: مليت من كثر ما اروح لها
طلال: طيب راح تدقي والا اروح اترجى اختك الثانيه
هيفاء: اوكي دق الرقم وعطني
طلال اخذ التلفون, ورفع السماعه
طلال: ناصر لو سمحت عطني اي خط فاضي
ناصر:ابشر طال عمرك
طلال دق رقم بيت مشاعل ,, طبعا هو يعرفه لان مشاعل بعض الاوقات كانت تدق عليه منه
بدى الرقم يدق
00000000000000000000000000000000000000000000000000 00000
فهد وفيصل كانوا يلعبوا بلي ستيشن لما دق التلفون
فهد : روح رد
فيصل: لامابي ,, انت الي روح
فهد: ترى تقول امي الي مايرد ع التلفون تجيه المقرصه الحاميه تاكله
فيصل: اصلا مافيه شي اسمه المقرصه الحاميه تلعبون علي
فهد: خلاص اذا جت وكسره الشباك ودخلت عليك تتاكد
فيصل خاف وقام يرد ع التلفون
فيصل: الو
هيفاء: هاي حبيبي
فيصل: مين انتي؟؟؟
هيفاء: حبيبي روح قول لمشاعل صاحبتك تبيك ع التلفون
فيصل: لا
هيفاء: ليش؟؟
فيصل: ميشو فوق,, وانا مابي اطلع فوق
هيفاء قفلت معاها: طيب حبيبي روح قول لها ع شان اشتري لك حلاوه
فيصل: مابي ميشو تشتري لي
هيفاء: انا حلاوتي احلى من حقه مشاعل,, يله روح نادها
فيصل: مابي انا العب بلي ستيشن ,, عندكم بلي ستيشن؟؟
هيفاء تكلم طلال: ترى مليت من هالبزر ,,, يقص لي قصه حياته
طلال: قولي له عطني الي جنبك
هيفاء: حبيبي مين جنبك,,, الو الو ,,, الو
فيصل ترك التلفون ورجع يكمل لعبته
دخلت مشاعل عليهم
مشاعل: فهودي ماشفت سلطان
فهد: لا
مشاعل كانت راح تطلع واستغربت ان التلفون مرمي ع الارض
مشاعل: مين الي رامي التلفون
فيصل وبدون مايلتفت: صاحبتك تبيك
مشاعل: وكذا تتركها ع الخط ,,, الله يهديك
مشاعل: الو
هيفاء: هاي مشاعل
مشاعل استغربت الصوت: هااااي, ,مين معاي
هيفاء: معاك هيفاء
مشاعل زاد استغرابها: معليش ذكريني هيفاء مين؟؟؟
هيفاء: راح تعرفي مين انا بس دقيقه
وعطت التلفون طلال
طلال خايف انه تقفل: الو
مشاعل: ...............
طلال: انا عارف انك تبي تقفلي بس اسمعيني دقيقه وحده وقفلي
مشاعل: وليش داق ع بيتنا
طلال: موبايلك كان مقفل,, واضطريت اني ادق ع البيت
مشاعل: ومين هيفاء هذي؟؟
طلال: اختي,,, ميشو ممكن تفتحي موبايلك,, ابيك بموضوع يخص بندر
مشاعل: مالك شغل ببندر,, واظن احنا انتهينا من هالموضوع,,, ولو سمحت لاتدق علي مره ثانيه
طلال: ميشو بندر يكذب عليك بكل شي
مشاعل: مليت كذبك وغشك,, وع فكره ملكتي الخميس
قفلت الخط
رجع طلال يدق لما تعب ,, وحس ان مشاعل فصلت التلفون,,, ضاعت حيلته,,, كل الي يعرفه انه ماراح يسمح لهالزواج انه يتم لو اضطر يخطف بندر ويحبسه لما ترد عليه مشاعل
هيفاء: خلاص طلال البنت قفلت ,,, لاتدق عليها كيفها لاتموت نفسك ع شانها ماتستاهلك
طلال طالع هيفاء بظره كانت كفيله بانها تسكت هيفاء
طلع من غرفتها وكان بوجهه لمياء
لمياء: هاي طلال,, يعني من بعد السفر خلاص مانشوفك؟؟
طلال طنشها ودخل الاصنصير
لمياء دخلت عند هيفاء
لمياء: هيفاء ايش فيه طلال مره معصب
هيفاء: من مشاعل الي من تعرف عليها وهو متغير
لمياء: هيفاء حرام عليك لاتظلميها,, هو غلط معاها كمان,, مو نحط العيوب ع بنت الناس واخونا هو الصح
هيفاء: الا تعالي ماقلتي لي عن شكلها حلوه شينه,, كول ,, سايكو,, تعرف تلبس ماتعرف,؟؟
لمياء تطالع ساعتها : شوفي الحين الساعه 10 بالليل لو جاوبت ع اسالتك راح انتهي تقريبا 3 الفجر,, وانا دوامي ينتهي 12 الا اذا حتعطيني اوفر تايم
هيفاء: هههههههههههههههه,,, يله خلصيني
لمياء: اوكي انتي سالتيني اذا حلوه او شينه ,, البنت مو حلوه الا تجنن,, مره كيوت,, ملامحها بيبي فيس جد تحسيها طفله
قاطعتها هيفاء: وجسمها حلو؟؟
لمياء: يجنن,, تحسي ان اي لبس تلبسه يصير حلو من كثر ماجسمها حلو ماشالله,, اما عن الكول فهي كووووووووول مره بشكلها ولبسها وكلامها واسلوبها,,, وحرام عليك تقولي عنها سايكو ابعد ماتكون عن السايكو,, بصراحه اعطيها 10 على 10
هيفاء والغيره تاكلها : عاد انا عارفه ذوقك زي وجهك,,لما قلتي عن غاده بنت عمتي حلوه وانا غاسله يدي
لمياء : حرام عليك والله غاده تجنن,, ومو بس انا الي اقول ,, حتى صاحباتي منجنين عليها,, بس بصراحه غاده اعطيها 8 من 10,, بس ميشو تجنن لو فيه اكثر من 10 عطيتها مالوم طلال لما حبها
هيفاء: من متى تناديها ميشو
لمياء: من اول ماتعرفت عليها بالمانيا,, تجنن هيفاء لو تتعرفي عليها حتحبيها
هيفاء: لاشكرا ماحب اتعرف ع هالاشكال
لمياء: اي اشكال؟؟؟انتي اصلا ماشفتيها
هيفاء: بدون ماشوفها انا عارفه ذوقك الشين
لمياء: ليش تساليني اذا مو عاجبك ذوقي؟؟؟
هيفاء: كذا لقافه,, اطلعي الحين ابي انام
لمياء : ترى راح تجي غاده بعد شوي,, اذا تبي تجلسي معانا تعالي
هيفاء: وليش انشالله ايش راح يجيبها؟؟؟
لمياء: ايش دخلك انا قلت لها تجي
هيفاء: ما ادري ليش انتي مصادقتها ترى هي مو من سنك
لمياء : الي يسمعك يقول عمرها 100,, ترى لسة مادخلت 23
هيفاء: و 23 مو كبيره عليك,, صادقي ناس بسنك
لمياء: انا حره اصادق الي ابي
وطلعت وخلتها
00000000000000000000000000000000000000000000000000 00000
كانت مشاعل متنرفزه من حركه طلال الي سواها معاها ,, ايش يبي ,, خلاص ملكتها الخميس وللحين يزعجها,, قررت انها ماتفتح موبايلها الا يوم الجمعه لما يفقد الامل
نامت وكان بحظنها فيصل الي صار يخاف من انه ينام لوحده بسبب امه المتوحشه
00000000000000000000000000000000000000000000000000 0000

فهده تكلم امها
فهده: يمه مدري ايش فيني ماكبر بطني؟؟؟
ام فهده: توتس يالخبله بالشهر الثالث وتبين بطنتس يكبر
فهده: مدري يمه يقول لي عبدالمجيد ان بطني ماكبر اكيد حمل كاذب
ام فهده: وش حمله الي يكذب بعد,, حتى الحمل خليتوه يكذب,, يالخبله الهبله توتس ع الكروش والثقل,,, مايكبر بطنتس الا بالشهر الرابع
فهده: الله ماما بطني بعد شهر راح يكبر
ام فهده: الحمدلله ع العقل
فهده: اقول ماما مالقيتوا لصالح حرمه
ام فهده: كلمت ام عبدالله عندها بنيه اسمها روان يقولون زوينه,,, كان نروح نشوفها
فهده: ايه ماما حددي معاها يوم ع شان اروح اشوفها معاك
ام فهده: انشالله السبت نروح نشوفها
فهده: وليه ياماما السبت خير البر عاجله خلينا بكره نروح نشوفها
ام فهده: اجل شورتس وهدايت الله بروح ادق عليها واقول لها , مع السلامه
فهده: مع السلامه
00000000000000000000000000000000000000000000000000 00000
ام طلال بلهجه عربيه ركيكه : هاي هبيبي قاده
غاده: هاي كيفك خالتي
ام طلال: كويس,, لمياء دور انتي
غاده: وينها بغرفتها
ام طلال: ايوه
غاده: اوكي خالتي راح اطلع لها
ام طلال: اوكي
طلعت غاده غرفه بنت خالها لمياء,,,كانت علاقه ابو طلال بااخته ام غاده علاقه قويه,,,وهالشي الي يخلي غاده 24 ساعه عندهم
غاده طلعت من الاصنصير وكان بوجهها نواف
نواف: بسم الله خوفتيني
غاده: ليش وحش شايفني
نواف: لا بس ايش هالتسريحه الي مسويتها لنفسك؟؟؟
غاده: اي تسريحه((تذكرت انها كانت مسويه تسريحه بشعرها وكانت كلها عمايل))
نواف: هذي
غاده :ليش مو حلوه
نواف: لا تخوف
غاده: مالت عليك ,, اصلا ما سويتها لك
نواف: ترى هيفاء ولمياء راح يضحكوا عليك
غاده: مالك شغل يالكريه
لمياء: هاااااااااااااااااااي غاده ,,, تعالي ليش واقفه
غاده: اخوك نوافوه الكريه مايعطي احد فــ
قاطعتها لمياء: واااااااااااااااااااااااااااااااااااو غاده شعرك يجنن,,, مين سواه لك
غاده: سويته عند جان كلود اليوم العصر
لمياء: وليش ايش كان عندك
غاده: كنت معزومه ع دي جي
لمياء: وليش مارحتي
غاده: تطاقيت مع البنت الي عازمتني
لمياء: ههههههههههههه
غاده: يله تعالي ندخل غرفتك
لمياء توقفها: ترى وعدتيني انك تنامي عندي اليوم
غاده: اصلا الساعه 11 ومافيه وقت ارجع للبيت
لمياء: حلو اجل خلينا نروح نسبح
غاده: لااااا حرام عليك ابي اتهنى بتسريحتي
لمياء: يله عاد غطي شعرك ,,,((وسحبتها من يدها))
نواف: راح اجي اسبح معاكم
لمياء: لا مانبيك,,, لاتصير حشري
نواف: حشري والا حيواني بروح اجيب ملابسي
غاده: ياكرهه اخوك هذا الله يصبرني,, طيب خلينا نقول لهيفاء تجي معانا
لمياء: لا مستحيل هيفاء تسبح مع احد تخاف جراثيمنا تنتقل لها
غاده: ههههههههههه
نزلوا للبيسمنت 1 ,,, وبدلوا ملابسهم ولبسوا المايوهات ,, وقفلوا ستاير البيسمنت لانه يطل ع برا وكان جداره كله قزاز ,, خافوا يشوفوهم العمال الي بالحديقه
وكانوا مبسوطين لما جاهم نواف والي كرهم بالسباحه لانه مزعج ويخرب عليهم
وقرروا انهم يطلعوا من المسبح ويجلسوا ع الجلسات الخاصه بالمسبح يشربوا عصير
لمياء: ايش تبي تشربي
غاده: اي شي
دقت ع المطبخ يجهزوا لهم العصير
نواف : انا ابي عصير
لمياء: نوافوه اطلب لك ايش دخلني فيك
نواف: نذله
وطلع الدور 1 يدور ع ابوه يشكي له
لمياء: اووووووه راح يقول لابوي ياكرهه,, الحين حيجي يهزئني
غاده: احسن ليش ماطلبتي له وريحتي عمرك
لمياء: كريه ماحبه كل شي يتدخل فيه
غاده:هههههههههههه كانكم توم وجيري
لمياء : ههههههههههههههه
دق التيلفون
لمياء تطالع التحويله
لمياء: هذي غرفه طلال غريبه ايش يبي
ردت لمياء
لمياء: هلا طلال
طلال: لمياء ايش مسويه لنواف؟؟؟
لمياء: راح يشتكي لك
طلال: ايه ,, حرام عليك,, ترى هذا اخوك
لمياء: نبي نجلس لوحدنا انا وغاده وهو يخرب علينا
طلال: عندك غاده؟؟؟؟؟
لمياء: ايه
طلال: طيب خلاص باي
لمياء: طيب طلـ
قفل بوجهها قبل تكمل
غاده: قفل بوجهك؟؟؟
لمياء : ايه
غاده: لما عرف اني هنا صح
لمياء: ماتوقع اصلا هو نفسيته تعبانه هالايام
غاده باهتمام: ليش ايش فيه؟؟؟
لمياء: مدري بس يمكن من الشغل
غاده: اها
00000000000000000000000000000000000000000000000000 00000
يوم الثلاثاء
مشاعل كانت في قمه رعبها ,, ماتدري هل زواجها من بندر هو الخيار الصح او انها راح تندم
طلال كان عازل نفسه بغرفته ينتظر مشاعل ترحمه وترد عليه,,,, لما تعب قرر انه يدق ع ساره صاحبتها ع امل انها تكون احسن من اخوها وتساعده
اما ساره كانت تنتظر بندر ع شان تجبره يعترف ,,, بس بندر كان مختفي بغرفته ويتحجج بالنوم
بعد المغرب
دق موبايل ساره وعرفت الرقم,, هذا رقم طلال
ساره: الو
طلال: السلام عليكم
ساره: عليكم السلام
طلال: عرفتيني
ساره: طلال
طلال : ايه ,, اسف اذا ازعجتك
ساره: لا مو مشكله
طلال: ساره ابيك بموضوع ضروري يخص مشاعل
ساره: عارفه ايش هالموضوع
طلال مستغرب: كيف عرفتي؟؟؟؟
ساره: بندر قال لي ع كل شي
طلال انصدم من جرئه بندر وبهدوء قال لها : ومشاعل؟؟؟
ساره: ايش فيها
طلال: تعرف الموضوع
ساره: لا
طلال انصدم من ساره كانت صاحبه مشاعل مره ومايخبو اع بعض شي ,, انقهر ليش تخبي عنها كل هذا ع شان اخوها
طلال: وطبعا انتي حتقولي لها
ساره: مستحيل اخبي عنها شي
طلال: بس ملكتها من اخوك الخميس ,, متى راح تقولي لها
ساره: اول شي انا ودي اشكرك ع كل شي سويته لميشو,, وبصراحه اثبت جد انك تحبها ((وسكتت شوي بعدين كملت)) وانك انت الي تستاهلها
طلال: افهم من كلامك انك راح تساعديني ع شان مشاعل ماتتزوج اخوك
ساره: انا علي اني اوصل لمشاعل كل شي,, وهي الي تقرر
طلال: هي مو راضيه تسمعني ولا حتى تفتح موبايلها,, بليز ساره روحي لها اليوم وفهميها ابي اكلمها ابي اشرح لها كل شي,,, ساره بليز انا محتاجك لاتتخلي عني
اول مره ساره تحس بحب طلال الكبير لمشاعل
ساره: لاتخاف انا راح اكون مع الحق وما راح اكون بصف بندر لاني عارفه انه غلطان
طلال: ساره مافيه وقت اليوم الثلاثاء
ساره: طلال انا احترمك واحب مشاعل ,, بس بنفس الوقت احترم قرار اخوي بندر
طلال: وايش قراره
ساره: يبي يقول لمشاعل كل شي بنفسه
طلال مات من الخوف : لا ساره تكفين لا ,, انتي عارفه بندر يمكن يقلب كل شي فوق راسي ,, انا ما اثق فيه ,, خاني مره وماقدر اثق فيه ,,, تكفين ساره لاتخليه يدمرني ويدمر مشاعل
ساره: لاتخاف بعد مايكلمها راح اتاكد انه قال لها الحقيقه ,, وراح اروح عندها واخليك تكلمها
طلال: وعد ياساره
ساره حزنت ع طلال الي كان يترجاها وكانها الامل الوحيد له بالحياه
ساره تبتسم : لاتشيل هم انا راح احرص ان الحقيقه توصل ميشو
طلال بعد مكالمه ساره ارتاح شوي ,, ع الاقل هي تحب مشاعل وماراح ترضى تكذب عليها ,, بس كان خايف ياثر عليها بندر ,,, واكيد هو اخوها وراح تهتم لسعادته
00000000000000000000000000000000000000000000000000 000000
هيفاء بلغت امها انها راح تعزم صاحباتها ع العشاء وراح يسهروا عندها ويفطروا ,, وطبعا بهاليوم انحكم ع الطباخين مايناموا ويسهروا ينفذوا طلبات هيفاء
غاده ولمياء توهم صاحين من النوم
لمياء: هاي مام هاي هيفاء
هيفاء وامها : هاي
غاده: صباح الخير
كلهم : صباح النور
لمياء: وين رايحه اشوفك لابسه
هيفاء: رايحه لصالون
لمياء: ليش لاتكون رموشك انهارت وتبي تروحي ع شان يركبوها كويس
هيفاء: لا ياقلبي رايحه اسوي ستشوار لشعري وميك اب
لمياء: ليش وين راح تروحي
هيفاء: راح يجو صاحباتي
لمياء: كم بنت راح تجي
هيفاء: يعني تقريبا 20 بنت
لمياء: ووين راح تجلسوا؟؟؟؟
هيفاء: وين يعني بالبيسمنت
لمياء تطالع غاده: يعني مكتوب علينا مانسبح اليوم
غاده: ههههههههههههههه
طلال دخل
طلال : السلام عليكم
كلهم: عليكم السلام
طلال: اهلين غاده كيفك
غاده انقهرت لان شكلها ابد مو حلو توها صاحيه من النوم وماحطت ميك اب
غاده بدلع: الحمدلله انت كيفك؟؟؟
طلال: الحمدلله ,, كيف عمتي ؟؟؟؟
غاده: تمام
هيفاء: اقول طلال ابي السيديات الي عندك
طلال: اي سيديات؟؟؟
هيفاء: اي سيدي منوعات عندك ابيه لان صاحباتي حيجوني اليوم
طلال: قالوا لك فاتح الشراع بغرفتي
هيفاء: يووه طلال السيديات الي عندي قديمه شوي
طلال: روحي ادخلي غرفتي وخذي الي تبي
هيفاء: اوكي,, يله باي
كلهم: باي
غاده كانت طول الوقت مفتونه بجمال طلال,,ضربتها لمياء ع يدها
لمياء بهمس: خلاص راح تاكليه
غاده انحرجت: طيب خلاص اسكتي
00000000000000000000000000000000000000000000000000 00000

بندر اخيرا طلع من غرفته وكان يبي يطلع قبل ساره تشوفه,, ووقفته ساره
ساره: بندر ايش سويت بالموضوع؟؟؟؟
بندر: سارونه حبيبتي قلت لك اتركي الموضوع علي
ساره: الى متى لما يجي الخميس ؟؟
بندر: لاانشالله اليوم
ساره: عموما انا راح ادق ع مشاعل الساعه 12 بالليل واقول لها كل شي اذا ماتبي تخسرها قول لها قبل الساعه12 ع الاقل تجي منك
بندر : طيب عطيني فرصه لبكره
ساره: ولا دقيقه بعد 12,, يكفي اني سكت امس
بندر يقرب من ساره وبحنان: سارونه انا ماطلب المستحيل بس بكره ,, ووعد مني اذا ماقلت لها بكره انا راح ادق عليها قدامك واخليك انتي الي تقولي لها
ساره تذكرت مواقف اخوها معاها ,,, ومستحيل ترده,, وهو ماطلب الا فرصه يوم واحد بس
ساره: اوكي بكره الساعه 10 اخر فرصه لك اتفقنا
بندر يبتسم : اتفقنا
طلع بندر يدور بالسياره مايعرف ايش يقول لمشاعل,,, يبي يصارحها,, بس خايف تتركه,,لازم يلقى له خطه ,,, لازم,,, فكر وفكر,, وظل يفكر لما داخ من كثر التفكير والدوران ,,, وعوره راسه,,, وقرر يرجع للبيت والي كاتبه الله راح يصير
00000000000000000000000000000000000000000000000000
كانت هيفاء مشغوله بالرقص مع صاحباتها وكانوا رافعين ع الصوت لدرجه انك تحس ان البيت راح يجيه زلزال من قوه الصوت,, بس بما ان السهره كانت في البيسمنت كان الصوت مو مسموع بالنسبه لباقي غرف البيت,, ونظر لكبر البيت وقوه بنيانه صعب تسمع اي صوت فيه,, وكانت هيفاء مانعه لمياء وغاده من انهم دخلوا حفلتها الصغيره,,, اول شي لانها تكره غاده اما لمياء تفشلها لانها متواضعه,, وبنظر هيفاء الغرور لازم خاصه مع حالتهم الماديه والرفاهيه الي عايشين فيها
كان طلال يتمشى بالحديقه الخلفيه وهو يكلم ساره
طلال: ساره انتي قلتي لي ان بندر اليوم راح يقول لميشو
ساره: انا قلت بس صارت ضروف اقوى مني ومنه
طلال: ساره انا خايف انك تصرفيني,, وتبي تضيعي الوقت ع شان ميشو تتزوج اخوك
ساره: انا عطيت بندر فرصه لحد الساعه 10 بالليل اذا ماقال لميشو شي راح اقول لها انا
طلال: ساره وربي مو قادر اصبر لحد الساعه 10
ساره : الي خلاك تستنى هالشهور استني يوم واحد بس
طلال: طيب ساره تكفين ردي علي ع طول ترى اعصابي تعبت
ساره: اوكي لاتشيل هم انت نام وارتاح وانشالله خير
طلال: الله يسمع منه,, اوكي ساره انا اسف ازعجتك وتعبتك معاي
ساره تبتسم: صح انك تعبتني ,,, بس انشالله انا راح اخلي ميشو تاخذ بثاري منك وتتعبك
طلال: احلا تعب وربي بس هي تكون معاي
ساره : لهدرجه تحبها
طلال : انا اموت بدونها,, ماتتخيلي كيف حياتي بارده ومالها طعم بدونها
ساره: الله يجمعكم انشالله اذا فيه خير لكم
طلال: امين,, ساره ودي اسالك سؤال بس ابيك تجاوبيني بصراحه
ساره:قول
طلال: ميشو تحكي عني؟؟؟
ساره: اممممممم ,, هذي اسرار ماقدر اقول لك
طلال: يله عاد ساره قولي
ساره: بصراحه بعد الي صار قلت طلعاتي مع ميشو واذا جيتها بالبيت تعرف ام سلطان تكون بالبيت ومانقدر ناخذ راحتنا ,, وهذا غير ان نفسيتها كانت تعبانه من بعد الي صار لها ,,, وخفت ازيد هموما لما احكي عنك او اجيب طاريك,, حتى هي كانت تتحاشى انها تتكلم عنك ,, بس انا متاكده انها من جوا تموت شوق لك
طلال مره انبسط بهالكلام,, وشكر ساره ع الدعم,, وعلى وقفتها معاه
قفل منها وانتبه للبيسمنت الي مليان بنات,, وكان فيه ثنتين طالعين يتمشوا بالحديقه,, وكانوا يطالعوا طلال وودهم ياكلوه من النظرات
طلال تركهم ورجع لغرفته ودق ع هيفاء, والي ردت عليه وصوت الميوزك مغطي ع صوتها
هيفاء تصارخ: هاه طلال ايش تبي
طلال: اطلعي برا بالحديقه ع شان اسمعك
طلعت هيفاء برا
هيفاء: هلا
طلال: حبيبتي قفلوا الستاره لان العمال راح يشوفوكم
هيفاء: اي عمال كلهم نايمين,, وبعدين مانبي الكتمه ونسكر كل شي وكاننا بسجن
طلال: حبيبي انتي عارفه ان البيسمنت كله قزاز ومكشوف ع كل الي برا,, مايصير ياقلبي
هيفاء: يوووووه طلال تبي صاحباتي يضحكوا علي ويقولوا معقده
طلال طفش من اخته العنيده: طيب بس انتبهوا
هيفاء: طلول صاحباتي انجنوا عليك
طلال: طيب ايش اسوي لهم
هيفاء: خذ هذي عنود تبي تكلمك
العنود: هاي طلولي
طلال: تمونين طلولي ,, اقول روحي ارقصي ابرك لي
وقفل بوجهها
العنود منصدمه: ياي هيفاء اخوك جفس,, قفل بوجهي
هيفاء: هههههههههه,, حبيبتي اخوي ثقل
العنود: والله لاطيحه
هيفاء: هههههههههههه,, يله الله يقويك
العنود: انتي بس عطيني رقمه وانا اخليه يحبني
هيفاء طالعت العنود من فوق لتحت ,,, حلوه وبنت عايله معروفه مره ,,حلو انها تكون زوجه اخوها,,مو مثل هالمشاعل الي ع قوله هيفاء مو من مستواهم
هيفاء: هذا موبايلي رقمه فيه خذيه منه
00000000000000000000000000000000000000000000000000 00000
كان بندر راجع للبيت وتعبان من الدوران ومن التفكير,, طلع غرفته وتمنى ان ساره مو فيه ع شان مو ناقص نصايح وتهديد منها,, حمد ربه انها نايمه ,,, كان يحاول ينام,, لما خطر ع باله فكره تجنن ,, فكره راح تخلي مشاعل زوجته وراح تبعد طلال وساره عنه
دق على طول على مشاعل ولقى موبايلها مقفل
دق ع ساره
ساره صوتها كله نوم: الو
بندر: نايمه؟؟
ساره: ايه ايش تبي؟؟؟
بندر: لابس كنت ادق ع مشاعل ابي اقول لها ع الموضوع ومامقفل موبايلها؟؟؟؟
ساره: والله مدري عنها ,,, بكره اروح لها واشوف
بندر: اوكي حبيبتي تصبحي ع خير
ساره: وانت من اهل الخير
00000000000000000000000000000000000000000000000000 00000
يوم الاربعاء
فهده وامها كانوا رايحين يشوفوا روان الي راح يخطبوها لصالح
ام فهده : اجل وين البنيه ابطت علينا
ام روان: الحين جايه
دخلت روان,,وانصدمت فهده لما شافتها ,, مع ان صالح اخوها بس مايستاهل روان ,, كانت نحيفه مرررره وقصيره ونعومه,,, ومؤدبه مره وشكلها تستحي
فهده: هلا روان كيفك
روان بحيا : الحمدلله
ام فهده تتفحصها
فهده: تدرسي ياروان
روان: ايه
فهده: باي سنه
روان: بثالث ثانوي
فهده: ماشالله
وحاولت فهده تسحب الكلام سحب من روان ,, خجلها مو معقول
بعد ماطلعوا
ام فهده: هذي البنت والا بلاش
فهده: والله يماما حسافه ع ولدك جفس ومايعرف يتعامل معاها
ام فهده: وجعن يوجعتس هذا اخوتس
فهده: اقول يمه غريبه اعجبتك
ام فهده: اعجبني حياها وشكلها ماعندها شخصيه,, اسهل علي اصيطر عليها
فهده: حرام عليكم
ام فهده: اخسي واقطعي بس
00000000000000000000000000000000000000000000000000 00000